أوصيك لاتبحث سـدود المغيبيـن --- ولاتجهر اللـي غارقـن بغفلاتـه
ترى النميمه تمحق الرزق والديـن --- والمنزل العالـي تهـدم اطبقاتـه
لاتحسبن أهـل الظليمـه بخيتيـن كلن --- يوافق ما عمـل فـي وفاتـه
وانذرك حق الضعيـف المسيكيـن --- اللي علـى حقـه يهـل اعبراتـه
ترى الضعيف الليا غدى الليل ليلين --- يدعي وعنـد الله توافـق ادعاتـه
الظلم فان الظلم يفنـى السلاطيـن --- ياويل راعي الظلم مـن مقبلاتـه
وانذرك عن ربعة رخو من هياسين --- اللـي سوالفهـم بـوده وهـاتـه
ويا عبيد الأقشر لوصفا لك نهارين --- نهار ثالث جـاك يرفـع عصاتـه
والله عندي ربعة الناس الأقصيـن --- ولا صديقـا يبلشـك فـي حياتـه
ترى الرجال ابهم فهود وحياويـن --- جاك الكلام اللـي صحيحـا ثباتـه
ان كان ما تدري ترى الناس دراين --- الرجل مدحـه بالمجالـس طراتـه
رجلن تعلق به رجالـن مسلميـن --- عـز الرفيـق ولابتـه والحماتـه
ورجلن تشوفه جسم وعيون ويدين --- ولولا الشعر ما تفرقه من خواتـه
كم واحد بالبيت يضـرب بسيفيـن --- وأن جاء حزم كلاب قبـع عباتـه
والحلم عن الغيض ينجي الشياطين --- يكفيك شر إبليس هـو و دحراتـه
يحول اضـن الحـق جتنـى طروشـة -- جتنى مطاليبـة وانـا عنـه منحـاش
اليـوم كـن بداخـل الجـوف هوشـة -- مثل اختراش الزلم فى داخلـي جـاش
ياللة عسـا عفـوك ولطفـك نحوشـة -- يالله بحسن الخاتمـة عنـد الاقـراش
دنيـاك لوتعطيـك زيـن المعـوشـة -- تالـى دعاويهـا تعـود علـى مـاش
يامـا خذينـا بـاول العمـر شوشـة -- وياما مشينا مـع مضاهيـر وادبـاش
فـى خايـع وبـل الثريـا رشـوشـة -- نجنى الزبيدى فى صحاصيح ودشـاش
وياما جلسنا مـع مـرودع رقوشـة -- .فـى سهلـة ماحدرنـا زل وافــراش
فى وسط روض مخضـرات خفوشـة -- نبتة جديـد ومبعديـن عـن الطـاش
خلـى يكلمنـى بنـفـس هشـوشـة -- بس العجوب وعرضة انظف من الشاش
نبـنـوب لاخبـلـة ولا بمخـروشـة -- عنـق الغـزال مذيـرة زول حشـاش
لاشك مـن طـول الغيـاب محشوشـة -- تونس معاليـق مـن الهجّـر عطـاش
اسرار فى وسـط القلـوب مخشوشـة -- بيـن الثنيـن ولادرى عنهـم الـواش
ربعـت وفـا والا السلـب مانحوشـة -- مانـى لوجـة معـذب الحـب خمـاش
واليوم مالى مع هل الصيـد نوشـة -- .عطيتهـا غيـرى بـلا غيـر ببـلاش
عند الطبيب وصـار عنـدى وحوشـة -- ومن الاقامة صابنى خـوف واخـراش
هالحين شفنـى نايـم عقـب دوشـة -- .اصلب عظامى وكن بالحيـل هشهـاش
خليـت ديوانـى وبيـتـى وحـوشـة -- اليـوم شفنـى ساكـن دار الانعـاش
وقال ايضا
أشهد أن دنياي ماجت في عدال -- زودها النا كل عـام ترذلـون
ذوقتنا الكدر من عقب الـزلال -- وعلقت رمحينها بين المتـون
خمسة أشهر ما قعدنا بالظـلال -- كود ظل اللي به العاف مخزون
في تصاريف الحجر هي والحيال-- وأن قضوا ذولا هذولا ينزلـون
قالوا أن الصبر تقنيه الجمـال -- غرهم سنيل الجلادا والمنـون
يا مصورة السوالـف بالعـدال -- اثركم فيمـا حكيتـوا تكذبـون
أشهد أن الصبر تقنيـه العيـال -- كل ما حطوا عليهـم ينقلـون
يردون الموت في كل الأحـوال -- غير ذلك والسكارى يضحكـون
وعذابي من طويـلات الليـال -- أشهد أن الغوص راعيه مغبون
كل ما كمل هـلال جـا هـلال -- من محاتاهن يشيبـن العيـون
أربعة جـرد تكملهـن كمـال -- لين يكمـل حتنهـم ويقفلـون
يالنشامـة ياكريميـن السبـال -- كل كون غير كون الله يهـون
بد من يوم وتشوفـون العـدال -- عقب مارحتوا جنوب وتشملون
