نجود بالماجود بالعسر واللين..وضحك الحجاج وما حلا من نبانا
بسم الله الرحمـن الرحيـم
السلام عليكـم ورحمـة الله وبركـآتـه
صبـآح/مسـآء الجوري والتفاح السوري
القصيـده للشـآعـر:
صــآلــح الـ ع ــتــيــبـــي
سر يالقلم ننقض كلام المحامين= لصارت الدعوه حمايا حمانا
نقض الحجج لابد له من براهين=ومعنا شهادة الوفا لدعانا
ومن مدنا بالصاع نجزاه صاعين=واللي ياعادينا عليه اعتدانا
حنا بميزان المعاني ثقيلين=وعلى مماشينا بعيدٍ مدانا
هيهات لو حولت عكس الموازين=قضا القضا فيما مضى وانتهانا
حنا عتيبه ملحقين المخلين=بعنا بسوق الطايلات وشرانا
قومٍ على صولات الايام ضارين=لو عضنا ناب الدهر ما قوانا
يهابنا الطماع لو قلبه اذهين=نبطش محلات الطمع لاغزانا
لنا سلوم غاليات المثامين=سلومنا محدن حملها سوانا
في سلم لوماء الوجه عام وشهرين=وابخيلنا مامون داخل حمانا
ثلاثماية يوم تزداد ستين =تنحا المنايا عنه هيبة لحانا
ومن حده الموت الحمر والديايين=تخير الحصن الحصين ونصانا
وبالحين نملى فارغات الموازين=جيب الصحون ومكرمات الصيانا
للضيف والجيران والمستحقين=إليا من وهاب العطايا عطانا
ابيوتنا للضيف مثل البساتين=يفرح به الملهوف ليلة ضوانا
نجود بالماجود بالعسر واللين=وضحك الحجاج وما حلا من نبانا
حنا على حفظ المواجيب حرّصين=مانعطي الطرقي قراطيع مانا
والجار له واجب وحنا وفيين=ندعيه للكرمه ولو ما دعانا
جيرانا دايم حشام وعزيزيين=وندرا شرفهم عن كلام اسفهانا
حنا بوجه الجار دايم جديدين=يزيد مع زايده اثنينه وفانا
وان جاء نهار المعمعه واللغا الشين=نبيع غلا الروح دون اقصرانا
وان راح نشدق قفاه بسكاكين =نحمي مجاله عقب عنه انتحانا
وخوينا لو هو من اللي معادين=يأمن بنا في كل درب مشانا
ليا عودة عشر اكثر الناس ثنتين=وصاروا بغرات الخوي عقربانا
ولصرنا مع الخوي بدرب متخاوين=نرعى الحقوق ولانخون خويانا
ممــآ رآق لـي rooose2
سـ you ــي
