http://upload.daleelac.com/uploads/2843679bab.jpg
دام .. الورود ..!
تموت ..!!
لآمن ... ( جفاها ) ..!!
الميّ ...!!
معذور .. يا قلبي ... لو .. شلتك ..!
بـ تابووووت ..!
والحي ... ينسى ..!!
الحي ...!! }
http://upload.daleelac.com/uploads/2843679bab.jpg
دام .. الورود ..!
تموت ..!!
لآمن ... ( جفاها ) ..!!
الميّ ...!!
معذور .. يا قلبي ... لو .. شلتك ..!
بـ تابووووت ..!
والحي ... ينسى ..!!
الحي ...!! }
الألف أسمي قبل ماقول وابدا
حيث انها للناس هي خير مبدا
وقلب(ن) تجاهلها فلا شك يصدا
ياويل تاركها من الرب ويلاه
والبا بديت بنظم قافي بترتيب
حرصت اعديها عن الزيف والعيب
ضمنتها علوم الرجاجيل والطيب
مابي يقولون الرجل زل بحكاه
والتا ترى من يفعل الخير لومات
ذكره يبين وعند ربه بجنات
حيث ان ربي حافظ(ن) كل مافات
واللي كتب للعبد لابد يلقاه
والثا ثعالب هالزمن جت مغاليث
كلن بزعمه يحسب انه ولد ليث
وهو بعرف الناس مثل البغاريث
يالله عن دروب المخاليق تقصاه
والجيم جاهد نفسك بكل منهاج
لاشفتها تسلك لها درب منعاج
وعنادك لنفسك ترى طب وعلاج
وللي يطاوعها على الطول تقواه
والحا حسبت اللي من العمر قد راح
واثر السنين اقفن مع الوقت سراح
يالله عسى تاليه خيرات وأفراح
ويرضى علي الله الى جيت ابا القاه
والخا خطا ياللي على الناس تنفخ
وبوجه قاصرهم تذمر وتصرخ
خليت قلبه من عمايلك يكفخ
جا يرتجي وأثره على اللاش ملفاه
والدال دار قام من دون الاعماد
ينهد لو بانيه حريف واستاد
حتى ولو وثق بحلقات ووتاد
الحظ لمشيد بالاعماد مبناه
والذال ذمام المخاليق ينبذ
ماله عن عيوبه مفر(ن) ومنفذ
يالله عساه بسو الاعمال يوخذ
الا ان كان الله عن العيب نجاه
والرا رعى الله من يحافظ على الجار
حتى ولو الجار فيه جيرته جار
وصى عليه المصطفى سيد الابرار
والا الردي يازين بعده وفرقاه
والزا زمان(ن) فات عن وقتنا ماز
وبكل شي(ن) عنه يفرق ويمتاز
والا الزمن هذا عواكيس والغاز
العمر يجري والغطو ماعرفناه
والسين ساعه في ذرا العز مجلاس
أخير من دهر(ن) يوطا به الراس
اقولها للي بغى كسب نوماس
واللي سمع قولي يبرق بمعناه
والشين شد الحيل لاجيت تعتاش
والعجز لايطويك بالحاف وفراش
كل(ن) بجهده مايجي شي ببلاش
ماينحسد من حاش فعله بيمناه
والصاد صادق من ترى فيه الاخلاص
وابعد عن اللي بالمهمات ملاص
حتى ولو حطوا له عقال وعراص
مثله حرام(ن) تتعب النفس لرضاه
والضا ضريبة كل ماشذ الامراض
واشدها منهو تعرض للاعراض
مايدري انه من هل البيت الاقراض؟
يارب كل مسلم عن الشر تحماه
والظا ظليمة من سمع بالمواعظ
أن الفقارا عايشين بلاحظ
ويصد عنهم مغضي(ن) باللواحظ
كنه يقول الخير شفته ولا ابغاه
والطا طبيعة بالمخاليق تغلط
والا ولت خلقن عليهم تسلط
واللي يخاف ان الولي منه يسخط
يبعد عن امور بها الناس تشناه
والعين عاين قبل تدخل بمطلاع
ولا يغرك شوفتك بعض الاطماع
خلك فهيم وعارف(ن) درب الاسناع
من قاس قبل الغيص حصل مناياه
والغين غبط الحق بالنذل مطموغ
مهما يحاول بالاساليب ويروغ
لابد خصمه من سواياه ملذوغ
يقوله اللي قد وطى الشرك ماخطاه
والفا فروض الدين قمهن على خف
واحذر من التقصير ومن الولي خف
والليل لايسري بلا رفعة الكف
لاطاب نوم اللي مقصر بدنياه
والقاف قم بوالدينك وبرفوق
ولهرجهم دور على زين منطوق
ولايجيهم منك نكران وعقوق
عزي لعاصيهم أي والله عزاه
والكاف كمل واجب الضيف لاجاك
واحذر مثل ماقيل تعطيه علباك
حتى ولو انك لقيته من اعداك
ترى الفخر للي ضيوفه تنصاه
واللام لو القول يقرن بالافعال
شفت الغرايب من جديدات وسمال
افعل وخل الغير يدلي بالاقوال
بالناس منهو يوصل العلم لاقصاه
والميم من حافظ على دين الاسلام
وابعد عن علوم(ن) بها فسق واجرام
يبشر بجنات(ن) بها خير وانعام
والمجتهد رب المخاليق يجزاه
والنون نومك والمخاليق يسعون
يجلب عليك الذل والفقر والهون
حتى ولو عندك مثل مال قارون
ترزق الله خاب من لا ترجاه
والها هبيل اللي يبيح بسده
وهو عن العربان كاميه مده
سرن تبيحه صعبة تسترده
مسكين من خلا هل الشر تالاه
والواو وين اللي على شبة الضو
ربعن على علوم المراجل تربو
وبكل علمن غانمن هم تبدو
راح الكثير ويحفظ الله بقاياه
واليا ياليت اللي سمعها عذرني
يوم ان تعبيري عن اشياء غدرني
نضمتها واحساسي اللي ومرني
يا الله عسى مجهودي العيب يعداه
لاهنت اخوي ناصر
ع الالفيه الراااايعه
واشكرك ع التواصل الراقي
قصيدة / ياقرب واشنطن ولندن وباريس ..
