يالحربي فل الحجاج وخل عنك التصانيف *** كلن يموت وحاجته ماقضاها
مساكم الله بالخير يالنشاما....
أخوي الحربي.......
تحية طيبة...
بالنسبة لكلامك على كتاب أبطال من الصحراء...
كلامك كله دعايات وتحريض والحقيقة مرة ..أنا اعرف!!!؟؟؟
وانت مالك بشمر والا بني صخر انت منت محامي عن هالقبايل تحاميلها...
الله على هالحميه... هم عندهم لسان يردون به...
اما بالنسبة لحرب نقول خلي الطابق مستور ....ونعم فيهم لكن لاتفتح على نفسك باب صعب عليك تقفله وتجيب الكلام لك ولربعك...
حنا نعرف زين وش حرب ووش عنزة (كل قوم ولا عنزة...)
ونعرف السوالف من قبل ما نقرا كتاب ابطال من الصحراء يعني هالكتاب ما بيزودنا ولا بينقصنا اللهم انه ديوان يحفظ بعض الاشعار...والقصص...
وعقبه تقول لون ابن شعلان غزى حرب كان صار......
وش فيك سكت وش صار علمني ها....:confused:
نوبن تدخل على سوالف عنزة ومدري وش تسولف وهاللون...ونوبن بني صخر ونوبن شمر..
أقول والله ربعك ما يزيدون بكلامك ولاينقصون وترى لو تحسي منا لباتسر كلامك هذا ما يمثل الا وجهة نظرك ...والا حنا ياعنزة وانت شمر وانت يابني صخر ابخص بعلومنا وقصيدنا..
واسمحلي من انت مع احترامي لك حتى تطعن بكتب وتقول هالسوالف مار هي النعرة القبلية مثل ماعلمتك من شوين عرفت يابناخي...
في النهاية اخوي الحربي انت كاتب فاهم ورزين واتمنى انك ما تحيد عن دربك اللي عهدتك عليه وخلك من هالسوالف اللي مابه هيهٍ يامار تدبل سبدك...
وخلك مثل ماقال خلف بن هذال العتيبي :
بالعرف والدين والحكمة تسلطنا
،،،،،،،،،،،،،،،،،،،،،،،،،،،،،نترك كثير الامور وناخذ أحسنها
وخلك راكد ترى الركادة يازينها...
تمنباتي لك وللجميع بالتوفيق...
في حفظ الله ورعايته اخوي الحربي...
اخوك في الله
العنــــــــــزي....................
ينكر خطا غيره ولا ينكر خطاه *** وزودٍ على كثر المجادل اعنادي
يا الحربي...تحيه طيبه
قلنا الكتاب به اغلاط مار نقول عليه مصدر غير موثوق لا.ولا وألف لا,,
تقول :
نحن نناقش موضوع الاخطاء في كتاب ابطال من الصحراء ، فليس هناك اي داع للخروج عن الموضوع الى امور جانبية ليست من صلب الموضوع .
عقب ماشطحت بنا شرق وغرب جاي تقول هالكلام ..
تقول لو غزي الشعلان على حرب كان صار...
هذا كلامي انا :rolleyes:
وهذي ماهي امور جانبيه..
وخليت سالفة العواجيه مع حرب ودخلت على خلف الاذن الشعلان (أبا الشيوخ)..
من اللي دخل في امور جانبيه..
اقول بالحربي تراك عفست السوالف فوق بعضهن ريض ريض على نفسك..
وكتاب السديري والله مهما قلت ما تقدر تشوه سمعته ...صحيح به اخطاء لكن ماهي اللي توصله انه مصدر غير موثوق...
وترى هو غير موثوق عند الحروب بس ... ماهوب كلهم بعضهم...
ولعلمك للحين الكتاب بينطبع وبكميات كبيرة والمكتبة المتوليه طباعته
دار كنوز المعرفه...وبنفس الكلام..
والا كان منعته وزارة الاعلام...
يالله وقف طبعه...
سلام يالمصدر غير موثوق.......:cool:
يشهد على قولي عكفان الشواريب *** ويشهد على قولي شمر ووايل
الله بالنور بالحربي...
كلامك هذا
اما قولك ان الكتاب يطبع الى الآن فهذا الكتاب سبق ان اوضحنا الاخطاء به وانه مصدر غير موثوق فلا يهمنا ان كان يطبع او لا يطبع فهو (((لن يقدر ان يسلب تاريخ وامجاد القبائل )))
أحلى مافيه مابين الاقواس...
تقول
ولكن لانني لا اريد ان اتحدث عن تلك الحروب بما (((يضايقك لمعرفتي والمامي بها)) ويكفيك فقط ان تسال رواة قبيلة عنزة ((كيف وصلت قبيلة حرب الى القصيم)) وعلى حساب من من القبائل بعد ان اجلتها من اراضيها ؟
اخوي الحربي كلامك هذا والله يوم قريته عيوني دمعت من الضحك :D:D
تقولي : أنشد رواة عنزة والله استحي انشدهم يضحكون علي..لو قلت لهم كلامك..
ياحليلك يالحربي والله انك عسل...
والله ما ابي ازعلك...وماتهون علي...
ولكن ارجع لبعض المناخات وعندك كتاب البدراني ولد عمك وشف المناخات واحسبهن زين...وكنتم تدخلون مع الظفير ومطير ...
بالنسبة للااراضي القصيم وقولك وصلت على حساب من...
يقول مشعان بن هذال :
من ماجد ابن عريعر حر الاوكــــــــار
،،،،،،،،،،،،،،،،،،،،،،،،،،،،،يقول وليتوا داركم يالمناعير
الشيخ اللي حيف على البيض بالغار
،،،،،،،،،،،،،،،،،،،،،،،،،،،يقول حل بداركم حرب ومطير
وجيناه كما السيل طمام الاوعــــــار
،،،،،،،،،،،،،،،،،،،،،،،اليا ما غدت عنه البوادي شعاثير
وعنزة خلت القصيم لانها قفار وكانت تبحث عن المرعي وموارد المياه ولكثرة قبائلها وعندك كتاب أصدق الدلائل في أنساب بني وائل (قبائل عنزة) لعبدالله بت عبار العنزي يشفي الغليل ..وقول مشعان بن هذال شيخ الشيوخ :
نجد جفتنا وكل دار لنا دار
،،،،،،،،،،،،،،،،،،ماهي معافه مير جوع ومداهير
وهالقصيدة ما تخفي عليك يالحربي واسمها الشيخة....
وغيره مانبي نطري علومن هاللون قضت ومابه هيهٍ مار انت يالحربي تفتح الباب الله يهداك...
أرجو اخوي الحربي انك ماتزعل من كلامي التاريخ تاريخ ولكن عندي لك حل نناقشها انا وانت على الخاص لن سوالف مثل هذي ما نقدر نقولها وصهبة عليك فهمتني يابعد حيي وميتي ...
تراك اخو وعزيز ....
في حفظ الله ورعايته...
