بسم الله الرحمن الرحيم
قصه وقصيده عن كرم شمر بالجنوب (2) استاذن الاخ اخو حصه بان اكمل
مشواره في هذا الموضوع وارجو ان يكون راضيا عن ذالك .
اخواني المشرفين اخوني الاعضاء الضيوف الكرام :
السلام عليكم ورحمة الله وبركاته
انا ساطرح موضوع في كرم شمر في الجنوب والذي اريد ان يحوز على رضى
الله ثم رضاكم وهذه القصه والقصيده بالاحرى هي مفخره لشمر كلها ونشكر
سفرائنا عند الاجناب الذين رفعو سمعة شمر وجددوها وانصح الاخوان الذين
يعمولون خارج الحدود ان يتحلو بالاخلاق الفاضله.
وساطرح الموضوع عن الشيخ او الامير\مشل بن سالم بن طواله امير الفوج
التاسع والثلاثون بنجران رعاه الله. وهو الوحيد الموجود بالجنوب له سمعه عند
اهل الجنوب كلها واهل الشمال ربعه شمر والي محادينها من القبائل المجاوره
والبعيده ودون قصور بالجميع وكل شمر طيبين وهذه القصيده من واحد يامي
وقصيد الاجناب احسن لانه من اجناب اما من نفس القبيله ماهي مثل الي من
براء الي من براء اطعم لان كل واحد بيمدح ابن عمه وهذه القصه كالتالي:
هذه القصيده سمعتها بعرس الشيخ محمد نجل الشيخ مشل من الشاعر
عبد الله بن حفول السعد اليامي فاعجبتني القصيده فوددة اعرف مناسبتها
فسالة حتى وصلت للذي اريده .كان الشاعر عبد الله اليامي قد مر ببيت
الشيخ مشل وراى الرجال والباب المشرع والطيب الي كل اهل الحي من
الطيب يتعطرون فدفعه فضوله فدخل ليرى وش هال البيت ولما دخل وجد
الترحيب ويالله حيه كالعاد وهذا ليس بغريب على الشيخ مشل وقهوه وطيبوه
ووجد العلوم الغانمه وقال على اثرهذا قصيده جميله جدا والامير مشل
يستحقاها واكثر من ذالك وقال الشاعر عبد الله بن حفول اليامي :
في غفلة الحساد ناديت انا القــــاف = لبى الندا في صرخة احساس محزون
قلت احتضر عذب المعاني ولاهداف = وانص الشيوخ الي على العز يطرون
تنصا هل الطولات زبن اللذي خـاف = روس الرجال معقلة كل مجنــــــــون
ملفاك شيخ للمواجيب عـــــــراف = ابيه واجداده وربعه يشيخــــــــــــون
امير من عهد الخلايف والاسلاف = ساس الاماره والمخالـــــــــــيق يدرون
مشل سديد الراي شهم ومضياف = كريم سبلا يمه الركب ينصـــــــــــون
ابو محمد نايف وابن نــــــــــــواف = ابن طواله شبه قصر له حصـــــــــــون
قصر الذرى بسمان الايام وعجاف = وملجا لمن هم جاير الحمل يشكون
حلال عقده من هواجيسه اضعاف = ويروح من عنده سعيد وممنون
كم جاه شاكي حاجة بين الاكتاف = يفداه منهم لو قضوها يممــــــنون
المدح يا ساس العوايد له اصناف = انتم بها عن ساير الناس تـــــــدرون
والمال دون المدج والروح تنعاف = بعد الرضامن خالق النفس والكون
ذا طبعنا يا مير والطبع ينشاف = عن يام اترجم صورة لك يحمـــــــــلون
صورة وفاء والصمت عن وصفها طاف =وفيك المشاعر بحيث كل مكنون
فالعذرياصقر بدا راس مشراف = يا فخر قاف جال\ك وافي وموزون
متمكن راعيه مابه تكلاف = وقول على فعل له الناس يصغون
ماقالها عنيام جاهل وخواف = بل قالها اللي لابته مايهابون
قبيلته ممن لهم سلم واعراف = من سعد ابن غوث بزياد يعودون
من يام ابن يصبا مصلين الاطراف = لما احتمى حوض المنايا يعلون
عرفت للقاري ومن يسمع القاف = حتى يكون الهرج واضح ومصيون
حق المعرفه واجب فيه الانصاف = وهذا من ابسط واجب تستحقون
يامير عجز القاف لو ضفت ينضاف = وعن فعلكم ابيات شعري يعجزون
لو الكرم حي ول راس واطراف = ابن طواله للكرم راس وعيون
وان كان جم دونه الجرف هياف = يارد مشل ويعل قدام يردون
وان كان صيد سكته شوكها حاف = شروا مشل يرقى على الصيد بالهون
ولو الوفا سد عجز عنه من طاف = فالسل مشل ولابته جسر وركون
ولوكانهو شقرا عصت كل عساف = في قبضته عوص الاصايل يطيعون
والصدق لو يشهر علي قوله رهاف = عادات مثله للعوايد يصونون
مهما وصفت وقلت يبقى لك اوصاف = كل المجالات الرفيعه تروردون
الباب من طيبك مشرع بالارداف = والمجلس اللي ماضيوفه يملون
مجلس شرف يلقى به البارد لحاف = ويلقى به الطرقي رجال يهلون
والعود الازرق من على الحي طواف = عطر بيوت الحي والي يمرون
هيف السمين وينثني عند الانكاف = عز الصديق وللعدى سم وطعون
له لابه حربها ذاق الاتلاف = شمر على روس المناوي يدوسون
ضرب العدا ماردهم عنه اسراف = فيمامضى واليوم بالحق يمشون
لو يجتمع شعري ملايين والاف = ياصف غلاكم عندنا مايكفون
في ظل دولتنا وليف وميلاف = احباب واصحاب على الحق يمضون
حكامنا ال سعود روح بلجناف = حامين شرع الله فريضه ومسنون
دتمو لنا ما حولونا شر وخلاف = ودامو لنا فالحظ عالي ومصيون
وصلات ربي عد من حج ثم طاف = على النبي المختار ياللي تصلون
جزاك الله خير يالشيخ مشل رفعة روسنا وارجو ان تكون راضي بالي نسويه
مع تحيات اخوكـــــــــم
ر ا ع ا لــــبـــــــل
[poet font="Simplified Arabic,20,black,normal,normal" bkcolor="white" bkimage="http://www.shammar.org/vb//backgrounds/23.gif" border="ridge,6,gray" type=0 line=200% align=left use=sp char="=" num="0,black"]
[/poet]
رد مع اقتباس
المفضلات