للقافـه حولتنـي تحـت بـرج الفيصلـيـه
القافـه حولتنـي تحـت بـرج الفيصلـيـه
ويعلم الله يوم شفتـه ماحسبنـي فالرياضـي
شفـت شيـن ماتوقعتـه ولا يطـرى عليـه
ولا تخيلتـه ولا متصـوره حاضـر وماضـي
يخلف الرجـال لـو عزمـه وهفواتـه قويـه
والتقي والله ليطلـع بالفعـل ماهـو براضـي
اثر معهم حق ربعن شارحيـن الوضـع ليـه
وكنت اكذبهم واقول الهرج هذا هـرج فاضـي
شفت لي شعبـن تأثـر بالشعـوب الاجنبيـه
فالمذاهـب والمواهـب والعلـو والانخفاضـي
والولد والبنت ماتفرق هذا عـن شكـل ذيـه
فالبـاس وفالمقـاس وفالحمـار وفالبياضـي
والوضع ماهو طبيعي والعرب ماهـي طريـه
والعلاقـه والصداقـة بالتفاهـم والتـراضـي
قلت يمكن فيه هيئه واثـر مافالسـوق هيئـه
في هذاك السوق مطلوب التسامح والتغاضـي
المهم اني وقفـت وقفتـي عـن حسـن نيـه
اتفرج فالبشر مالي علـى الامـر اعتراضـي
ومر لي واحد وانا واقـف وكنـه شـك فيـه
واحدن تيخن حمر مليـان وكتوفـه عراضـي
قال وشعنـدك هنيـه قلـت وشعنـدي هنيـه
جيت ابشري لي مقاضي ماقدرت اشري مقاضي
ردني عنها غـلا الاسعـار وفلوسـي شويـه
وكـل طفرانـن مهـدد عندكـم بالانقراضـي
قـال ماكنـك ببـرج الفيصلـيـه فالعلـيـه
لابسن لك ثوب وشماغ ابدوي والجيب فاضـي
فالعليـه كـل شيـن لـه مزايـا عالمـيـه
والغلا فالسوق واسعـار العمايـر والاراضـي
قلـت ياقـوم العليـه ذمتـي منكـم بـريـه
واهني من حطكم فالقيض في ذيـك الفياضـي
ويتلخبط وضعكم ليـن الخـوي يلعـن خويـه
وكل فسقانن يعـود منتهـي حالـه وقاضـي
