** سلة بوحي ** عبدالله الجعيثن

لبيّـــه ياعايد من القلب لبيّـــه && ياسعد عينك متّجه صوب حايل

مدري تدق الصبح موبايلي ليه && تبي تميّل حمل والحمل مايل

سلّم على دار الكرم واثنها فيه && قلبي معك يم الرعيله يخايل

هزيت غصن المليحه وانتثر طلعه ** ياليتني ماقضبت الجذع ييديني

اثر الحلا تدفنه غشوه على دلعه ** والساتر الله بغيت اروح ياحسيني

الشوق يرقا..وانا برقا && ابقطف التين بغصونك

يالخوخ لا تطري الفرقا && وشلون انا اعيش من دونك

تطري عليّ ابيات واستحرم ابيات && وارفع مقام الشعر عن هرج مايل
اطنّش اللي قيل في غرفة الشات && واطلع واخلي دقها والجلايل
يمكن امشي وابلع الهرج بسكات && دامي اعرفك زين يابن الحمايل
تكذب على نفسك بقول الخرافات && وتسبّق الاعذار لام الجدايل

تغيب وانطر واحط اعذار ياهاجر && وزعلت يومك تقول ارجوك بآودّع

مازلت في خافقي ياسارق اشجاني && ولا زال نبضي على نبضاتك موقّت

اهواك .. واتخيلك في مقبل ازماني && شاريك لو قربتي في وجهك انشقّت

نشر الغسيل اللي حصل قبل يومين && ماني معاكم فيه مار اسمحولي

والله ماني بيمّك في تصاريحي && انت بحنايا خفوقي بانيّن عشّك

ياويح قلبي عليك وويحي وويحي && ياليت منهو لداره حاملن قشّك

عليك قلب الهواوي وده يصيحي && بأجمل عطور المحبه وده يرشّك

المشكله لا صرت تعشق من اقصاك && واللي تحبه لاهيّن بالسواليف

ترسل له الورده .. ويهديك الاشواك && بارد وهمّه بس كسر المجاديف

الله يسامحك




مو ذنبي انك ماتعرف الاحاجي && ايه انت قصدي واسمعي ياجاره

قلبي مهو فندق ولا فيه داجي && والحر يفهم ..والشطاره شطاره