مسابقة أحلى موضوع مع مدير البنك (الفاضي) الجائزة لي يعني لي.
[poet font="Simplified Arabic,14,black,normal,normal" bkcolor="" bkimage="http://shammar.org/vb//backgrounds/7.gif" border="double,4,gray" type=0 line=200% align=center use=sp char="" num="0,black"]
بنك الاستثمار الفاضي
[/poet]
القصة بطولة كلا من الفاضي مدير البنك
ابو مشاري محاسب على شباك الصرف
وعميل تعرفون اسمه بعد شوي
أعطيكم فكره مقدمه عن مدير البنك هو شخص معروف اسمه الفاضي
تعرفون الفاضي ادراته ماهنا حليله بس فيه شوي( كبيره) يجي الصبح على الشبح
وينزل من الشبح تقل غرنوق كله ابيض في ابيض ويدخل شايل شنطه سوداء ولابس نظاره سوداء ويرفع يده يسلم علينا.
ويروح على طول الى مكتبه تعرفون المكتب يكون كله قزاز في زاوية البنك.
أما انا على هالشباك فلوس داخله وفلوس طالعه(شوف عينك حظ غيرك)
دخل شخص شكله يخرع عيونه حول وثيابه متقطعه وشوشتة منفوشه شكلها ماشمت ريحة الشنبو ولابس نعول زنوبه وحاط تحت النعول قطعت لستك على شان النعول ماتخرب واذا مشى لهن مصق .المهم جاء وقالي ودي افتح حساب عندكم قلت له تفضل واعطيته ورقة قلت سجل بياناتك قال ماعرف اكتب أكتب انت اخذت الورقه سألته اسمك قال مفتاح 14 عمرك 43 المهم عبيت بياناته كامله وفتحت له حساب واعطيته كرته فيه رقم الحساب قلت له معك فلوس قال نعم 2500 دخلتها بحسابه وراح وقلت مسكين والله هالشبهه تلقى له عدة شهور وهو يجمع هالفليسات الله يكون بعونه يستحق الصدقه.
بعد يومين مأسمع الا مصق نعوله شوي يوم دخل واعطاني الكرت قال دخل الفلوس
قلت كم قال 3000 الاف المهم دخلنا قريشاته وراح!!!!!!!!!!و بعد يومين الا مصق نعوله وجايب فلوس يقول دخلها بحسابي كم قال 2000 ريال ويجيب هالفلوس بصره رابطه ومجود رباطها..... أحترت ورحت الى المدير (الفاضي )وقلت له السالفه شخص شكله كذا وكذا وكل يومين يجيب مبلغ وقدره.
رفع راسه الفاضي وقال هذا زبون يرفع راس مال البنك اذا جاك خله يمر علي
المهم اليوم الثاني الا مصق نعوله ومعه صرته قلت رح للمدير يبغاك روح للفاضي راح هناك واستقبله الفاضي تعرفون شخص ممول.لازم يجيبله كاسة شاهي! قهواه المدير
وقاله ويش اسمك قال مفتاح 14 قال اكيد عندك مشاريع ماشالله دخلك ممتاز جدا وحياك الله عندنا بهالبنك.
