يا امة الاسلام

[GASIDA="type=1 width="100%" border="none" font="bold large Arial" bkimage="""]
يا امة الاسلام ليه الاختلاط = جمعكم لاثنين هو ساس الخراب
وثالثن يجرهم للانفراط = فلان وفلانه بريعان الشباب
اليا تصافوا قربو للانحطاط = اما جت بالكيف والا بغتصاب
ولو تصيح ولو تطول بالعياط = عرضوها للشماته والعتاب
ما يفيد الحيف عقب الاختباط = وش يخيط الجرح من عقب المصاب
يا ولي الامر خذ بالاحتياط = لا تعرض عورتك درب الذياب
كم ذيب. تلها وهي بالرباط = كيف لاجت بالتسيب والذهاب
قالوا نلحق من سبقنا بالنشاط = التقدم ماهو في نزع الحجاب
والله لو نرقى ورا سبع النقاط = من الثريا للثرى تحت التراب
والحرار ماقادها سرب البطاط = من حرار الشمس ذاب الثلج ذاب
فرقوا من بينهم تحت البساط = الله يعلم وش جرى تحت الضباب
ياخصيمين عقدهم بالاشتراط = جو داوود وهو يصلى بالمحراب
قالوا خلصنا وفك الارتباط = صاحبي هذا ضلمني بالخطاب
اخذ مالي مع حلالي بالقيراط = ظم نعاجي مع نعاجه ثم صارت نصاب
صاحبك ظالم وكده بالمشاط = ساجد. صلى تحت ربه واناب
جنبو كثر التناحر والغلاط = اتبعوا مانزل الله بالكتاب
الحرايق طفها قبل الشواط = لارقى الدخان زاد الالتهاب
كم دوله ضيعه كثر الهياط = بالمصايب ضاع به شيب وشباب
شفت بالتلفاز شبانن تلاط = تنذبح ذبح شاه ويعطون انتداب
حام غراب البين وصقطبه احقاط =صقط الحيه على روس الاصحاب
تكشف الاسرار بقبور. وغاط = بالمناصب ماتجي والانتخاب
طاوعوا الشيطان وصاطه بالصواط = يجهل المجهول وصوت الحق غاب
يجري مجرى الدم ومع سم الخياط = يرجمه ربي شضايا من شهاب
جيش غيرك باطل كان الجو شاط = ينسحب لا صار ما يلقى خصاب
ضم اسودك دون حدك ماتهاط = تر عيالك هم حصيلك بالمصاب
رب جيلك لا يتورط بالوراط = مخدرات او يفكر في ارهاب
سايبين بالشوارع طيط طاط = ويفخر بقطع الاشاره مايهاب
دربكه وتفحيط وتكسير الجناط = لا تفرط في شبابك ياحباب
الحمايل والحداده له خراط = غيروا سلم العرب كوب. وكاب
حرروها اسلافن بضرب البلاط = وضرب بسيوف. وطعنات الحراب
يا احفاد المصطفى منتم لقاط = ياحرار. ماكره رووس الهضاب
ثالث البيتين به صهيون حاط = تاأمر امريكا ياعرب انسحاب
همكم جمع الدراهم بالشناط = بكل بنك الشيخ يفتحله حساب
ما تواسا الناس غاطن فوق غاط = ذاك والا ذاك يعباله جراب
وهذا يقطف من حلويات السماط = وهذا تحت الصفر يقنع بالهباب
يركض الضامي على ريح الغطاط = من سراب القاع يبغى له شراب
يا ربيع. للعرب عشبه حماط = والزبيدي ينفجر وسط السحاب
والحظيظ اللي ليا جينا الصراط = تعبر ارحاله واعماله تستجاب
[/GASIDA]