كلمة حق في عوامل ادت الى نهاية حكم الرشيد وظم حائل لحكم الملك عبدالعزيز رحمه الله

الحمد لله لقد من الله على اهل الجزيرة بحقن دماءهم وسلب اموالهم وقتل بعضهم بعضا الى التألف والاجتماع بعد التفرقة وتسلط البعض على البعض الاخر وقامت المساجد واجتمعت الجماعة واوقف السلب والنهب وحكم بالشرع وكانت الجاهلية قبل الرسول صلى الله عليه وسلم لايامن الرجل اذا خرج من ديار قومه فاظهر الله الاسلام وبني على جماجم الرجال حتى عم الله الامن والامان كل الجزيرة وخرج الى غيرها


فاليام الماضية كانت كل انواع الظلم والطغيان والحكم الى غير الله موجود ولا احد ينكر ذلك

وكانت نجد تسفك فيهاالدماء بكل بقعة وبكل قبيلة وبكل قرية وكل مدينة والحكم للعادة والعرف وعطلت الشعائر

وكانت تركيا الدولة الاسلامية الحاكمة على كل ديار الاسلام ولكن تركت نجد لم يعمل فيها بالاسلام ولم يحكم فيها بالشرع ولم يبن مكان للحكم بشرع الله وتركت المر للقبائل تمل ماتريد ولاحسيب ولارقيب

ولم يكن الله غافل عما يعملون فجعل دون ذلك فتحا قريبا

فضرب الله بعضهم ببعض واكل بعضهم بعض حتى اذا سكرت السبل اتاهم الله بالفرج واراد الله لهم خيرا

وجمع كلمتهم ووحد دينهم وقبلتهم واذهب الجهل عنهم ونشر العلم بينهم (( وتلك الايام نداوها بين الناس )) فمن اخطى فحسابه على الله ومن اصاب فجزاءه على الله

والله غالب على امره ولكن اكثر الناس لايعلمون ===

الاخ ابو رفحا لايستطيع احد منا ان يشوف الظلم امامه ويسكت علشان يقول شيباننا ماتكلمو ؟؟ الا تكلمو وقالو ووضحو امور ... وابي اسألك سؤال لو يجي واحد ويتهم ابن جدي او ابن تمياط او ابن طواله او ابن علي او غيرهم انه دخل مع الاخوان وانت تدري انه مادخل وكل كلام الشيبان يأكد هالشي اليس الحق ان تدافع عن من ظلمهم ؟؟ او نسكت ونقول والله شيباننا ماتكلمو !! ياحبيبي شيباننا حكو عاد مادري عن شيبانك نعم عقاب العجل لم يشترك مع الاخوان ونقولها لمن ظلم نفسه وعكس هذه الحقيقه وابن علي كذالك وابن طواله كذالك وغيرهم الكثير




______________________

الاخ الودق انا راح اجاريك ان شاء الله بالنيه الحسنه واخذك على المحمل الطيب وهو انك جاهل !!

اجل تقول ان الشريعه وحكم الله لم يطبق قبل الملك عبدالعزيز ؟؟ وابن رشيد وش يحكم به اليس هو مندوب الدوله الاسلاميه العثمانيه في نجد ؟؟
اليس هو عامل الوالي على نجد !!
الم تعلم هدانا الله واياك مآثر الرشيد في تطبيق الشرع والاهتمام بالعلم والعلماء

اما نهب وسلب حتى بوقتنا هذا فيه نهب وسلب وسرقات هل معناه الحكام مايطبقون الشرع ؟ لان المسأله بسيطه بلد مثل بلدنا مترامي الاطراف لاتستطيع اي قوه ضبط الامن بالكليه ولكن عموم الامن كان موجود لقوافل الحجاج وغيرها واعترف لك انه ليس بالصوره المثاليه والمطلوبه لكن هي قدراتهم وامكاناتهم في ذالك الزمان اللذي يستغرف فيه المسير فقط من مدينه الى اخرى ربما ايام او اسابيع

الاخ خالد الشمري الله يرضالي عليك احبك احبك احبك
أولا& افهمني زين يابو وليد تاريخ شمر طاله التزييف والتحريف من كثير من اناس الله اعلم بنياتهم
انا ماحضرت السقوط على شان اقولك فلان خان او ما خان *ادري بك راح تقولي الشيبان قالوا هلون وهلون
كل هالشيبان تحكي وتقول ان ابن سبهان هو اللي تعاون مع ابن سعود وسلمه حايل

فيه راوي من اهم رواة الجزيره العربيه وهو ماهو شمري بس محسوبن علينا يقول ان ابن سبهان مظلوم ويثبت ذلك بالادله والبراهين حتى اني صدقته
لاني ماحضرت السقوط
وشيباننا ماهم صحابه بعضهم يميل وبعضهم يتستر على ناس وبعضهم مايبي يحكي
أبي اسالك بالله ليه نفسر ان سبب السقوط هم شيوخ شمر اللي صاروا مع الاخوان *ليه مانقول ان الرشيد الله يجزاهم خير اللي ورثولنا السمعة الطيبه واوصلوا شمر الى قمة الحكم رحمهم الله ليه مانقول سوء تخطيط ولماذا لا نتكلم عن خروج عبدالله المتعب ومن معه وعن الا نقسامات داخل اسرة الرشيد
يا اخي كله عوامل تساند بعضه

ثانيا*ليه حنا عندنا نظره ان شيوخ شمر وفريسهم اللي صاروا مع الاخوان انهم خونه وانهم ما عندهم حميه لشمر
وانت تعرف الشيوخ اللي ذكرهم غريب بعضهم جعله غريب اعلى منه مرتبه عندما قال
اللي بهم نرعى الخطر والمخاويف -----------سوت بهم سود الليالي بهاذيل
ثالثا*يابو وليد فيه فريس اخفو من دائرة الاتهام وهم من ضمن الاخوان
وما ادري ليه بعض الاخوان يركز على فلان وفلان ولايطريهم
ليه بعضهم مايلوم اللي زوج الملك عبد العزيز
ولو ان الملك عبد العزيز تزوج بنت حدا هالاخوان قالت الشماته ايه هذا ضمن دائرة الخيانات
انا ماني مع هذا ضد هذا ولكن انا مع تحكيم العقل
فيه بعض شيوخنا هاللي نفتخربهم زوجوا ابناء عبد العزيز وماني مكمل كلامي الذيب مثلك يابو وليد يفهم
رابعا واخيرا فيه بعض الشيوخ ماشاركوا مع الاخوان بس انهم سببوا لشمر معايير تعيرنا به عنزه وغيره
وتقبل خالص حبي

فاهم قصدك يابو رفحا ويوم هداك الله وضحت ماراح اقول شي انا اتفق معك بالمشاركه هذي بارك الله فيك

يعطيك العافيه اخوي الفصيلي
ولا هنت اخوي خالد الشمري وكلامك واقعي وصريح

اخوك الشريهي

اللة يعطيك العافية ياابن العمrooooseroooose