-
فار دم الشمرية !!
[poet font="Simplified Arabic,14,black,bold ,normal" bkcolor="" bkimage="http://www.shammar.org/vb//backgrounds/4.gif" border="double,4,gray" type=0 line=200% align=center use=sp char="" num="0,black"]
بدون مقدمات !!
العمـر غلطـات ليـا حـد المنـيـه
والحظيظ اللي يـداري عـن الخطايـا
والزمـن قـاسـي وأيـامـه أسـيـه
والصبر والحلـم مـن خيـر السوايـا
وكـل رجـال(ن) معـرض للخطيـه
والخطـأ وارد علـى كـل البرايـا !!
والدهر ليـا مـن بغـى لـك بالأذيـه
أجمعك مـع عفـن مبخـوص النوايـا
أنـت يااللـي هنـا لـك بـي وعليـه
ما أنت ند (ن) لي رغم كل الحكايا ..!ا
ما أنت كفو (ن) أرفـع بوجهـك يديـه
رافع(ن) قـدري عـن علـوم الرزايـا
ودامك اللـي خايـن بصحبـة خويـه
شرهتي أكبر مـن وجيـه(ن) عرايـا
ولـو حكيـت بغيبتـي علومـك دنيـه
دايـم أمثالـك..... دروبـه باالدنـايـا
تـدري العقـال مـا حـنـا سـويـه
خابـريـن وش وراك ووش ورايــا
وارث(ن) للطيـب والعـز والحمـيـه
حافـظ(ن) للعهـد... منفـذ للوصايـا
مانهبـت الغيـر حقـه لـو شـويـه
ولاسلبت الصيت ولا أمجادي سبايا ..!!
صيتنا اللـي خالـد(ن) مـن الجاهليـه
خلـده تاريـخ وعطـوره بقـايـا .!!
وانت يااللي هناك تحكـي بـي وعليـه
ما أنت ند (ن) لي رغم كـل الحكايـا
عارف(ن) ماضيـك وأفكـارك غبيـه
حاسبينك يا الـردي حسـاب الصبايـا
حـل عـنـي فــار دم الشمـريـه
قبل أبين ليه......... سمينا الطنايا ..!!
[/poet]
-
عز الطلب
تسلم وصح السانك
حل عني فار دم iiالشمريه
قبل أبين ليه......... سمينا الطنايا ..!!
تسلم مرة ثانيه وثالثه ولك كل الشكر والتقدير
من أخوك الصغير ابو مشاري
-
مرحبا 1000000
أخوي أبو مشاري صح بدنك طال عمرك
تقبل تحياتي وشكري
أخوك عز الطلب
-
الغالي
عز الطلب
صح لسانك
حل عني فار دم الشمريه 000 قبل ابين ليه سمينا الطنايا
مااروع هذا البيت
فبعده ابلغ من مضمونه
اخوك 000 فيصل اللويش
-
اخي..عز الطلب
صح لسانك
على هالابيات الرائعه
تقبل تحياتي
اختك
نوف
-
هلا وغلا
أخي الغالي فيصل اللويش
أسعدني مرورك الكريم وكلماتك الرائعة
تحياتي لك
اخوك / عز الطلب
-
هلا وغلا
أختي الشاعرة نوف
صح بدنك وتسلمين
دمتي سالمه
-
صح لسانك اخي عز الطلب
سجلني بقائمة معجبيك اخي ..
لا تبخل علينا بالمزيد من هذه الروائع
تحياتي
-
عز الطلب
صح لسانك
ابيات جدا رائعه
-
الله الله عليك يا راااااائع
او اكثر من راااائع
صح لسانك يالغالي وماااقصرت صح لسانك
