المشاركة الأصلية كتبت بواسطة المطني
هذي قصيدة الأمير عبدالله بن رشيد حسب ماهو محفوظ عندي وحسب ما سمعته من الرواة اللي التقيت بهم
[poem=font=",6,orange,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياهيه ياللي لي مع النـاس وداد= ماترحمون الحـال ياعزوتـي ليـه
ماترحمون اللي غدا دمعـه ابـداد=جار الزمان وحـرّق الدمـع خدّيـه
ذا لـي زمـانٍ ماتهنيـت بـرقـاد=وقصر الحشا قامت تهـدّم مبانيـه
من يوم شفت الشوق مركوز الانهاد=ومجلّـيٍ عـن دار حيه وأهاليـه
وأقفى يجر الثـوب للضلـع شـرّاد=متمشلح ٍ ياطا على اطـراف رجليـه
الشوك مالـه عـن مواطيـه ردّاد=الاّ ولا سـبـتٍ قــويٍ يوقّـيـه
اخذ ثمـانٍ مـع ثمـانٍ لـه ازواد=ولالقى مـن عزوتـه مـن يلفّيـه
وجبّة سقاها من اول الوسم رعّـاد=ماطالعت خشم ام سنمـان تسقيـه
حيـث انهـا للمنهـزم دار ميعـاد=ومن لاذ به عد الحرم لايـذٍ فيـه
ومصيخ ابن فرحان عريب الاجـداد=كل العساكـر نكّسّـه تتلـي البيـه
ارسل بهم عامر ومحسـن وزيّاد=والكل منهـم مارجـع يـم غاليـه
وغرنا على شهب الغوارب منه غاد=وكم عيّلٍ يبكي من القيـظ شاويـه
وجينا قليبٍ غاطس ٍٍ وسـط الانفـاد=بالخمس مع نصف الثمانين ندليـه
ابن رخيص ٍ نازلٍ حـد الاجـراد=قال اقبلوا انتم هـل البيـت ياهيـه
الحيضري مايستـوي غيـر ببـلاد=والبيدوي ما يستوي له تحضريه
ونبي نقارب من هل الجوف خـلاّد=وندعي عسى ان الوبل يسقي مفاليه
واهل سكاكـا نعـم بذالـة الـزاد=ونعم النكيف اليا لفى السير طاويه
اويّ والله يالضويحي مـن أجـواد=ونعم الرفيق ليا نصى المدح اهاليه
وشلنا على حمرٍ طويـلات الابـداد=يم الشمـال ونيّـه الهـور نبغيـه
ليا الشط لي في يمّه الشـط منقـاد=كن الشفلح فـوق موجـه تجاريـه
ياما عليه مـن المخاليـق وعبـاد=والكل منهـم وال الاقـدار مشقيـه
هـذاك زراعـن وهـذاك حـصـاد=وهـذا مريـحٍ وساهـراتٍ دواليـه
وهذا يهل الغزل من فوق الاعـواد=وهذاك يبـرم لـه وهـذا يساديـه
ودخلت قصر ٍ من وراء جسر يغداد=يروغ قلب المسطحي وان دخل فيه
فيه الذهب واللول وايضا الزمراد=وكن الدبا الكتفان يمشي بلوحيه
لاهو بشفٍ لـي ولاهو بالامـراد=ولاهو هواي وطاري النفس يطريه
وحنا بديرة مـن يعـدّون الاجـداد=هـذا ولـد عمّـه وهـذا بناخيـه
الله يسـوّد وجهكـم ياهـل الـواد=سود السماء كل الخلايـق تراعيـه
من باب خـدامٍ ليـا بـاب عـوّاد=ومن ينتخـي بالضيغميـه تطليـه
ياللي نسيتوا عمل الاجرب وفهّـاد=ومن عقب هـذا داخليـنٍ قهاويـه
يذكر جـرادٍ فـي جماعاتنـا سـاد=هذا يخسخس بـه وهـذا ينسويـه
لو تجتمـع كـل الخلايـق بميعـاد=الاّ جـرادٍ مـالـك الله نصافـيـه
والله لو انّي من ورا جسـر بغـداد=انّي لكم مثل العمـل عنـد راعيـه
عيسى يقول الحـرب للمـال نفّـاد=والمال لمن هبّت نسايـم ذواريـه
ياللي تقول الشر مابـه لنـا ازواد=انشد مسوّي السيف هو ليه حانيـه
لاصار مايرويـه مـن دم الاضـداد=يدّيـه يـم العرفجيـه وتـرويـه
ولاصار مامـرٍ يزغـرت بالاكبـاد=ترى الموصّى يسفه اللي موصيـه
ولاصار ما ناصل ونضرب بالاحداد=هبيت ياسيفٍ طوى الهم راعيه
[/poem]
