(((التزمــــــــت الصمــت واغتــــال السكـــــوت )))
التزمت الصمت واغتال السكـوت
ضحكة صفراء على الجرح اتكت
بالمشاعر ما أجامـل لـو أمـوت
وللغـدر وجـهٍ تقاسيمـه حكـت
بين همز ولمز في مخبـاة كـوت
حاجة تذكـر وحاجـة مـا بـدت
من سمع في كلمة من غير صوت
أو سمع صخرة على ابن ادم بكت
ما دخل إنسـان بيـت العنكبـوت
أو هدب عينه علـى كفـه نبـت
شارب ما تفقـده لـو راح فـوت
وشارب من نظرتـه عينـك روت
في شتا همي مشالح مـع بشـوت
والأمل ما يوم روحي بـه دفـت
عندليب وللأسف شبعـان مـوت
يابس الجنحـان والنظـرة طفـت
من يعزي الناي في نغمـة تفـوت
شوقها مفتون في لحظـة مضـت
من يشيل حروف من بعض البيوت
وصورة المعنى شعاع وما غفـت
ريشة وفنـان وألـوان وزيـوت
وعبقرية ملهـم اللوحـة زهـت
عاشق المرجان يدخل بطن حـوت
وعاشق الدنيا مع أنـوار ضـوت
التهانـي والهدايـا والـكـروت
ما لها معنى إذا الفرحـة جفـت
بابتعـاد القافلـة خلـك صمـوت
ماضي الإنسان مـا يـوم التفـت
لو علاجك بالقصب والعنـزروت
ما يفيـد ولقمـة الـروح انتهـت
اليتيم إن ما وجد راحـة وقـوت
نظرته من زايـد الهـم أجدبـت
والطفل لا صار في يده الريموت
قلب العالـم وروحـه مـا درت
الطفل لو صار بين أشجار تـوت
يحسب إن الشمس غابت واختفت
البلح لو صار برحـي أو نبـوت
ما تميـز بسرتـه ليـن استـوت
الشجر بالريح ما له مـن ثبـوت
وله غصون صغار بالجذع التوت
ما تطير الريح بـأوراق البلـوت
من يديـن قلـوب للعبـه هـوت
كم حظوظ تصير بسباق اليخـوت
من كريم صرف الريـح ومشـت
ما أضيق إن فاتني حلو البخـوت
مؤمن بالله وروحـي لـه صفـت
عز لحظـات التجلـي بالقنـوت
يرحم الله حال مـن فيهـا قنـت
