عرض للطباعة
الله لا يهينك
ما قصرت
هذا حقي عليك
وفيت وكفيت
وانا ممنون لك اخي طلال
اشكر لك جهودك المميزه والتي يلمسها كل من زار هذا المضيف حتى لو كان
اول مره فالجهد واضح .
اتمنى من كل قلبي لكم النجاح في هذا المضيف حتى يصبح موسوعه تاريخيه
تضم انفس واثمن الكنوز التاريخيه
وتقبل خالص تحيات اخوك / فهد العواد
[ALIGN=CENTER]العـــــواد فـهـد
اخي
اشــــــــــــــــــــــــكـــــــــــــ ــــــــرك
على هذه المعلومات
التي اتحفتنا بها عن الوالد( رحمه الله )
وقبلها اتحفنا وجودك معانا هنا
[/ALIGN]
الله يعطيك العافيه
والف شكر على مرورك على هذا الموضوع
اخ وعزيز وغالي
لك مني كل الود والاحترام
الاخ الغالي // فهد
العم عواد لا توفيه هذه السطور التي كتبتها في سيرته يرحــــــــــــمه الله
ولقد اتبعة اسلوب الايجاز
الله يعطيك العافيه وما قصرت يا بو عواد
معذور ياقلباً على الصبر ماقوا
،،،،،،،،،،،،،،،،،،،،،،الصبر يغضي لو بدتله بدايله
قدام عيني حل بالغالي القدر
،،،،،،،،،،،،،،،،،،،،وقفا بتاج الراس واقفت رحايله
ياكبر فرجتنا وياشين دارنا
،،،،،،،،،،،،،،،،،،،،من عقب نور الدار زارع خمايله
اقفا عزيز الجار .. اقفا من الوفى
،،،،،،،،،،،،،،،،،،،،،ابوي وعجز القاف يحصي خصايله
اقفا من الاجواد كفاً من الصخا
،،،،،،،،،،،،،،،،،،،،،اقفا عزيز النفس من دار زايله
اقفا حكيم الراي في ساعة القضا
،،،،،،،،،،،،،،،،،،،،،ياتاهت الحـــكمة وضاعة دلايله
عضيد بالشدات ومدهال بالرخا
،،،،،،،،،،،،،،،،،،،،،،،وتفرج الكربات عذبت مثايله
ممشاه بالدنيا على الحق والهدى
،،،،،،،،،،،،،،،،،،،،،ويجود وقت الكود ويكسي هزايله
يغزل حجاجه لقبل الظيف وبتسم
،،،،،،،،،،،،،،،،،،،،،،،هلا ورحـب والــمواجيب طايله
يذبح سمان الحيل خوفاً من القصا
،،،،،،،،،،،،،،،،،،،،،ويحرص على جمعة بداره نزايله
مسراه درب العز والجود والنقاء
،،،،،،،،،،،،،،،،،،،ويا جته عوجا الناس ما دار قايله
يابوي جزلاتك من الصعب تنحصي
،،،،،،،،،،،،،،،،،،،،،والله لون القاف طعسن وهايله
فعايلك يشهد لها راعي الثناء
،،،،،،،،،،،،،،،،،،حتى الثناء يابوي من الطير نايله
من الله وثما منك في قاحل الوطى
،،،،،،،،،،،،،،،،،،،،،،،،جعلت له رزق تعاطت جزايله
واسست دار ما تغاليت خيرها
،،،،،،،،،،،،،،،،،،،،،وحمله على متنيك يابوي شايله
وحل القضاء غصباً لينا بلا رضى
،،،،،،،،،،،،،،،،،،،،،،،،حقاً ومكروهن ولابه أمحايله
وارجي من اللي يسمع العبد لدعاء
،،،،،،،،،،،،،،،،،،،،،،الواحد اللي كل عينن تخايله
ينزل فقيد الروح في جنة الرضاء
،،،،،،،،،،،،،،،،،،،،وبالقبر يرحم والدي من قوايله
ياغافر الزلات ويمحرك العصا
،،،،،،،،،،،،،،،،،،،، تغفر لمن خافك بقول وعـمايله
يارابطاً وصلك بمن ياصل الرحم
،،،،،،،،،،،،،،،،،،،،أبوي والله ما قــطع في سلايله
أنت الكريم وتكرم العبد بالكرم
،،،،،،،،،،،،،،،،،،،،،من رزقك الواسع عطا ابوي سايله
جعلت من يؤمن بعظمتك شاهده
،،،،،،،،،،،،،،،،،،،،الجار ..وهذي الدار تشهد نثايله
ومن أمنوا واوصوا على الحق والصبر
،،،،،،،،،،،،،،،،،،،،،في رحمتك من كان هذي فـــعايله
يا الله يارحمن يا مجزل العطاء
،،،،،،،،،،،،،،،،،،،،،وما فيه نفس الا لها الرزق كايله
