يــا vbclubUserCodE قـــلـــطــ تقـــهــــوا..

اقتباس:

---

المشاركة الأصلية كتبت بواسطة أبوطروق

هلا بشليويح والبارودي وسنجار
يالله حيهم أقدعوا وتقهوو.

أبوعارف ليه ماتحيي هالرجال ترهم من روس ربعهم ماهم شوي

بعدين وش بلاك يابوعارف على التويجرية خله تعوذ على كيفه،هذي بنت التويجري مو خمس فلوس،يعني تدخل أي مكان تبيه. الله يهديك فشلتنا مع البنية.






طحياتي (أتلزق بعجايب)

---

==================================

ابو طروق الربع هذولا مالحقت عليهم مسجلين أسماهم في سجل الزوار ورايحين وهذا سنجار هدد الزعيم بلوه قصيدة هجائية يبي يمحطه به إذا ماعدل عن هالغياب المستمر حذر المطنوخ من الشعار والمفوهين خله أما يقعد في مقلطه أو يسكر هالمقلط حتى يتفرغ له.

أما من ناحية خطبة البنت الرماحية أبشر بسعدك ، لكن عجايب حاجبة مقلط الحريم عن الرجال مزعله طنخان وبعدين موضوعه ماهو عند عجايب تعرف على ولي أمرها والباقي على أبو عارف زائداً العونه اللي يسمونه العانية يعني 10 خرفان و10 آلاف ريال ومبروك تستأهل يابو طروق.

ويش سويت مع المسابقة الفكرية؟

السلام عليكم...

تسمحولي اقلط واتقهوى معكم يالشباب...

كفو والله يابوعارف قول وفعل

أنا أبيك تكلم الشيخة عجايب هانم طول ألله عمره علشان تشوف البنت وتعرف منهم أهله وبعدين نلبس بشوتنا أنا وياك وناخذ معنا طنخان أفندي)واسطة( وأعرفلي واحد من شيوخ سبيع مايقصر يخاوينا ونتوجه لرماح ونخطب ونقدم ريال الفسحة مهر وترو لكم شرهه مهي شوي إذا وافقوا علي أهل البنت،ولا ننسى الشيخة عجايب له عندي طقم لازوردي إذا تعاونت معنا.

بالنسبة للمطبخ الفكري والله مالي إلا شورك علي وأتشرف بالإنظمام لك في الفريق وبعد شوي تلقاني عند محمدالشمري أطالب وبشدة الإنظمام لفريق أبوعارف،بس عسا يمدي أبوجاسم يسجلن.

شكرا أبا عارف على الفزعة

الدم الأزرق مرحبا ألف


سلملم عليكم

اقتباس:

---

المشاركة الأصلية كتبت بواسطة هندالتويجري

أعوذ بالله

---

=================================================
ياهند من أجل تسامحيننا أدخلي على أي إنسان في محله ذكراً أم أنثى وقولي (أعوذ بالله) مقطوعه لاقبلها ولابعدها مثلما قلتي بعاليه وانصرفي ثم خبريني في ردة فعل هذا الإنسان.

حتماً سيسألك مذا بك وما هو الشيء الذي تتعوذين منه؟ لوكملتيها لابأس تكون أوضح مثل أعوذ بالله من الشيطان الرجيم على أي حال نحن معشر المطانيخ نفرح إذا دخل عندنا أحد من أخواتنا النواعم ، لكن لا أن يطل علينا بدون سلام ولا كلام ثم يتعوذ ويمضي.

وبناءً عليه خوذي هالبيتين ياهند رضاوه وسامحينا إن غلطنا عليك.

[poem=font="Simplified Arabic,5,white,normal,normal" bkcolor="crimson" bkimage="" border="none,4,gray" type=0 line=0 align=center use=ex num="0,black"]

ياهند يمكن تقصدين السلامي = لكن غلطتي يوم شفتي ابو طروق
هو مربش الخفرات حر قطامي = رمز الـوسـامه والشـهامه ومنطوق
والعشق واضع مايبيله كلامي = شـوفيه عـاتبـني على قلـة الـذوق
من إسمها ياناس صابه هيامي = خطرن على قلبه تفتق من الشوق
يقول أشوفه كل حين بمنامي = يام الجديل اللي على المتن مفهوق
من شافها بالحلم عاف الطعامي = وقلبه عليـكم يـريش العين محروق
أخاف يجيك ياهند بعض الملامي = لاتـذبحين الشمري ذاك ابـو طـروق
عودي لنا ياشبه ظبي المظامي = وتـعـوذي واللـي يـعـاتبـك محـقـوق [/poem]



ويش تبي بعد يابو طروق إعتذرنا لهند التويجري ولايكون خاطرك إلا طيب
حياك الله ياهند وحياالله كل عائلة التويجري في مضايف شمرn) rooose2 .

8

اين طنخان الحر الابي الشامخ:)

طنخان هالشيبان رثعوا بفلتنا وبالديوانيه


وانا اشوف ممنوعات بهذا


شيولك معك والا اجيب الدركتر:goooood:


لاتبطي يالطربه:)

أبوعارف ألحق ريالوه يبي يبلس علينا رحنا فيها.

ريال الفسحة تكفا خلنا ناخذ راحتنا مادام مطنوخ أفندي لاهي بدنياه،بعدين ترا هذي هندالتويجري ومعه توصية من ياسرالتويجري بزاته،ومعه دعوة من المطنوخ شخصيا،يعني حنا ما دخلنا حي الله.

إلا ماتقوللي إنت شخبارك وشلونك وشلون ربعك وشيبانك عساكم بخير كلكم،ياخي لاتقاطعنا ترانا أنا وأبوعارف سامتين وجيهنا كل يوم وانت وطنخان والأصيل تغلون علينا مادري وش بلاكم.
ترونا خوياكم بالفلة لا تكبرون علينا.

إي والله أنت وشبلاك ماتسلم!!! أقل شي سلم على شايبكم أبوعارف اللي شايلن هالديوانية عل أكتافه ومونسنا بسوالفه؟؟؟؟؟

أبو طروق مبروك مقدما...

الدعوه فيها...المطنوخ...وعجايب..البنت موافقه..موافقه

وانا باكون الشاهد الأول:)

الله يبارك فيك يا بلو بلود
وعقبالك

إنت سامعن شي أنا ما أدري عنه؟؟؟؟؟

أبوعارف أنت وينك

تلطم ورح ركض لمقلط الحريم
شف هندالتويجري كاتبتن قصيدة بي أنا وياك.

أركض قبل تحذفه عجايب تخبره غيوره وما تداني طاري الرجال.