يامتعب الأقدام ماشي على ويـن
قصيدة اعجبتن وقلت ياولد كوبي وبيست للمضايف :)
عل وعسى تنال اعجابكم
[GASIDA="type=1 width="100%" border="none" font="bold large Tahoma" bkimage="""]
يامتعب الأقدام ماشي على ويـن = مع جرّة جاها العجـاج ودفنهـا
ارجع وعدّ خطاك وحده وثنتيـن = واكبح جماح النفس والزم رسنهـا
لاتامن الدنيا ترى وضعها شيـن = ماعـــاد به دنيــا صحيـح بدنهـا
لاصاروا العقّال مثـل المجانيـن = واصبح ردي العــرف يامر وينهى
انا مجرّب والتجـارب براهيـن = اراهن الأيـام واكسـب رهنهـا
منها عرفت الفرق بين الفريقيـن = سبحان من صاغ العقول ووزنها
وان كان صح ان التجارب براهين = ضمنتها لن كان ربـي ضمنهـا
رفقة ردي المعرفة بعتهـا ديـن = على زبون " ضمّها واحتضنهـا
بغى يجيني بالثمن قلـت بعديـن = امسك فلوسك لين ننشـدك عنهـا
مابعتك الاّ سلعة" يااحمر العيـن = ابيعهـا وابيـع حتـى ثمنـهـا
والله مبي فيها ثمن لـو قرشيـن = بس المهم انـي تخلصـت منهـا
[/GASIDA]
رشيد الزلامي
تحياتي
