المشاركة الأصلية كتبت بواسطة روح حايل
بسم الله ...
شلون خششكم يالربع ...
عساكم استانستوا بالعيد ...
اللهم لك الحمد
:d:
الله المستعان بس انا مدري شلون ابعيش كثر ماعشت ياجماعة !!!!
الله يعطيتس طولت العمر
كل ما اطفش اتذكر سالفه تضيق الصدر :)
سالفتي اليوم صدز انه قديمه بس وش اسوي بقلبي!! تهيض :)
قبل 20 او 21 سنه يوم اني بالابتدائي ، وأثناء إكمال مسيرتي التعليميه :)
<< ابد يالدختوره !!
الله يقطع ابليس اختي توه متعلمة تمسك المقص وتحورف بشعره !!
وطايحه له بقص الغره ، مادري بعضكم وش يسميه يمكن القذله :)
لا بعد ومسمين القصه / قصة الوردة / ههاااااااااااااااااااااي
متأثرين بفشفاش ابو وردة هههههههههههههههههه
وينتس يارتوجه عن هالموضه :)
الا وبنت الحلال تحشرن الا تبي تقص لي ..!!
يابنتي مابي عاد ماهو من زين هالخشه ، ما تفرقونه عن حكاكة قدر خالتي حسنا :)
عليتس تشبيه انما ايه
المهم التسلبه انا اقتنعت ، قلت خل اكشخ بالمدرسه على البنات ...
واقولهم قصة الورده هذي وش مدريكم ياهمج :)
ماش يالربع النيه لا صارت رماديه مثل مدرجات الطائي :) تنحاس وتنقلب عليك ! حتى اسألو يوسف بالنوايا الرمادية :)
اييييييه ...
المهم وتقوم علي العوبا اختي ... وتبل شعري كلوه !!! طيب انتي بس تبين تقصينوه من قدام !!!
قالت بالفم المليان ... // انثبري // ههههههههههههههههههههه
يالله وش ورانا ننثبر عشان الكشخه :)
عاد الا الكشخه
وهي تجزوه ياجماعه جز الخروف ، وانا مدري وش شعوري اكالوقت ابتسي ولا استانس ...!!!!
ههههههههههههههههه
ويالربع نشف شعري وكمش !!!
كمش بقوه :(
ياعمري صبرتي علشان الكشخه واخرته كمش والله من البراءه بهالعيون
وهي تهلس علي من الحتسي الفاضي !!!
ياسلام على الكشخه ياحركات يا.....
:puzzled:
الا قولي يا وجه العنز يالمروحه !!! وش سويتي بي !!!
:148r:
قالت هذه قصة الورده !!!:3ajeeb:
اقسم بالله تقل مشمعه قنفذ بهامتي :)
وتخيلوا النفسيه ههههههههههههههههههههههههه
ماودي اضحك بس لانتس ضحكتي بضحك معتس والا انا بساندتس بازمتس النفسيه
..
.
مالنا الا التسليم لرب العالمين :) ورضيت بالامر الواقع ، المهم عقب الحبس الانفرادي بدار امي ...
طلعت خشتي للنور عشان افلام كرتون ابي اتابعهن تخبرون نص ساعه وتقضي ...
الا اخوي اللي يقالوة الكبير متربع عند التلفزيون ...
واصير وراوه ههههههههههههههههههههههههههههههه << منكسره نفسيته :)
عاد وانا حيل منسجمه ومتابعه من جميع جوارحي ...
.
الا ويلتفت علي !! وهو يبخه ضحك << مالوموه ههههههههههههههههههههههههههههه
وشو هذا يالخبله ...
وتدكن العبره !!!!!
وانا اقولوه هذي قصه جديده << لتس عين بعد تحتسين !!!
.
.
ياجماعه بعذري البراءه اللي تحتسي ماهو انا :)
وهو يكمله تمسخر ويقول يالعنز !!!!!!!!!
يااااااالله انا عنز ... قويه يالربع ...
ياويل قلبي والله تحطيم
وانا ابلعه تقل عشرق جدتي :)
واروح مره ثانية للحبس الانفرادي وابتسي واطلع اللي براسي ...
وهي تطب علي الكوفيره ،، وشبتس وشنوحتس !!!
وانا اهل السبحه ...
والله ياختي انه رجاله راحت لاخوي ولعنت كعثوروه الكعثور !!!
مع انه اصغر منوه ، بس ياني فرحت انه طلعت اللي بتسبدي ...
..
.
مغزى السالفه :
ليه الاخوان مع خواتهم تسلاب !!!
ولا اعرس صار منا حليلوه مع مرتوه هههههههههههههههههههههههه
الله ابو صوابر العدو :)
الحين تعالو شوفو بنتوه !! خل احد يقول به شين ...
تصدقون لهاالحين ما اقوى اقص غرتي هههههههههههههههههههههههههه والله تعقدت :)
مالومتس تعقدتي
بس ...هذا اللي عندي ...
وبعدين يالبخلا ليه ماتفزعون لي بصور حايل !!!
روحوا قسم التصميم وحطوا لي شين ياملا الصلاح ...
على يوسف الطلاق ان ماحطيتوا لي شين ابدق خشة التوأم السيامي همس القصيد وعطر القصيد !!!
<< ماتفرق بيناتهن :)
عاد بكيفكم :)
كل الود
roooose
