صـــ ـ ـ ـ ـ ـــرخه

بسم الله الرحمن الرحيم



اما ان تكون صرخه للملك عبدالعزيز فهذي نكتة هالسنه بلاشك واما الاستشهاد ببيت الشعر اللي


يقوله الامير بدر بن عبدالمحسن فهذا غير صحيح لاننا ماعرفنا الامير بدر مؤرخ حافظ للتراث وانما شاعر


ولاتقبل شهادتهم لصالح جدهم وهذا معروف والسيف لعبدالله اعطاه عبيد وبقي مع عبيد طيلة حياته


لين وصل للجنازه ثم سعود ابوخشم وهو موجود الان في متحف الدوله,,,


واما الحصول عليه فهي روايات مثل ماقلتوا واكثر الروايات عند شيبان اهل حايل الموثوقين ان عبدالله


عند دخول العراق وقعت حادثة ((نهبة الحله)) وشافه بدكان تاجر هندي مسلم ينادونه ياقوب(يعقوب)


وقرر عبدالله ياخذه لانه فوضى وبالليل تسلل وشاف التاجر نايم وفجأه نزل على التاجر حرامي من


فوق الجدار واراد ذبح الهندي فخرج عبدالله وذبح الحرامي وسأله الهندي وش جابك قال كنت ناوي


كذا وكذا فأعطاه السيف وراس عجل ذهب((اللي اهداه للامام تركي)) وخاتم وقال اذا احتجت


شي من الهند ارسل لي احد واعطه الخاتم وفعلا اعطى الخاتم لمنصور وناصر يوم يرسلهم يجيبون


المدفع من الهند علشان ابن سراح اللي قال عبيد :


حنا هذولا مجهدينن بالاطلاب,,,, نتنى مراسيلن من الهند يلفون


هذا اللي سمعت من اكثر شيبان اهل حايل وهي اقرب الروايات حسب ظني والله اعلم



(((الراوي)))

سلام عليكم

العزيز ابو فهد !!

بس لي ملاحظة وهي ما يتعلق بناصر ومنصور !؟

اللي سمعنا وقرينا ان ناصر ومنصور اسماء المدافع اللي جابوهن من الهند !؟

لأن عبيد يقول :-


ان ساعف الباري وجينا بالأطلاب ** لتشوف منصور لخشمه يواسون

ناتيك بجموع يعييون الأداب ** ياويل من بأطراف نزله يحلون

ضياغمٍ ترخص حلاله والأرقاب ** ودون الرفيق بمالهم ما يدارون

تحيتي لك

والسلام

صحيح اخوي راع الوقيد لان المدافع سموهن باسم اللي جابوهن



حسب معلوماتي وكلامك صحيح,,,


((( الراوي )))

أخي الكريم فواز

عجبت والله لأمرك

تقول أنه حصول صرخة تعددت فيه الروايات

ثم تعود لتقول أن بدر بن عبدالمحسن شاعر وليس بمؤرخ

والسؤال الذي يطرح نفسه حول تناقل الناس لمثل هذه المعلومات

البس أغلب الموروثات وخصوصا القبيلة يتناقلها الناس شعرا ؟؟

ثم هل آل سعود بحاجة لإضافة صرخة إلى تاريخهم الحافل ؟؟

بمعنى لو لم تكن صرخة لهم ، أو لم تصل إليهم لم نسبوها لهم ؟؟

أخي الكريم

من باب أخر روايتك التي اوردتها هنا

عارية عن الصحة تماما

فهل كان لعبدالله الرشيد أن يتسلل كاللصوص للحصول على السلاح ؟؟

ومن من ، من تاجر هندي مسكين ؟؟

أرى أن تشبيهك هذا إنقاص من قدر هذا الفارس المغوار

أخي الفاضل

لك أن تسئل الجربان وهم يفيدونك

شكرا لك

بسم الله الرحمن الرحيم


اما قولك من ناحية صرخه فعبيد حسمها وقال:


كله لعيني صيحة الاسلميه 00 ارخيت صرخه في طوال الاذاني


واما قولك لو ماهي للملك عبدالعزيز كان مانسبوها له فهذ غريب لو قيل لكل شخص انه


ماادعى هالشي الا لانه له لضاعت الطاسه000


والامير بدر نعم عرفناه شاعرا وعرفه الجميع كذلك ولم نعرفه مؤرخا للتراث وهذا لايجادل


فيه احد ولايزعل منه هو ايضا 00 اما ان اراد احد ان يحطه باللي يبي بكيفه 00


وبعدين انا قلت ان هذي روايه ماقلت حقيقه ومدامها روايه فهي مثل غيره من الروايات طالما انه مافيه دليل واضح وانا ماالزمت احد


بروايتي لاانت ولاغيرك علما يالغالي ان الموضوع ان صرخه (( قطع به عبيد الرشيد رووس الرجال)) وهو الاهم واما من اين حصلوا


