يمـــة الغـــربـــة وفـــرقـــــــــــاك ملتمـــة
يمــه ... الغــــربة وفـــرقــاك ملتمــه
دمعة العيـــن هــذي ... مالها داعــي
يـــابعــد راســي انتـــي ليه مهتمــه
الـــوجــع لي ســـواة الناي للراعــي
آخر أخبـــاري ... الذمه هـــي الذمه
والــوصايــا هـــذيك تقـدي شراعي
مـــابه الا الســـواد يحـــاود اليمــه
ولا به الا البياض اللي ورا أضلاعي
وأشعــل ما يفـــارق ليل حضــن امه
وأخضــر كل صبـــح من أول أتباعي
يتعب البــرق ما أتعــب النظـــر يمــه
وانشديهـن بعــد ما قلــت أطمـــاعـي
أنجبــن لي عـــروسة حلــم أضـــمه
أو بعـــد تــوها تشرب عطـش قاعي
واذكري كيف كان العود ابو عمه
ايتعلى صهيله وأرخــي أسمــاعي
امــنيــاتــي بــدرب ودي أتـمــــه
آخره صعب وأصعب منه مرجاعي
يـوم كلن فـــزع له خـاله وعـمه
يكفي اني وردت العد .. بذراعي
أرفع الراس بين الروس ما همه
وأتباهى وأنا الغــرقـان بأوجاعي
يمه.. الحــر طبعـه يعشــق الـقمة
وأنتي اللي فطمتيني على أطباعي
الهواء دام راســي حــي ويــشمه
والله اني لاسـوق هنـاك ذعـذاعي
غربة تلوي ذراع أشجـــع الخمه
لا تخافينها لو تقـلب أوضــاعي
يمكــن تبعثـــر الـــرجـال وتـلمـه
بس بــدري عليها تلـوي ذراعي
