قمة الحقاره او قساوة قلب او وش تقول انت !!

اقتباس:

---

المشاركة الأصلية كتبت بواسطة عبدالرحمن

اهلا بالاخ الفاضل منصور العطاوي
حقيقة اخي لم اشاهد المشهد لكن قرأت العنوان!
فالعنوان يقول اب يغرق ابنته!
وقبل ايام قرأت قصة اغراق الاريتيري لأثنين من ابناؤه!
حتى يحصل على التعويض المقرر وهو مليون لكل غريق!
عالم اليوم مليء بالغرائب والعجائب وقد يكون ك عالم الامس!
لكن عالم اليوم يتميز بسرعة التواصل ونقل الحدث والحديث!
فالعالم او البشر بشكل خاص لا تخلوا من وجود نوع من هذا النوع
الذي خلت قلوبهم من الرحمة بل حملت القسوة بكل قسوة بدل العطف والرحمة
وقد تكون هناك امراض تعاني منها هذه النوعية من المخلوقات البشرية!
كما قال الاطباء النفسانيين الذي تحدثوا عن حالة الرجل الارتيري!.
لك التقدير واسأل الله سبحانه وتعالى ان يجعلنا واياك والقراء الاعزاء
من الراحمين واسأله تعالى ان يقلل هذه النوعية من عدد البشرية.

---

هلابك يا عبدالرحمن

المقطع لو تشوفه تقول غير كذا

انا عندك ما احب الاطفال لو اشوفه يصيح ما اقرب له

و من شفت المقطع وقف شعر راسي

شخص يبي يحول يطلع البنت و الثاني يقول اتركه تشرب ماء
و الثالث يقول اتركه تشرق
و الرابع يقول الله واكبر مدري على وشو

اقتباس:

---

المشاركة الأصلية كتبت بواسطة صعوة فسفورية

انا ماشفت المقطع

لكن من الردود فهمت السالفه لاني صراحة ماحب اشوف هالعنف الاسري

فيه رد استفزني


كلكم راعي وكلكم مسؤول عن رعيته

يعني عشانه ولدي ابدع فيه واهينه



الحمدلله انهم رفعوها هالقضيه للعنف الاسري

ااخ بس

---

ما اتوقع انه عنف اسري

و كلامك صحيح كلم راعي و كلكم مسؤول عن رعيته

و حيااك الله صعوه

اقتباس:

---

المشاركة الأصلية كتبت بواسطة الآخــــــــــر

لا حول ولا قوة إلآ بالله......

شكراً لك.....

---

حياااك الله الاخر

اقتباس:

---

المشاركة الأصلية كتبت بواسطة ريال الفسحه

/

::

علي الحرام ماعندكم سالفه ..

ريال ليه ما عندنا سالفه !!

وينكم وين اعلامكم وحقوق الانسان عن اكثر من مقطع
بمثل هالمقطع ..

اترك عنك حقوق الانسان
شف البنت شلون صايره بالمسبح
شف كم مره صارت بالمسبح بدون حركه


وبعدين الي ماشاف المقطع لايحتسي :)

انت شفت المقطع !

طفلة القمر


الرأفة والرحمه وكوننا قدوة هذا لايعني ان اللي فعله الاب
خطا ولابشرط انه صواب ولكن تحجيم السالفه لهذا الحجم
هو المصيبه ..

اذا هذا مو خطاء وشو الخطاء


انا لا ارى فيها اي شي ..


صعوه


ماعليش استفزينا سموتس :)


بس والله مابه شي وخلو عنكم الخوف الزايد

ركز على البنت و هو يسحبها و يرجعها للماء

اكرر


شعب دلوخ


و انا ااكرر بنت صغيره عمرها تقريبا من سنه الى سنتين
و النفس عندها قصير ما تتحمل
لو شرقت البنت وش كان يبي يصير !

