-
سيرتي الشخصية
والله اني مستحي منكم:)
عشان اني لوّذت-دخلت- عليكم بدون مااكمخ-أطق- الباب بس انا قلت مايعتاز-مايحتاج-لاني اعرف كرمكم :)>>>>كنّوه حليل:D
المهم انوه اعجبتن سوالفكم اللي مامثله وحبيت اني اعرفكم على نفسي-ولّ يالولد-إحم إحم . .
انا اسمي قليقلان وأكيد اكم تعرفونوه>>>للي مايعرفه شجر ينبت بالفياض>>>
أدرس بمحو الامية-ياملا الماحي:D -وشهادتي هي جامعة البدو-سادس-
اتمنى اني اكون تختور-طبيب- او مهندز-مهندس- او اي شي اهم شي يجينن رويتب آكل منوه-ياملا الآكلة-:D
ومافيه مانع لو أتعلق-أتوظف-جندي بالحرس الوطني ماسك بوابة ومتنّح-واقف بشموخ-تقل بعير
وعندي أمنية اني أكمل دراساتي العليا بالفيزيا-كبيرة هذي ياقليقلان-وأخمش-آخذ-جايزة نوبل لانوه قال لي واحد ماني معلمن بوه:D ان الاجودي يوزع جوايز لأهل العلم ولو اني مادروي هو من أيّات لحية:D
عندي شهادات خبرة كثيرة على سبيل المثال-ول يالجامعي-:p :
شهادة بقصاص الغنم ياجا الصيف:D
وأعرف اتح -أنادي للغنم وأعرف اروّي الوايت وأصدّر بوه-أطلع فيه- يم الغنم
وعندي قرطاسة سواقه-يعني رخصة-قصّيته-أصدرته-توّ-هالحين>>>اف منك ياقليقلان تعبت من الترجمه:D
المهم هذي سيرتي الذاتية وشرايكم ماني رجل عظيم-كثّر منه-:D
أصلا جايزة نوبل حطّوه على كيسي-على شاني-لانهم يدرون اني نابغة وابي اجيهم يوم من الايام وأخمشة-أخذه->>>>>أفلقني:D
وهالحين ماودي أطول عليكم ابي أنهج -أروح-وأصدّر الوايت الليلة لان باتسر عندنا بهم-صغار الغنم-نبي نجلبهن-نبيعهن-وأدعو لي بالتوفيق . .
يالله مع السلامه
نسيت لا اقول لكم شين:p >>>>وشو بعد؟:p
انا لقيت ناسن مع ايمن هالموضوع كاشرة وحبيت اوريكم ياهن لان بعضهم يراعي لي ويضحك مانا كبر علمته:D
وقلت يمكن تفزعون لي ياشفتوهم يضحكون علي>>>>يحسبهن مايطلعن عندكم:D
وهذولا هم:
:) ;) :p |513| :confused: :( :o
وهذا دابلن تسبدي بس كاشر كبر علمته تقل بريق عزوبية
:D
وهاذي الظاهر انّه مره-حرمه-
|511|
وهذا منا صغير عيونه تقل فتوق فروة
:)
يالله مع السلامة
-
يــــــــــــا هــــــــلا
حـــــــــيـــــــــــاك
تحفه والله انك تحفه
لعنبوا بليسك انت منين نتقت لنا
اخخخخخخخخخخخخ بس لو انت مقدم ٍ شوين تسان سوينا معك لقاء
بس بالدفعه الثانيه ان شاء الله
حيااااااااااااااااااااك
وموضوعك يبشر بنجم قاااااااااااادم وبكل قوه لفلة الحجاج
-
اقهرك باللي شقّـق عويناتك ..منين جيت اسم الله :)
وبعدين يالغالي لا له عاده تترجم حتسيك والله لو انت بكولورادو ما ترجمته ..تراك عند ربيعك وعارفين وش تبي تقول حتى لو ما قلتوه :p
الوكاد حياك الله وشكلك جاي مطفي النور وتمشي مع الاكتاف :D
ننتظر موضوع زاحف بس بدون ترجمه ;)
<<-- ماسكتن معوه على هالترجمه :p
-
يــــــــــــا هــــــــلا
حـــــــــيـــــــــــاك
تحفه والله انك تحفه
لعنبوا بليسك انت منين نتقت لنا
تحياتي لك
-
الله يحيك هذي الساعه المباركه والله
حمتو
-
قليقلان
حياك الرحمن من ممشاك الين ملفاك
نورت مضايف اهلك وربعك وبداية جدا قوية
وبصراحه من زمان ماضحكت كذا الله يعطيك العافيه :)
ايه صح نسيت اقول اليا جلبت البهم لاتنسانا
ترانا على الحديده بوجه هالعيد :rolleyes:
تحياتي لك يانجمنا المقبل
خيتك النجـلا
-
شقا
شقا
شقاوي
ياراع الدقسن العراوي:D
ياهون ياقليقلان
انت منين جيت مطفّي الليت:D
تصدز انك لقطه يافلان
عيني عليك بارده
ما سالفة البهم حلوه بالحيل
لكن شرايك بتوقيعي ها:rolleyes: :(
شقا شقا
شقاوي
ياللي تبي تمر على الصداوي
ارس ياترس واعتدل ياملف
-
ياحيالله قليقلان <<<< ألاّ هالاسم وشلون نختّه :D
ماشاء الله عليك تأهيل كامل " بروفشنال "
سرحة ، جز غنم ، ريّه .... بتاع كله ;)
ننتظر جديدك " بعد ماتصدر الوايت " :)
تحياتي قليقلان
-
يـــــــــاهلا والله بقليقلان
حيــــاك الله
وعسا الله يوفدزك باتسر وتبيع بهمك وتشري بداله صخول جديدات:D
تحياتي لك
-
ياحليلك والله حليلاه
وحياك ربي