يامنزلاً نورك على صفوة البشر
،،،،،،،،،،،،،،،،،،،،رحمه وتخبـــــرنا بعظمة هوايله
تحسن له المثوى .. وتنور له القبر
،،،،،،،،،،،،،،،،،،،،ومن جنة الفــــردوس تشفي علايله
ومن كوثر الهادي تعوضه عن الظمأ
،،،،،،،،،،،،،،،،،،،،والعشرة القدوه عســــاهم خلايله
وعاى الصراط انك تقديله الخطأ
،،،،،،،،،،،،،،،،،،،،،وكتابه بيمناه لافي شمـــــايله
وتمدنا بالصبر يا دايم البقا
،،،،،،،،،،،،،،،،،،،،،ولتواخذ أعيوننا تذارف هــمايله
النفس تحزن .. لا اعتراضاً على القدر
،،،،،،،،،،،،،،،،،،،،،،ونت الذي تعلم بعـــدله ومايله
له فرجة يقصر عنه طايل البصر
،،،،،،،،،،،،،،،،،،،،،، وأحس من فقداه انا الدار جايله
يالله وفقنا على قدر ما هقا
،،،،،،،،،،،،،،،،،،،،،، وسدد اخطانا لين نوفي جمــايله
الله يرحمه ويدخله فسيح جناته
اخووووك// ابومطلق
اخي العزيز ابو مطلق السلام عليكم ورحمه الله وبركاته
اسمح لي اخي العزيز ان اقتبس منك تلك القصيده واعيد نشرها الله يرحم الميت ويبقي الحي ومن خلف ما مات والبركه في أبنائه
منقول من ابو مطلق
[poet font="Simplified Arabic,5,black,bold,normal" bkcolor="transparent" bkimage="backgrounds/14.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
معذور ياقلباً على الصبر ماقوا
الصبر يغضي لو بدتله بدايله
قدام عيني حل بالغالي القدر
وقفا بتاج الراس واقفت رحايله
ياكبر فرجتنا وياشين دارنا
من عقب نور الدار زارع خمايله
اقفا عزيز الجار .. اقفا من الوفى
ابوي وعجز القاف يحصي خصايله
اقفا من الاجواد كفاً من الصخا
اقفا عزيز النفس من دار زايله
اقفا حكيم الراي في ساعة القضا
ياتاهت الحـــكمة وضاعة دلايله
عضيد بالشدات ومدهال بالرخا
وتفرج الكربات عذبت مثايله
ممشاه بالدنيا على الحق والهدى
ويجود وقت الكود ويكسي هزايله
يغزل حجاجه لقبل الظيف وبتسم
هلا ورحـب والــمواجيب طايله
يذبح سمان الحيل خوفاً من القصا
ويحرص على جمعة بداره نزايله
مسراه درب العز والجود والنقاء
ويا جته عوجا الناس ما دار قايله
يابوي جزلاتك من الصعب تنحصي
والله لون القاف طعسن وهايله
فعايلك يشهد لها راعي الثناء
حتى الثناء يابوي من الطير نايله
من الله وثما منك في قاحل الوطى
جعلت له رزق تعاطت جزايله
واسست دار ما تغاليت خيرها
وحمله على متنيك يابوي شايله
وحل القضاء غصباً لينا بلا رضى
حقاً ومكروهن ولابه أمحايله
وارجي من اللي يسمع العبد لدعاء
الواحد اللي كل عينن تخايله
ينزل فقيد الروح في جنة الرضاء
وبالقبر يرحم والدي من قوايله
ياغافر الزلات ويمحرك العصا
تغفر لمن خافك بقول وعـمايله
يارابطاً وصلك بمن ياصل الرحم
أبوي والله ما قــطع في سلايله
أنت الكريم وتكرم العبد بالكرم
من رزقك الواسع عطا ابوي سايله
جعلت من يؤمن بعظمتك شاهده
الجار ..وهذي الدار تشهد نثايله
ومن أمنوا واوصوا على الحق والصبر
في رحمتك من كان هذي فـــعايله
يا الله يارحمن يا مجزل العطاء
وما فيه نفس الا لها الرزق كايله
يامنزلاً نورك على صفوة البشر
رحمه وتخبـــــرنا بعظمة هوايله
تحسن له المثوى .. وتنور له القبر
ومن جنة الفــــردوس تشفي علايله
ومن كوثر الهادي تعوضه عن الظمأ
والعشرة القدوه عســــاهم خلايله
وعاى الصراط انك تقديله الخطأ