---

و حياااك الله مره ثانيه

حسبي الله ونعم الوكيل
بدنا نقول تعليم سباحة مو هيك التعليم
بدنا نقول موقف استهتاري لا يمت بالاستهتار بصلة
بدنا أنه موقف هبل لا يمكن اكثر من هبل واستعباط
موقف لا يترجم الا بعدم الرحمة و يستحسن ازالته من اليوتيوب
مو ناقصنا اشاعات يكفي اللي يقولوه الغرب علينا
وبات بانطباعي أن معهم حق لمايشوفوا هذه المشاهد
يقولوا عن العرب ارهاب
استغفر الله العظيم ربي لا تنزع الرحمة من قلوبنا

اقتباس:

---

المشاركة الأصلية كتبت بواسطة الحنشل

[align=center]
منصور


اتوقع إنك تبالغ و تضخم القصة ... و الحملة اللي تقول عنها المفروض اسمه (حملة مع الخيل يا شقرا)

انت تشوف كذا

تعليم الأطفال الرضع للسباحة هو أمر معروف و معتاد خصوصاً في العالم الغربي

صح كلامك بس مو كذا

و هناك مراكز متخصصة هناك لتعليم الأطفال التعامل مع الماء (السباحة)
و هي تبدأ غالباً بعد الأسبوع السادس من الولادة .. في أماكن خاصه
بعدها ينتقل إلى المسابح التقليدية .. و هذا يكون في الشهر الثامن
يستطيع الطفل (الرضيع) عندها ممارسة السباحة و التحكم بأنفاسه
و تعلم الطفل (الرضيع) في هذه المرحلة المتقدمة من العمر له فوائد
فهي مفيدة لتصحيح عيوب النمو و الحركة لدى الأطفال
و تكسبه الثقة في نفسه .. و تعزز من اعتماده على الذات .. و تقلل من فرص موته غرقاً

انت قلت فيه مراكز متخصصه
مهو تغطس البنت و تتركه و تقول تشرب و تشرق


/
/

بالنسبة للمقطع الذي جئت به .. أرى أنه ضخم فيه .. و إن دل فإنما يدل على تخلفنا نحن
و خصوصاً عندما قامت هيئة حقوق الإنسان بالتدخل !!
فهذا كشف لنا حجم السذاجة التي تتمتع بها دوائر الدولة الحقوقية
فقد كان من المفترض أن يتم توظيف مثل هذا المقطع في نشر هذه العادة الصحية
و المفيدة للأطفال


اي فوائد تقول عنه و هو يقلب البنت على وجهه بالماء
و اي فوائد و يقول خلها تشرب
و اي فوائد و يقول خلها تشرق
العن ابو الفوايد الي كذا
و فوق هذا كله يسقط البنت بالمسبح
و عنده اطفال
يعني ما تبي تاثر على الاطفال
اللحين الرجال او المره لو شافت شخص قدامها ميت او يبي يموت
يتاثر و الكل يصير فيه كذا
شلون اطفال يشوفون اخته او وش ما كانت
يسون فيها كذا
وش يبي يكون موقفهم



ريالي ..
إنك صادق يا بعدي ..
أنا مدري ليه الناس مشقية نفسه بوغدان خلق الله
بس الوضع عندنا يختلف ..
تصدق يا ريالي إن الأب لو يضرب ولده كف .. ضاعت علووومه
سجن و بهذله و تعهدات
اذا الرسول عليه الصلاة و السلام قال للولد اللي جاء يشتكي من أبوه ((أنت و مالك لأبيك))
و قال عليه الصلاة و السلام ((لا يقتل والد بولده))
بس عندنا الوضع غير :)

اذا الابو مهو كفو يصير رب اسره له ما يدخلون القرايب
و اذا لابو ذبح لولده و قال كيفي ما ابيه هذا صحيح !
كلامك صحيح بس باشياء معينه



[/align]

---

و حياااك الله

اقتباس:

---

المشاركة الأصلية كتبت بواسطة جود الضياغم

وعليكم السلام ورحمة الله وبركاته


ياليتن ماشفت المقطع بصراحه تقطع


قلبي اب منزوعه الرحمه من قلبه


اتمنى ان الله ينتقم منه اشد انتقام


الي مايخاف الله حسبي الله ونعم الوكيل


مشكور اخوي منصور على تقطيع قلوبنا


تحيـــــــــــــــــاتي00000000

---

ما اتوقع ان فيه اب يكون كذا الا اذا ما همه شي و لا همه عياله

و حياااك الله

اقتباس:

---

المشاركة الأصلية كتبت بواسطة أهداااب

بعيداً عن الرحمه و حقوق الإنسان ..



