وأنا شمالي وأفتخر بأهل الشمال
ياهيه00ياللـي ضايـق وفيـك أنفعـال
أسمـع كلامـي وأفهمـه تلقـى حلـول
رافـق شمالـي تهتنـي طـول الليـال
لأن الشمالـي لصاحبـه ماهـو ملـول
دوم لرفيقـه ينتخـي وقــت الثـقـال
ياقـف معـه مايستمـع كلمـة عـذول
وأنـا شمالـي وأفتخـر لاجـا مجـال
أفخـر بـداري قلتهـا مانـي خجـول
دارٍ غلاهـا داخلـي فـوق الخـيـال
والشاهـد الله حبهـا فــاق العـقـول
وكـل القبايـل وافيـه بـدار الشمـال
أهل الكرم والطيب وأصحـاب الفعـول
ماهمهم كثـر الغنـى وجمـع الريـال
والضيـف لاجاهـم يلاقـي لـه قبـول
أهل الصحون الواسعـه قـدر وجـلال
وأهل الـدلال الوالمـه يـوم المحـول
وساع الصدور تشهد لهم طيب (ال) فعال
مضرب مثل صدر الشمالـي للزعـول
أهل السيـوف الساطيـه وقـت القتـال
صفّو على حوض المنيـه لـو يطـول
تاريخهـم معـروفٍ عيـال الـحـلال
يشهـد لهـم كـل المـلا مابـه ميـول
وياطير ياللي طايـر ووجهـك شمـال
الله معـك ياطيـر وأسمـع وش أقـول
لاصرت رايـح ديرتـي أسمـع تعـال
وأحفظ وصاتي كاملـه وأبغـى فعـول
سلّم علـى رفحـا وعرعـر والجبـال
اللي معك بالخط مـن عـرضٍ وطـول
وطريف دار الكيـف مبطـي ولاتـزال
دار الرجال اللي لهـم طيـب الأصـول
وسلّـم علـى قريّاتنـا ورد الـوصـال
اللـي غلاهـا دايـم بصـدري يجـول
وسلّـم علـى تـبـوك وردد للمـقـال
دار الورود اللـي بهـا بكـل الفصـول
وسلّم على حائل ولـو طـال المطـال
ديـار حاتـم تستحـق منـك القبـول
ومن بعدهـا واصـل مسيـرك للمنـال
وأقضب طريقٍ واضح وخلّـك عجـول
وموصيـك ياطيـر لاتحـط الـرّحـال
ألا بـدار الجـوف وعجّـل بالنـزول
وسلّم علـى كـل أهلهـا بليّـا سـؤال
وسلّـم علـى وديانهـا وكـل السهـول
الجـوف داري لـي بهـا عـمٍ وخـال
والعزوه اللـي دايـم تشيـل الحمـول
ياما كشت(ف) برهـا وهـاك السهـال
وياما فرحـت بغيثهـا وقـت الهطـول
الله ياوقـتٍ مـضـى كـنّـه خـيـال
الله ياعمـرٍ ركـض سـرع الخـيـول
وأنا شمالـي وأفتخـر بأهـل الشمـال
وأفخر بـداري قلتهـا وأرجـع وأقـول
وأنا شمالي وأفتخر بأهل الشمال
