السلام عليكم ..,,
هذا الموضوع حبيت نتناقش فيه عن المكياج ... الخ
نبدأ بالاسئلة.....>>>
هل تستخدمين مستحضرات التجميل؟
نعم وبكل تأكيد ، وأنا أعتبر الميك أب فن ومهاره والحمدلله أن الله حباني في حب هذا الفن وفي أمتلاك هذه المهاره ودائماً أفكر في المستقبل بتعزيز مهاراتي وتطوير فني ومثالي في هذا الفن هي المبدعه الكبيره حنان دشتي
برأيك ماهو السن المناسب لوضع المكياج ؟
كل فئه عمريه لها طريقة ميك أب تختلف عن الفئه الأخرى يعني الميك أب في سن الطفوله بيكون بسيط جداً غير المراحل العمريه الثانيه
ومتى اول مرة بدأتي باستخدام المكياج؟
كان عمري 13 سنه
وهل كان هناك احد معارض؟
والدي ووالدتي
للمعلوميه على أنني في هذا السن العمري الا أنني في نظري والدتي سأبقى مدى الحياه تلك الطفله الصغيره التي لاتعرف مصلحة نفسها - كما تقول أمي طبعاً
الى الأن اسمع منها محاضرات لانها تكره الميك أب وتحب البساطه او بلا ميك أب
أذكر موقف مع الميك أب وقتها كنت طفله وكنت أمووووووووووت جنووووووووون في شي أسمه ميك أب roooose
طبعاً ماهو مسموح لي وضع أي شي سوى تسريح شعري امام المرآه وكان مسموح لي أيضاَ أراقب وأشاهد أمي وهي تضع الميك أب فقط
ونامت امي في يوم بالمستشفى وجا يزورنا بالصدفه صديق ابوي وكان معاه عياله بنت وصبي من نفس عمري
صعدنا نلعب فوق واقترحت عليهم نلعب لعبة ( حريم ) :mrrzeff: لعبة البنات المفضله :thumb: وجاء في ذهني سالفة الميك أب ودخلت غرفة امي وفتحت خزنتها وأخترنا ملابس وجواتي عاليه وشنط ورحت احوس في أغراضها وكان من بينها الميك أب وطلبت منهم أن يجلسوا على الكرسي علشان أحط لهم الميك أب البنت رفضت قطعياً لانها تخاف وقلت لها انتي خوافه واطلعي ماتلعبين :qannaj: وبعدين وافقت وهالصبي كان حبوب ومستسلم يعني تقول يمين يمين تقول شمال يروح شمال:thumb:
وانا بديت ألون وجهه وهو لابس عبايه وجوتي عالي :) وصار وجهه خريطة العالم وبعدين لونت وجه اخته بعد ماأعجبها الوضع :luvlove:وبعدين بديت بنفسي واذكر اني جلست فتره طويله في الغرفه وابوي كان يعتقد اننا نلعب لكن كانت المفاجاءه الكبرى أن البنت شفتها تبوق شي من أغراض امي ولحقتها عند ابوها وشاف أبوي وجهي حديقه غناء من الالوان :165r:
وحصلت لي علقه مانساها بعمري كله :100r: علقه خلدها التاريخ في موقف أعظم :408r: وكله في سبيل الميك أب :406r: ومسكني مع شعري وسحبني المغسله وقال هالحين تغسلين وجهك من الصبغ حرمت بعدها العب في شي بحياتي :d:
وطلع صديق ابوي ذوق أعطى عياله علقه جدامي علشان ماتصير فيه حزازيات :thumb:
بس هالصبي كان متعاطف معي كل مايشوفني اجيهم بالبيت ينقز ويقابلني والابتسامه شاقه وجهه يقول يالله نلعب حريم :mrrzeff: ويمسك ايدي ويطير فيني واذكر مره جيتهم وامه كانت شاريه غراض من السوق وسحبني وطلعنا فوق وفتح الدولاب وطلع أكياس أمه
وكانت ملابس جديده وصار ينبش فيها ويقول يالله نعلب حريم :452r:
