السلام عليكم ورحمة الله وبركاته
هاذه .. القصيدة .. ردا ً .. على .. الكاتب // عبدالله القصيمي ..
الذي .. قال .. في .. إحدى .. كتاباته .. (( شمر قبيلة أرهابية )) ..!!
والقصيم .. بها .. رجال .. وقبائل .. نكن .. لها .. كل .. أحترام .. وتقدير ..
وأهل .. القصيم .. أكبر .. من .. ذلك .. الكاتب .. القزم ..
وأليكم .. رد .. الشاعر .. // بدر بن عبد المحسن الضبعان الشمري
للأستماع للقصيدة .. بصوت // بدر الضبعان ..
http://www.l22l.com/upwav/uploads/f435da7c0d.mp3
او .. من .. هاذا .. الرابط ..
http://c.up.c-ar.net/2005/18175.mp3
وأليكم .. القصيدة .. (( كتابيه )) ..!!
[frame="6 80"]
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
نخيت شعري يشعل الجاش نيران
=وثارت طواريق الشعر والبراكين
قامت شياطيني وسارت بالأبدان
=حتى عروقي أمتلت بالشياطين
ياللي تسمـّى ( بالقصيمي ) ولا بان
=وسب الطنايا .. ماعرف عننا شين
اهل القصيم اكبر من انسان خوّان
=اكبر من فعول الخبل والبزارين
وحنا لنا صيت ٍ على مر الأزمان
=أفعالنا ماهي بحاجة براهين
تاريخنا .. علـّق على قصر برزان
=تشهد لنا كل القبايل لهالحين
لامن لفانا تالي الليل جيعان
=نعطيه من لقمة هل البيت .. صاعين
وان مرنا طرقي .. عن الدرب حيران
=شاف الجبل يشـّـر بمرحب وسهلين
واللي يبي عن جور الأيام مزبان
=يزبن على شمر ولايشكي البين
واليا نخانا من عنا الوقت منهان
=جيناه لو هو من ورى مشرق الصين
يقوم يرجف داخل القلب بركان
=وتشوف شمر بالملاقى مجانين
صغيرنا .. لو يطلبه كان من كان
=لو هو صغير يقوم ماقال بعدين
شمر الا منـّه غدى الجو دخـّان
=ثم عجعجت كبد السما بالدخاخين
جوك الطنايا باسهم يرعب الجان
=واحد .. وينطح بالملاقى ملايين
تشوفنا دايم بالأفعال شجعان
=يقفي عدو ٍ شافنا بالميادين
ينكف ويلعن كل ماشاف شيطان
=يتوب عن سب الرجال الميامين
واللي يجي بأحسان .. جيناه بأحسان
=نرد طيب أغلى القبايل .. بطيبين
منهو يخاوينا .. لقانا له أخوان
=ومنهو يعادينا .. نجيله معادين
الحمد لله صيتنا صار عنوان
=غصب ٍ على أهل العقول الرديين
يفخر بنا صاحب وغالي وجيران
=وانسابنا تفخر بنا بالدواوين
كل ٍ وله تاريخ و عروق وأوطان
=فينا فقير الله .. وفينا سلاطين
والله جمعنا تحت رايات الأيمان
=وجمـّـع سلايلنا تحت راية الدين
لكن ويبقى للقبايل ترى شان
=الفرق واضح والمخاليق من طين
أحذر تعرّض للقبايل ياهامان
=وخلـّك على وضعك ترانا شديدين
وشمـّر تبي تبقى على مر الأزمان
=ماتلتفت لم العيال الصغيرين
مادام ياطا تربة الأرض الانسان
=يبقى اسم شمـّر فخر للكثيرين
وكل القبايل قدرها وسط الأعيان
=في ذمتي وافين وافين وافين
قلته وانا من نسل الأخيار .. ضبعان
=من صلب شمـّر .. وانتخي بالسلامين[/poem][/frame]
أتمنى .. أن .. ترتقي .. لمستوى .. ذائقتكم ..
لكم .. أرق .. تحاياي ..
أخوكم ..//.. بدر بن عبدالمحسن الضبعان الشمري
