قصيده فيها ألغاز..حاول الحل.
قصيده للشاعر الزميل / محسن حمدان الوبيري
مهداه لزميله/ مبارك عوض الحربي ( أبو دعفس)
يقول من يتقن ليا قال مبداه=جزل المعاني صاغها واحترفها
ترحيب(ن) وداع(ن) هدفها ومعناه=مهداه والمهدى يحلل هدفها
لبو(دعفس) اللي مغطي بلا رضاه=هذا جزا الخدمه وهذا خلفها
ولا فيه مسؤول تعاطف بمسعاه=شيبان يا مكذب تفضل وشفها
يالله دخيلك صايغ الأمر ما اقساه=شال الذنوب بذمته واغترفها
وخلاف ذا سقته بالالغاز مهداه=للي صعيبات اللغوز يعرفها
أنشدك عن رجل نهار الملاقاه=يعبا لمتعبات الرجال بكلفها
ومن عادت الطيب يهده من اقصاه=روحه على جمع المعادي حذفها
وش البنات اللي على الموت جسراة=جسرات وخيال الخطورة عسفها
وحده هجوم وحده اسعاف تقفاه=المهلكه والمنقذه تكتنفها
وانشدك عن بنت تعزل سراياه=هي العقيده وهي دليلة سلفها
وجموعها ما تنطح الضد يا جاه=ولا معه فارس يحامي طرفها
[/poet]
