قصيدة هجهوج ابن مكمي المنصوري الاسلمي مع المهاد((تجوز لكم))
بسم الله نبدا....وبما انه اول مشاركاتي الفعليه مع مضيف قصه وقصيده
فحبيت اني اجيب لكم شي جديد ....
وقصتي اليوم لهجهوج ابم مكمي المنصوري الاسلمي الشمري الله يرحمه
حينما كان مع المهاد (محمد العبالله الرشيد) العقيم.
عندما طلع بغزواته على الشمال(عنزه) وخذا عنزه( الصقور وقوم ابن هذال).
وكانو الدهامشه من عنزه اصدقاء لمحمد العبالله وشيخهم ابن مجلاد راكان
وجنبهم لانهم صديق ٍ له ولكنهم عرضوا له وقالوا الدهامشه ماتوخذ العنزيات
وحلال عنزه.
وارسل لهم ابن رشيد""لراكان"" وقال حنا جنبنا صديقنا ورحنا لعدونا واليوم وش
بدا........
وين راكان ....قالوا نايم
قال اقعدوه الامير يبيه.......قالوا راكان ليا صار نيم مايقعد
قال انا اقعده وانا اخو نوره.....وشر البيرق طليفيح وخذا عنزه والدهامشه
وهرب ابن مجلاد والدليل قول الشاعر ..
راكان مايقعد ليا قيل غافي..............جنب توالي لابته كب الالزام
وخذا مطلق الايداء شيخ الولد,,,جاري ٍ ماجرى قبل لقول الشاعر..
العام جيتوا بوقة ٍ بانجعافي ....وانا احمد الله يوم لي هب الاولام
وقضى من عنزه وفاض على الظفير وقلط له دغيم ابن صويط العطف
يسترحمه وخلص من الظفير واجنب لديار عتيبه...
وخذا عتيبه اللي به 40 صباح والدليل قول محمد ابن رشيد..
كـان ان ابن هـندي نوانن اببرزان.............حنا على عروا قصرنا مسيره
حصان الصميد اللي يسمى صنيتان...........طقعان بلا جري قليل حصيله
ويوم انكف وزانتله.....والشعاركلهم يتنون الرخصه من الامير وكانوا 40 شاعر
وتكلم الامير وقال وش يقول الاديب ...
فبدا ابن مكمي بهذه الابيات قائلاً
[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
قال ابن منصور من القيل وافي= يبدى بذكر الله عدد مشي الاقدام
من كوكب ٍ عيا على الموح صافي= عـد ٍ روي ٍ كـل من جاه ماحام
قلته ولاني من العواقيب اخافي= قلته لمن تزهـاه الامثـال طمام
حـر ٍ ليـا منه تنهـض وشـافي= تاخـذ عنه بقع المخـامير خـرام
ذيب العدا زبن العياد المقافي= يلفح بجنحان السعد كان هو حام
فضخ بكفه سايقين العطافي= واودع عزايمهم شتاة ٍ من العام
ياما حلا وان قالوا السبر شافي= رد العيون وقـالوا الشوف قـدام
هاضوا على مثل الجراد الكتافي= قبن ٍ يلاون المصاريع صجام
خيل ٍ مشاويش ٍ وجيش ٍ ردافي= عليه منضود الافرنجي والاروام
اليا حورفوا بقشوشهن كل شافي= بايمان عطـبين الذخايربالارحـام
ياما وقع بوجوههم من سنافي= يفـراه خفاق الجنـاحين باسهـام
من حاربه يشرب من المر صافي= ويصبح عليه بكتمة ٍ عقب مانام
تشبع بها برق النسور الهوافي= ولا ينجلي غفوه الى وقت الاظلام
اخوه ابو ماجد اليا قال يافي= بالـوذة ٍ ماناشـها الصفر بلحـام
ضار الضواري باللقاء ما يخافي= بالهند من روس المناعير زمام
تلقى جواده عند تال المقافي= بساعة ٍ ولد الردي كب الالـزام
والا محمد كنه الليل ضافي= صلصال نجـم ٍ للفـراعين هـدام
عقيد جمعات ٍ تدوس الشعافي= يفطر على شيخ الجهامه ليا صام
محمد ليا قيل الشتاء به حفافي= تلقى الشحم فوق المواعين ردّام
يذبح كبار الروس ماهو مفافي= يشبع طيوره مع نسوره ليا قـام
ياما رعينا به ديار نظافي= ريم ٍ واهلهن عندنا تقل خـدام
مصرانهم يلونهم من خلافي= من خوف يفضاهم مع الصبح دمام
راكان مايقعد ليا قيل غافي= جنب توالي لابته كب الالزام
خليتوا الحله وبيض ٍ عفافي= وراحن بكم عن يمة المال عزام
صاحوا عليك مزينين العسافي= اللي يعسفون المصاعيب بخزام
مع وجه شيخ ٍ تمتنيه الضعافي= نجم ٍ على كبد المعادي ليا زام
قبلك دغيم ٍ رازنا ثم عافي= ومن راز مروين المغاليل مانام
جاب السلايل بس يبي العوافي= يطلب بعينه بس مشروع الاسلام
يخاف من عادات بعيد المشافي= ليا قيل بالحره فضخ يمة الشام
يا مطلق الايداء ترا العمر يافي= ولا ينشمت في غيب غرات الايام
العام جيتوا بوقة ٍ بانجعافي= وانا احمد الله يوم لي هب الاولام
جاك العقاب اللي يدور العلافي= يصيد مثلينك ليا صار معتام
ياما خلاّ ولايشكم سوات الجفافي= مادف بكفه على الحول ما قام
مزن ٍ تردم شافي الغيب ضافي= يمطر على العتبان دم وسمام
سيله غدى بالضيط يم المهافي= وتقاسموا مال العتيبي بالاسهام
عشبه على خشم ابرقيه عيافي= تلقى به الطير الحقب والرخم حام
برقه لميع مزوغات الشلافي= يتلن شعشاع ٍ للاضداد طمام
وانا اذكر الله عدد رمل ٍ وسافي= على النبي صلوا عدد جرد الاتهام[/poem]
واشكر اهتمامكم وآسف اذا كان هناك خطأ غير مقصود
اخوكم مامن قلب
