العيد قرّب وانت يا زيـن مطلـوب
وان عودت للصدق ما انتـه معـذّر
محبوب لا ينسى مع العيـد محبـوب
قلبـه وفكـره دون خـلـه تـكـدّر
ان كان حبك يا اريش العين مكتوب
فنا رضيـت بكـل شـي(ن) مقـدّر
عن الجفا والصد يا صاحبـي تـوب
وارحم فواد(ن) في غرامـك تخـدّر
في هجرته عانك من الناس محسوب
وفي قايمة وقتـه غرامـك تصـدّر
لا زاد يهنالـه ولا ذاق مـشـروب
والحال بعدك يا هوى البـال حـدّر
اليا ضحك كنه مع الناس مغصـوب
قلبه معـك يـا زيـن ورّد وصـدّر
في حبكم ما نلبـس الثـوب مقلـوب
لكـن علـيّ الليـل طـوّل وغـدّر
لي صاحب(ن) كل الحلا فيه مصبوب
ومن الحلا كنـه غـزال(ن) تحـذّر
في مجلسه كن الحلا حولـه يـذوب
واليا رحل عن مجلسه يشبـع الـذّر
واليا هرج هرجه خبيتي ومسحـوب
كنه علـى كـل الحـروف يتبـذّر
ما دام في حبه غدى القلب مسلـوب
مانـي بـوالله عـاذره لـو تعـذّر
يالربع أقلبو الموجه على مونتكارلو