مثل هالموقف حدث معي يوم كنت بحدود الـ 5 سنوات و الله ما زلت أذكره ..


واحد من خوالي دزني بالمسبح على اساس يمزح معي و يلاعبني ..


شفت الموت بعيونه يوم حسيت الما دخل فمي و الحنجرة



و امي زعلت عشاني و صارت سالفه...:)



و ليومكم هذا احس اني حاقده عليه ...




فما بالكم بالأب ..!!




يا جماعة الخير



هالطفلة وش فهمها عنف أسري و لا حقوق إنسان

و لا فن السباحة ..!!




كل اللي راح يرسخ في ذهنها من هالموقف قسوة هالوالد










لا حول و لا قوة إلا بالله .........

---

اهداب مهي بس البنت

حتى الاطفال الي عندهم تبي تكون لهم عقده

و حياااك الله

اقتباس:

---

المشاركة الأصلية كتبت بواسطة ريم شمر

[align=center]انا مع ريال الفسحه في كلامه [/align][align=center]

السالفه عاديه وكثير من الاهل يعودون اطفالهم على السباحه بهالطريقه

ومعروف ان الطفل الصغير يطفو

يطفو صح
بس لاحظي وش يسوين يسحب البنت و يرجعها و كلها ما فيه مجال انها تتنفس

بعدين البنوته فديتها شكلها متعوده والا ماقربت اصلا من المسبح

وكان بكت والا بين انها على وشك الغرق

طيب ابي اسالك الطفل ما يقرب من النار !
الطفل ما يمسك شي لانه ما يعرف وش الخطرها

حتى ان المقطع يظهر انها تتنفس بشكل طبيعي

وين تتنفس طعيبي و هي كذا مره صارت بالمسبح بدون حركه



حقوق الانسان هذا اللي شاطرين فيه

ورا مايدورون ورا اللي يخطفون الاطفال ويغتصبونهم ويقتلونهم


هذا مجرد اب يدرب بنته وهدفه انها لو لاسمح الله يوم طاحت في المسبح

تعرف تتصرف وماتتعرض للغرق

طفل يا ريم طفل لا يفهم و لا يعرف شي
يعني لو طاحت تبي تجلس تلعب او تطلع من المسبح !


اجل حاكموا اللي يعلم ولده ركوب الخيل :)

انت قلت يعلم و الي بالمقطع مهي طريقة تعليم

وحاكموا اللي يخلي عياله يلعبون بالملاهي بالالعاب الخطره

و ليه ما قلتي يمنعون الالعاب الخطيره !


عادتنا يالعرب نكبر الصغيره ونصغر الكبيره :rolleyes:


واقول مثل ماقال ريالنا حفظه الله

اللي ماشاف المقطع لايحتسي :008b:

و انا اقول نفس الي قلتو



تسلم اخوي منصور

بس وسع صدرك

الامر عادي جدا

والاعلام بس اعطاه اكبر من حجمه

وارجع شف المقطع اكثر من مره

تتوقع لو الاب شاف بنته بتغرق بيوقف يتفرج عليها

هو عارف ان ماعليها الا العافيه وانه مجرد تدريب عادي

شفته و هذا مهو تدريب هذا لعب بالبنت
بني ادم صار لعبه عندهم


تدري اخوي درب عياله كلهم على السباحه بهالطريقه

وكان يبي يعلم عيالي وانا من خوفي عليهم رفضت

بس وش نفعني :(


اي مكان فيه مسبح اعيش برعب اخاف عليهم

بينما عياله وبعضهم صغار مره

يسبحون مثل السمك فديتهم اسم الله على قلوبهم :d:

الله يخلي لك عيالك بس شلون تعلم !
صار لهم مثل البنت !






[/align]

---

و حياااك الله

اقتباس:

---

المشاركة الأصلية كتبت بواسطة رهـفـ الشـمـريـ

لو بيدي هذا اعدااام ورب البيت

والمشكله لو جاه شي تلقاه اول من يبكي عليها

وش قال قال اعلمها سباحه

الله يأخذ السباحه وساعتهاا لوكان بسوي في طفله كذااا

لاكن ربي لاتنزع الرحمه

تحياااتي لك

.
.
.

---

حياااك الله رهف