راع الجحش يشره على جدع خيال

قالـو تـسـيـر قلت مامن فضا بال ** وقت علـى المخـلـوق مابه وناسة


قـم سـو يـاراع المـعـاميل فنجال ** كثـر بـهـار الهـيل يغدي عماسـة


هـذا زمـان مـقـبـل مـنــه انــا ذال ** نـاس كـلـت نـاس بخـبـث ونجاسة


قامت بصاع المنكر الناس تـكـتـال ** وقامت تباع الجوهـرة بالنحاسـة


وشـوف انــا اسـود خــشـع وذلال ** وقـت بـه الـحصنـي يدور فراسـة


راع الجحش يشره على جدع خيال ** متـحـيـزم مـابـيـــن درع وطـاسـة


ولباسة الجوخ الحمر وادهم الشال ** قـامـت تـغـولـهـم عـيال البساسة


مـايـنـتعـدل حـمـل بـقـعـا لـيا مال ** منـيـن مـاعـدلــتـهـا مـا تـواســه


يـالابـس الطـوقـين والخوص وهلال ** اللـي علـى المتـنين يـزهـر لباسة


اصـبـر وعنـد الله تصـاريف الاحوال ** والقصر مرجاعة على بني ساسة



ابوزويد

صح لسانك اخوى ابو منيف


نقل مميز


واختيار جميل

اقتباس:

---

هـذا زمـان مـقـبـل مـنــه انــا ذال ** نـاس كـلـت نـاس بخـبـث ونجاسة

---

لك تحياتي

الله المستعان على زمن ابن زويد اجل وشنقول هالحين

سلمت وسلم جلبك الحيمري

تسلم الانامل يابو منيف


لاخلى ولا عدم

للمعلومه فقط
للشاعر ابوزويد خلف الرخيص السنجاري الشمري وهو أحد شعراء شمر المعروفين بالحكمه والجزاله

ابوزويد من الرخيص

وفخذ الرخيص من مشاهير شمر بالكرم ورجال عنيفين وقت الشده والمزاحم

واذا قابلت واحد منهم يكفيك عن الباقين في قوه الشخصيه وفخذ الرخيص

هم الوحيدين اللي مايحكمهم احد الا الله ولا يخضعون لكاين من كان وابوزويد منهم

وهذي كلمه حق



شكرا للجميع على المرور

الله يرحمه


عزالله انه شاعر بليغ




لاهنت يالحيمري

اقتباس:

---

المشاركة الأصلية كتبت بواسطة عبدالله الجعيثن

الله يرحمه


عزالله انه شاعر بليغ




لاهنت يالحيمري

---

شكرابوغازي

على المشاركه والمرور