قال مفتاح لا ماعندي مشاريع ! قال الفاضي اكيد تقصد سيارات قال مفتاح لامأقصد سيارات! قال الفاضي أجل موظف قال مفتاح لا ماني موظف !قال الفاضي اجل منين تجيب هالفلوس اللي كل يومين لايقل عن الفين ريال. قال أجيبها بلحلال ! قال الفاضي كيف؟قال مفتاح بالرهان اتراهن انا والناس وافوز عليهم . قال له الفاضي خلاص روح الله يعطيك العافيه. المهم انشغل الفاضي وش هالرهان اللي يفوز فيها مفتاح ويدخل هالمبالغ .0قال الفاضي يابو مشاري اذا جاء مفتاح خله يمرني قلت طيب شوي الا مصق نعوله ومعه صرته به فليساته . قلت له المدير يبغاك راح للفاضي وقاله الفاضي ممكن تعلمني كيف هالرهان اللي تفوز فيه قال مفتاح خلاص اتراهن انا وياك مرتين على شي يخصني انا ومرتين نتراهن على شي يخصك انت( يالفاضي) قال الفاضي اوكي (تعرفون مثقف مدير وشعليه) وبعدين ذبحته الشفايه وده يعرف كيف يفوزهالشبهة المهم قال مفتاح تراهني اني انا أعض عيني (طبعا عيونه حول) من 500ريال قال الفاضي اراهنك تراهنو وكل واحد حط 500ريال طلع عينه اليسرى مفتاح وعضها ورجعها (عينه صناعيه الله لايبلانا) أخذ الفلوس وحطها بحسابه. ولع نار الفاضي وأنقهر وقالي اذا جاء المشبوه خله يجيني المهم شوي الا يوم جاء ومعه صرته قلت له الفاضي يبغاك روح للمديرراح يم الفاضي قاله مفتاح يالله راهني هالمره على اني أعض أذني من 500 ريال قال الفاضي اوكي بس بشرط قال مفتاح خلاص وشو شرطك قال المدير افحص اذانيك لايكونو تركيب بعد!!! قال ماعندي مانع أفحص قام الفاضي يمسس اذانيه يمين شمال الا طبيعيه ماهي تركيب تراهنو ودفعو المبلغ طلع أسنونه تعرفون طقم وعض اذنه ورجع اسنونه ! واخذ المبلغ وقال المره الجايه نتراهن على شي يخصك انت يالفاضي (المفتاح مقرش وكله تركيب) المهم بعد يومين جاء مفتاح وراح على طول للمدير وقال يالله مستعد لرهان قال نعم قال مفتاح اراهنك من الف وخمسميه ريال على ايش يقوله الفاضي نتراهن على ان سروالك الصغير اللي تحت انا اقول ان لونه أحمر طبعا الفاضي ضحك وصل افمه من اذنه الا اذنه الاخرى ماصدق انه يفوز تراهنوا دفع كل واحد الف وخمسمائه ريال قال الفاضي هيييييييييييه فزت قال مفتاح لا بس بشرط انك تنزله على الطاوله قدامك وأشوفه بعيني قال الفاضي تعال شفه لونه ابيض قال... لاشرطي ولا خلاص قام الفاضي ونزل سريوله على الطاوله قال مفتاح مبروك فزت وتستاهل 1500ريال بس انا قبل ماجي اراهنك تراهنت مع جميع موظفينك وبعض المراجعين اني اذا نزلت سروال على الطاولة كم يدفعون لي؟ دفع محمد200 وعلي 300 ابومشاري600 وسعود 450 واحمد 400 والراسي 500 وعقاب 400 ومن المراجعين وصلت 900 ..تكهرب الفاضي من هالكلام ويوم طالع تعرفون المكتب كله زجاج الا مايشوف الا خشتي والشباب كلهم يطالعون فيه قال مفتاح خسرت أنا 1500 ريال ولكن كسبت من موظفينك أكثر من 3000ريال راح مفتاح وجمع الفلوس واو دعها بحسا به ومشى . .الفاضي طبعا حمر وجه وأرتفع الضغط ونزل السكر وتفشل وصار بس يطالع بعيونه مايتكلم منحرج قام وتمغط يعني ماهمني بس يصب عرق و طلع وقفل المكتب ولا شفناه من اكاليوم الى هاليوم . بعد حوالي 65 سنه حصلته هنا في مضيف فلة الحجاج وحبيت أذكره بهالقصة.
أنتهت هالقصه وأتمنى ان تنال أعجابكم.......
ولكم مني كل الحب ولاحترام والتقدير.
تعيش وتأخذ غيرها يامدير.....بس عزيز وغالي...
