الله من قلبا عوى عويت الذيب
قصدية لشاعر الكبير خلف الخس
الله من قلب عوى عويـت الذيـب
ذيب عوى لجـت ضلوعـه ولجـي
عليك يا راعي العيـون المهاديـب
سـود مضاليـل وسـاع وبـجـي
سود تشذب بسرة القلـب تشذيـب
طحت بخطرهـن يالله انـك تنجـي
سهومهن تسطي على القلب وتصيب
تخـج صنـدوق المعاليـق خجـي
يا صاحبــي حبـك لقلبـي عواقيـب
ارفــق علي شـوي قبـل استلجـي
ياللي عليك عيون الامـه مراقيـب
تقـول بيـن شفــــاك درٍ يمـجــــي
الخد بـراق المـزون المهاضيـب
اللي رعوده رجـت القـاع رجـي
يامنــوتـي ما فيـه شـــك ولا ريـب
مانساك كود انسى صيامي وحجـي
يابو ؟؟؟؟؟؟؟ شلعـن مقـــدم الجيـب
كمشمش عرقــه مـن المـاء ينجـي
من فوقهن شقر تغذى على الطيـب
ريح الشمطري في طرفهـن يعجـي
ذيل اشقر ينسف خـلاف العراقيـب
تطلـب عيالـه بالمهـــر والترجـي
هزت وزرفـات السبايـا جناديـب
لوما شليل الصبـر والمـال هجـي
ذبحتني يـا سيـد كـل الرعابيـب
فجيت قلبي يأريـش العيـن فجـي
لا وردة من كـف مـرو المغاليـب
والخيل كاسيهـا ضبـاب وعجـي
يا عاذل المشتاق ما بالهوى عيـب
ما ذقت لذاته عسـى امـك تدجـي
لو ذقت من حلوه ومـره تجاريـب
مـا لمـت طـراد البنـي الغنجـي
نجل العيون مزعـلات الخطاطيـب
شعـواً عـذاب مقطعيـن الفرجـي
يم الحبيب اللي هروجـه تعاجيـب
يا عين لدي له ويـا رجـل سجـي
وسلامتكم