عليها فليس بالموضوع الذي يستحق اندفاع البعض بالحديث وكان احدا قد اهان جناب شيخ القبيله00


((لا يااخي ماهكذا تورد ياسعد الابل))) والموضوع فرعي جدا ولايستحق الزيادات في الاخذ والرد ياعزوتي000


وانا يوم اقول روايات شيبان اهل حايل لانها موطنها ويعرفون اهلها واسرارها اكثر من غيرهم


والقصه اللي ذكرت ماارى فيها منقصه للامير عبدالله خاصة في تلك الظروف000


وروايات الجربان على الراس والعين لاكنها تبقى مثل روايات غيرهم تحتمل الصواب والخط مثل ماان رواياتنا ينطبق عليها نفس المقياس


الا ماكان دليله واضحا يفرض نفسه000


تقبل تحياتي (((الراوي)))

بة اسيوف تعادل الصرخة يا اخ مشعل

كسيف ال سعود الى يتسمى الاجرب وسيف الشعلان شامان وسيف الابقع الاجرد وسيف الحدب الاطرم عرفت يا البناخى السيف اسم اما الفعل فعل اليد يا اخ مشعل يقال ان شجاعة الجنازة تعادل شجاعة على بن ابى طالب كرم اللة وجهة واللة اعلم رحم اللة موتانا وموتا المسلمين امين
مشكور على الموضوع الطيب اخوك الرطاب

السلام عليكم ورحمة الله وبركاته

صرخه الرمز القوة المجد

صراحتا انا ما شفته لكن ابني كلامي على شايبن لنا شافه شوف العين لا بمتحف ولا غيروه ومن وصفه

انه مهي سيف عادي هي اقرب ماتكون للشلفاء حيث ان له ذبابين(اي ان نهاية النصل ينقسم للقسمين) اعرض من عرض السيف العادي وهم على شكل نصل

خنجرين مثل جنبيات اهل الجنوب!! وهي ككل اقصر من السيف العادي

اما بانسبه للكيفية حصول الامير عبدالله الرشيد رحمة الله عليه عليها(انه صارة اعمال نهب وفوضى ببغداد اعقبت محاولت اجتياح فارسي للبغداد وعم النهب من البلد

شاف عبدالله رجل معه سلاح غريب يحاول يكسرله قفل وكل ما اهوى تجادح الشرار من القفل !! قال له عبدالله واللي يكسر لك القفل وش له!! رد الرجل له نصف

اللي بهالدكان !! تعاهدوا!! خذا عبدالله السلاح وادلا بالقفل الا هو غادين قطّع ورد السلاح للراعيه ودخلوا وليا بس ذهبن يتلامع !! يوم شاف الرجل الاخر الذهب

نوى الخونه وقال ترى مالك شي من هالذهب !!! تغافله عبدالله بدبوسن معه(قناة تكون مصنوعه من الحديد وراسه به زوايد حاده على شكل دبابيس) لا هو من صيد

امس!!! خذا عبدالله (صرخه)وخذا غزالين من ذهب(اللي اهداهن على الامام تركي)

واللي استخدموا صرخة غير عبدالله (عبيد خصوصاً يوم يذبح امير القصيم قبل لا يزبن للدروازة وانه قسمه للنصين قسم من المحزم وحدر بقى على ظهر الفرس

ودخل مع الدروازة وقسم من المحزم وفوق وقع خارج الدروازة وسكرة من دونه انا ما اذكر اسمه بس اذكر انهم ما تعرف عليه بعد موته الا زوجته الخالديه)

كذالك استخدمها أمراء الرشيد وصولاً للجنازه

اما بانسبه للمقوله اللي تعزي كل تلك الصفات للصرخه بانها من نسج الخيال او مجرد خرافات

فاقول معنويا بان تلك الخرافات وصلتنا عن شيباننا عن شيبانهم عن شيبان شمر (فأذا كانت خرافات فلا حول ولا قوة كل علوم شمر اللي وصلتنا منهم خرافات

واقول ماديا وعلميا بان صرخة مصنوعه من معدن البالود وهو عبارة عن سبك عدة معادن مع بعض والناتج هو معدن ذو صلابه عاليه (مثل المعدن المستخدم

في المخارط للسيارات وكذالك المستخدم في تقطيع الالماس) فشيء طبيعي ان تتكسر السيوف من صلابة هذا السيف المصنوع من هذا المعدن

اما بانسبه للتشكيك بشناعة فعل صرخة باللي تقع عليه فاقول انها أجتمعت صلابة معدن وصلابة باس وقلب وذراع(وشلون ماتبون مهاويه شنيعة)رحمة الله عليهم

وبالنهايه كون صرخة موجودة بمتحف او باي مكان اخر ما يدلل ذالك على شي ولا لها معنى معناها راح مع تاريخها

أرجوا ان تكون مداخلتي فيها فايده او في بعضها على الاقل

ولا خلا ولا عدمِ