للشاعر / علي القحطاني ..
غناها الفنان/ علي بن محمد ..
,,,,, كلمات القصيدة ,,,,,
ياقرب واشنطن ولندن وباريس ..
حذفة عصا للي رصيده ملايين ....
وياعز حالي للرجال المفاليس ..
اللي تضايقهم وجوه الديايين ....
واللي قضى عمره وهو خالي الكيس ..
ماشاف من دنيا الورا الا عمى العين ....
يصير في عين البشر كأنه ابليس ..
ياكثر زلاته وهو ماعمل شين ....
يارب ياساتر على اهل النواميس ..
يامسهل ارزاق الضعاف المساكين ....
تفرج لمن ضيع جميع المقاييس ..
ياضيقتي والناس ماهم بدارين ....
للأستماع للأغنيهــ :
مما راق لــــــي ....
ودمتم بود
أقسى المشآعر إذا حسيت"بالوحده" ..
والناس واجد ولكن وحدك تعاني..!
أعجب عجب .. لا شفت نفس (ن) عليله
.................... فيها أمل ماهو .. مع الناس موجود
رغم انكسار الذات .. وا عزتي له
................... ما شان له خاطر .. ولا صاح مضهود
أخوي al-shmaly عندي ملاحظه بسيطه وهي ... ممنوع ارفاق الاغاني وصور النساء ....تدارك عمرك قبل يمحطونك بمخالفه..
اهلا وسهلا بالجميع
وابصراحه متعجب ومستغرب
من الكلام اللي كاتبته الفيلسوفه اللي فوق
وشو اللي ممنوع وماممنوع وسالفة كل ممنوع مرغوب
هذي مقولة ان شاء الله بعيده عن مضايف شمر الشامخه
واعتقد الصوره مافيها شي والله ان ضلع حول ديرتي اسمه
المخروقه وشعيب المغتبي اشرف من الصوره واما الاغنيه
شرهتك على اللي سمعها
ويااااااااااااااااازين هالصوره اللي حاطته تروني لحقت على ايام الفروت
قبل 50 سنه بس ماتدرين اته صتع يهود وكفار كل يوم يهاجمون اخوانكم
المسلمين في بقاع الارض ماشاء الله كبري الصوره تري شوفي وسط
اسف على الاطاله انا في العمل وعملي حفر ابار الزيت وحساس
فا لااااااااااااتواخذوني اكتب كلام وانا مشغول في عملي
<<<<<<<<<<<<< وشلون لو يتفرغ لكم اخو بدوا
هههههههههههههههههههههههه
http://file14.9q9q.net/local/thumbna...17/600x600.bmp
ليه لا صار الرجل ماهو يجامـل ربعـه
اكرهوه الناس و أولهم قريـب ربوعـه
وليه لا منه حكى صادق محد يسمع لـه
والكذوب وهو كذوب .. كلمته مسموعه
http://www6.0zz0.com/2009/08/11/23/527650813.jpg
أنـا ربـتني الـدنيا عـلى جزل العطا والجود
ونـفسي لـلوفا والـطيب وفـعل الخير جزامه
وأعـارض منهج الهابط وأوافق للصعود صعود
وأسـيّر نـفسي بـعقلي مـدام الـنفس هـدامه
ولا تـثّر بـي الـبسمة ولا كـحل العيون السود
ولا يـقوى عـلى قـلبي صغير الحسد وأجسامه
أردّ الـجود بـأمثاله وأقـابل بـالجحود جـحود
وتـرى لا خـير فـي رجلٍ يوطّي للردى هامه
وعـندي مـع أهـل العِليا مواثيق وثلاث عهود
أوفــي لـه مـطاليبه وأودّه وأرفـع أعـلامه
أعـايش مـركب الـدنيا على متن القدر مولود
أبـعرف هـو صـحيح إنّ القدر بالناس دوّامه ؟
ومـن ويـن الـزمن مقبل وإلى وين الليال تقود
ومـن فـي هـالزمن يـقدر يوجّه خطوة أقدامه
ومـن لـه بالزمن غاية ومن عنده هدف منشود
