$$$ كل على طبعه يجيبه حليبه $$$

قصيدة أعجبتني وراااقت لي كثيرا لما حملته من الشعر والجزالة..
وحبيت تشاركوني الاعجاب ــ او تقولون رأيكم.
وكلي أمل أن ترقى لرقي أذواقكم...
*
*
*

يالله تعديها على خـــــــــــــير وتصــيب
من حدّني أكتب خمــــــــــــــاله وعــيبه

يبغي الصـــــــراحة مــابها شك أو ريب
باقولهــــــا !! والنـــــــــاس كل وطــيبه

الحــــــــر ماينفع بليّــا مخـــــــــــــاليب
والعقـــــل للرجــــــال زينه ،، وهيبــــه

والســـــالفة ماهي بـلحـــــــية مواجــيب
كل على طبعــــــه يجـــــيبه حلــــــــيبه

بعض المنابت بالمـــــــــراجل عـذاريب
وبعض المنابت للمــــــــــراجل خصيبه

رجل يبي طـــــــــاريه عند الاشــــانيب
ورجل يبي طــــــــــــــاريه عند الحبيبه

ورجل يودي بالسوالــــــــــــيف ويجيب
ورجل ســـــــــواليفه لفعــــــــــله تجيبه

ورجل يغض الطرف عن جارة صحيب
ورجل عيونه في محـــــــــــارم صحيبه

ورجل يغيب .. ويفقــــــــونه هل الطيب
ورجل ليامن غاب !! محـــــــد دري به

ورجل .. تشــــــوف بخوته لك مكاسيب
ورجل .. تشـــــــوف بخوته لك غليـــبه

ورجل .. اذا أخطى يرى نفســه مصيب
ورجل اذا أخطى .. يـــــــــراها مصيبه

قلت الصــــــــــراحة مابها شك او ريب
كل على طبعه يجيــــــــــــــــــبه حليبه

اشره وشرّه ،، كــــــان تبغي المواجيب
عط حق ! تاخذ حق .. مـــــــــابه معيبه
*
*
*
الشاعر / مشعل بن دهيم

صح لسان الشاعر

وصح بدنك يابو مشعل





لاهنت يالغالي

صح لسان الشاعر مشعل دهيم الظفيري

وصح لسانك يالغالي ابو مشعل

تسلم على النقل والختيار

لك تحياتي

صح لسان الشاعر وصح بدنك يابو مشعل




وتقلد تحيتي

مشكووور الغالي جمران
ويعطيك العافية للتواجد الرائع

حضورك نور



كل التحايا

نعمين في سالم ونعمين بـابن دهيم
والله يالغالي توها زادت بعيني حلاوة ،، يوم أضفت اسم الشاعر كاملا

يعطيك العافية يابو زياد
وشكرا لـ الاضافة ،،، وشكرا لمرورك الطيب دائما



كل التحايا

وصح ذوقك وصح كلّك يابو ماجد
ومشكووور يالعزوة لمرورك الطيب دائما هو كما أنت تشرح الصدر بتواجدك

هلا بك ابو ماجد
وهلا بمرورك الذي اضفى النور على المتصفح
يعطيك الف عافية



كل التحايا