وكتابه بيمناه لافي شمـــــايله
وتمدنا بالصبر يا دايم البقا
ولتواخذ أعيوننا تذارف هــمايله
النفس تحزن .. لا اعتراضاً على القدر
ونت الذي تعلم بعـــدله ومايله
له فرجة يقصر عنه طايل البصر
وأحس من فقداه انا الدار جايله
يالله وفقنا على قدر ما هقا
وسدد اخطانا لين نوفي جمــايله
[/poet]
اخي العزيز ابو مطلق
اسعدني مرورك على هذه المقاله ان صح التعبير
الف شكر على الكلام الرائع اللي قلته
والف شكر على تكرار القصيده
لك مني كل الود والاحترام والتقدير
وتقبل خالص تحياتي
[ALIGN=CENTER]
الاخ ابو عتيق
الله يعطيك العافيه
على تنسيق القصيده بهذا الشكل وهي موجوده في المقال الاساسي
الف شكر على الاهتمام
ولك مني جزيل الشكر [/ALIGN]
الاخ العزيز فهد العواد المهيني
حقيقه عندما يكون صاحب المقال علم فهو لايحتاج الى كثير من التعريف
وما قامت به ايه العزيز عن نبذه جميلة عن الوجيه المعروف من الوجهاء تشكر عليه بالفعل فقد احسنت العمل بارك الله فيك
فالشيخ عواد بن حمود المهنا المهيني من الوجهاء المعروفين وهو مؤسس قرية المهينيه المعروفة رحمه الله
وبعد وفاته رثاه الكثير من الشعار ومنهم الشاعر/ ضحوي بن نزال المهيني
[poet font="Simplified Arabic,4,orange,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله من علم(ن) سمعنابه اليوم =هز القلوب الرأسية من حشاها
علم(ن) بالمساء حزة النوم = هلت دموع العين من مالفاها
الىّ جرى شي مقدر ومقسوم =الموت حق وكل نفس(ن) حذاها
مرحوم ياعواد مرحوم مرحوم=يرحمك رب البيت رافع سماها
مرحوم ياللي مانفخ راسه راسه الزوم=رجل(ن) حليم وعز منهو نخاها
مرحوم ياللي عادتك دايم الدوم= قولت هلا والضيف عندي عشاها
ابن مهيني عادته يذبح الكوم=كل المراجل حازها واحتواها
في مجلسه يلقى تواريخ وعلوم=هو الذي كل المراجل مشاها
لك وقفة(ن) ماياقفه كل شغموم =بالطيب فعلك عالياً مستواها
أنت الذي مؤسس لنا شي ٍ معلوم =زيزوم ربعه طيب الله ثراها
اللي ذكرته له تواريخ ورسوم =وقول حقيقه ماصدق من نفاها
هرج(ن) بلا برهان راعيه مذموم = لاخير في رجلً مايقدي خطاها
يالله يالمعبود يافارض الصوم =أمانتك يارب عندك جزاها
ترحم فقيد عقبه القلب مهموم =ياواحدٍ رحمتك كلٍ رجاها
صلاة ربي عد ماتنشي غيوم =وعداد مافي الصحف والي قراها
على النبي اللي عن الشر معصوم= وضح للأمه سنته واقتداهل
[/poet]
حفظ الله الجميع
اخي العزيز ابو عبيد
الله يعطيك العافيه
والشكر ما يكفي يالخال
ولكن هذا ليس مستغرب من شخص مثل ابو عبيد فرض نفسه على الساحه
الشعبيه والادبيه واصبح مرجع للكثير من تاريخ الانساب والقصص والشعر
الذي لولا الله ثم انت وامثالك لأختفى .
ابو عبيد هذا الاديب الذي فرض نفسه على الساحه بجهوده الذاتيه
وسعت اطلاعه على الكتب النادره وبحثه عن الحقيقه سوا من الكتب او الرواة
الموثوقين لم يشغله اهتمامه في التاريخ عن تاريخ الحاضر حيث احضر لنا
قصيدة الاخ ابو سالم ضحوي المهيني .
وانا شاكر ومقدر جهودك يا ابو عبيد
الله يكتب لك الصحه والعافيه
وتقبل خالص تحياتي
[align=center]الطَّيب مايخلف وراه إلا العلوم الطيبه
رحمة الله عليهم كلهم
اخونا فهد
اللعذر والسموحة لقد وجدتها بالصفحات الأخيرة
اخوك ابو غازي[/align]