ومـن مـنّا قـدر يـعرف خـفايا مقبل أيامه ؟
عـرفت إنّ الشقا باقي ، عرفت إنّ الحسد موجود
عـرفت إنّ الـقدر يـفرض علينا بأسوأ أحكامه
لـقينا الـعرب حـاسد وشـفنا بالعرب محسود
وبـه نـاسٍ لـنا ضـامت ، وبه بالناس منظامه
ويـنقص بـعضنا خـوّه ويـنقصنا وفاء وعود
مـدام الـحسد بـاقي وبـعض الـناس نـمامه
ولا تـرجى بـها الدنيا من ربوعك يجيك اسنود
ولا تـشره عـلى رجـلٍ عـيونه خانت أقدامه
وقـابل خـطوة بخطوة وجازي بالصدود صدود
تـناسى غـلطة الصاحب عليك بلحظة اخصامهل
ولا تـخطي تـرى لصبر الحليم اليا سلاك حدود
تـروّى واعـرف بـضرب الحديد تفكك لحامه
تـجنب كـسرة الخاطر ولو حبل الزعل مشدود
تـراك بـكسرة الـخاطر حـكمت القلب بعدامه
لا دارت الايــام مكـثـر عجايبـهـا
تِركي علـى الـذل والهـم والحاجـه
فـي عالـمً ناسـه غريبـه مذاهبـهـا
من تتقي شره ما تسلـم مـن إزعاجـه
ولا جيت أبنصح بعض قومي وأعاتبهـا
شلت الخطا من ناس بالـزور هراجـه
تبلش بـورع القـوم وتبلـش بشايبهـا
وتبلش بخبل الربع الأدنيـن وعلاجـه
لا صار رب البيت لـه دف يضربهـا
تلقى الولـد لا جـاك يكثـر تغناجـه
لا مشـرّف داره ولا هـو معزبـهـا
ضيّع طريـق المرجلـه مـن تعوّاجـه
وبنت العرب لا صـار محـدٍ مهذبهـا
تصبح في درب إبليس وتمسي بديباجـه
تسرح وتمـرح حبلهـا فـوق غاربهـا
بين الصالون وبيـن الأسـواق دوّاجـه
قصّة شعرها ( بوي ) وحفت حواجبها
ولبست نقابٍ يستر الشين ( للحاجه ) ؟!
لبست على الموضه موديـل ومعجبهـا
تظهر مفاتنهـا ومـا يمكـن إخراجـه
يـا لعنبـو نـاسٍ تجـرع مشاربـهـا
لو كان علقم قال : يا مطيـب إنتاجـه
لا صار ماش رجال وتفتـل شواربهـا
... وانفسي .. اللي بالعرب مالها حاجه
لاح بشمال الذاگره بـرق وغيـوم
واسٺبشرٺ عيني على شوف الامطار
يوم الغـلا لافـي وبيدينـه سلـوم
ڪن المعزب انـٺ وضيوفـڪ الـدار
اقلط بصدري مامن إلا انٺ معـزوم
وان ضقٺ فيني هاڪ مسباح الاشعار
ابيڪ ٺقصد عـن غيابـڪ بهاليـوم
دام الحطب شوقي ابي اشعل النـار
عشان اسنع بالهوى قهـر اللـوم
واصب لڪ فنجال من ڪيف الاخبـار
اشرب واجبر خاطري / بعدها قـوم
عطني من ذنوبڪ ثمر گل الاعـذار
الجرح واضح وانٺ خنجرڪ مفهـوم
لڪن سؤالي .. ليه طعناٺڪ اڪثـار ؟؟
ڪن بشعورڪ حقـد ويدينـڪ الـروم
والرمح ماياوي مـن ايديـن ڪفـار
وحده من الثنٺين لاصـرٺ ملـزوم
اما انـا اخٺـار والا انـٺ ٺخٺـار
الحق حق وڪل منـا .. لـه علـوم
مادام في حڪم الهوى سلـم او ثـار
وان ڪان ماخذ راحٺڪ عنـد مظلـوم
انا خذيٺ براحـة الٺعـب مشـوار
يمڪن خطا جيٺڪ بلا عـرف مڪٺـوم
اسابق انفاسي على بـوح الاسـرار
قبل اعٺرف لڪ شوف ماڪان مقسوم
لاحظ بعيني صمٺ والدمـع ثرثـار
القلب صحرا .. والغلا داخلـي قـوم
ومنيـن ماشـدّد رڪايبـه محـٺـار
مادام فاقدني / انـا منـڪ محـروم
يوم الاماني ٺسهـر بعيـن الاقمـار
حلمي ٺجيني حلم في حـزة النـوم
يلعن ابو هالحلم .. ٺافـه ولاصـار