كل عام و انتم بخير و صح ه و سلامه يا بعد حيٌ كلكم
بــــســــــم الله و الـصــــــلاة و الســــلام على رسول الله .. .. ..
[poet font="Simplified Arabic,14,white,normal,normal" bkcolor="" bkimage="" border="double,4,gray" type=0 line=200% align=center use=ex char="" num="0,black"]
لا وا هنيك يا أشقر الريش بالريش=من وين ما تبغى يبين أصطفاقك
تزمها بين الضلوع المحاريش=ما ذكر به شيءً عن الجو عاقك
اليا كفخت..أدميت بيض المناويش=و اليا سكنت..أخفيت حر أشتياقك
ياطير ما جربت حب البشر..ليش؟=اليا غدت ما بين قلبك و ساقك
ساقً تروم الدرب في ساقة الجيش=و قلبً على يمة هل الحب ساقك
تعطي على نقل التباشير بخشيش=و تقول للرمان..وشهو مذاقك؟
ويكلمك رجال و تقول له :أييييش؟=تسمع و لكن..صم سمعك فراقك
ويصير ثوب (العيد) في ناظرك خيش=و نسق العرب دايم يخالف نساقك
ماعاد هي يا طير..شمغ و دشاديش=يا نور يوم (العيد) حان أنفلاقك
عايد على اللي له جديل و عكاريش=الريش ريشك و الغرام أنطلاقك
ياسيد الخلان..قصد المطاريش=ياقبلة الأشواق..قصدي عناقك
تعال أبفرش لك من الورد تفريش=فالأرض مالي غير ذودك و ناقك
تعال لك ضلعين لبسن طرابيش=يانهر دجله في ضلوعي عراقك
ياقلبي اللي حافظ..الملح و العيش=يا كاسي اللي مر طرقي و أراقك
غافلتني..بشويش بشويش بشويش=في حين غره لين تم أنسراقك
يا طير انا لا مت..وشلون ابا أعيش=لا صرت مثلي ..كيف تعشق وثاقك؟
بالله قله كيف يهنا لك أتعيش؟=و هذا عروقه وسط جسمه..صداقك
لا و اللذي كرم نبيه عن قريش=أن الهوى و الريح صارن براقك
و أن الليالي طيش و أن السهر طيش=لا صار من جمر الفراق أحتراقك
أبي أعرف الذنب و الا السبب ويش؟=يا طير بالتخمين نبداء سباقك
لكن طلاق..و بالثلاثه يا أبو ريش=انه(دلع)..طلاقك ماهو طلاقك
[/poet]
اخوكم و تلميذكم/
عبدالله ذويبان
رد مع اقتباس
المفضلات