تكفى عن الفرقا تراني دخيلك
يـالـي رحـلت وخـاطري مـنك مـاطاب
كـمـلت خـمـس أعــوام عـلـى رحـيـلك
الــراس مـن فـرقاك يـا صـاحبي شـاب
تـكـفـى عـــن الـفـرقـا تـرانـي دخـيـلك
عـقب الـمواصل نـلتقي مـثل الاغـراب
مــــا كــنــك بـخـلـي وكــنـي خـلـيـلك
لـو غـبت عـني طـيفك العذب ما غاب
لا أظـلم سـواد الـليل قـمت استخليك
يـطري على امبيسك يا اغلى الاحباب
واذكـــر عـيـونـك لا غـشـاهـا جـديـلك
مـلامـحـك لـــو قــلـت ابـنـساه كــذاب
قـلـبـي دلـيـلـي وانـــت قـلـبك دلـيـلك
ان كـان ظـني يـا مـنى الـروح ماخاب
مــحـدن بـديـل لــي ولا أحــد بـديـلك
لــي خـافـقن مـن حـبكم مـا بـعد تـاب
يــا نـافـلن فــي زيــن الاطـباع جـيلك
يا صاحبي حسبي على بعض الاسباب
مـنـها بـسـبيلي رحــت وانـت بـسبيلك
غـرست يـوم أقـفيت بـالقلب مـخلاب
ونـسـيـت بـــأن الـقـلب هــذا يـشـيلك
