** سلة بوحي ** عبدالله الجعيثن

اشتاق لوجيه الرجاجيل وانقاد && شاعر ولي وسط المجالس رياده

واغيب عن راع النميمه والاحقاد && نقصي معاهم عند نفسي زياده

وينك ترا عودي له ايام مرفوع && من راح زولك تاركه ماعزفته

اسبوع راح وتوني بادي اسبوع && تعال اسمع ماكتبت وهتفته

طيبك يفوح..وباقي يفوح طيبك && ياللي على عرش المحبه تربعت

بالله قللي يالغلا كيف اسيبك && وانا من انفاسك خدرت وتشبعت

شاريك .. من بد المخاليق شاريك && ناطرك .. لو طوّل غيابك عليّه

اغليك .. لو شانت لياليك واغليك && شاعرك .. سوا من غيابك قضيه

لو مال وجه المشاعر..وجهتي يمك && قلبي معك من جذوره حيل تليته

ياحظ منهو جمع همه على همك && حطك رصيده وصرتي ملكه وبيته

1/6/1431


للذكرى........فلن يغيب ماحييت!!!!

تعال واقطف ثمر ترحيبك بصدري && مادام سلة قصيدي منك رويانه

ان جيت ابوصف شعوري..قلتلك مدري && فرحة غواويص البحر في شوفة الدانه

سولف ترا صوتك مع الناي مخلوق && داعب وتر قلبن له شهور ذايب

يازين خد وقد..مع زين منطوق && يامكسبي من ماشطات الذوايب

ليت الزمن يرجع واعلمّك وش صار && منك الخطا ياطيّب القلب مسموح

صدري وسيع ولا آحقد لكن اغار && وانسى واسامح واترك الباب مفتوح

يابنت.. بدري .. توه يزين جوي && شاعرك يبدع في حضورك قلايد

يالفاتنه قربك على الليل نوي && يمطر على الاوراق جزل القصايد