خشف ريم كلمات فالح بن دهمه واداء سعد اليامي من اورع ما سمعت من الشيلات ولاقت لدي قبول وعسى تلاقي عندكم ايضا القبووووول
خشف ريم مرت تراعـي
لامشـت كلـن يراعيهـا
مشيها غنـج وتهزاعـي
كنها تحسـب خطاويهـا
النواعس خرس ووساعي
والهدب الاسـود مغطيهـا
مزعـت قلبـي تمزاعـي
كل مقفت قمـت اناديهـا
واقبلت والبـرق لماعـي
يصطفق من بين اشافيهـا
تبتسـم وتقـول طماعـي
هالطبيـعـه ماتخليـهـا
اصبري ياحدب الاضلاعي
يزعلون الناس وارضيهـا
لعروق الشـوق جياعـي
والضما والوجـد حاديهـا
ومن عبير الورد ذعذاعي
بالجدايـل يـوم يرخيهـا
اسودن للجيـد مطواعـي
عـن عبايتهـا يكفيـهـا
لو جفون الليـل خشاعـي
الثريـا مــن يغطيـهـا
لو صلته الشمس ماضاعي
تحترق شمس الضحى فيها
قربي يابلسـم اوجاعـي
من جرح نفسـن يداويهـا
ماخبرت النفـس تنباعـي
بس ابيع النفس واشريهـا
فتنة ٍ تمشي على القاعـي
يفطـر الصايـم وينويهـا
لو تطالع روس الاصباعي
يسلم الكافر علـى يديهـا
