طـــــــــــال...الــســكـــــوت...؟
هذه أول مشاركة لي في هذا المنتدى الشامخ,,,
من أجمل ماسمعت:
في الحقيقة لاأعرف صاحب القصيدة وأتمنى معرفة قائلها
(طال السكوت)
طال السكوت وضاق صدرالسواليف
والبال... من كثر... الهواجيس عايف
والليل طال.. وطارق الصبح ماشيف
وأنا...وصمت الحزن.. صرنا ولايف
أسج مع ..هجس الطواريق.. واعيف
هجسي..وطاروق الضلوع النحاايف
تجوع ..سلمى..واترك الكم.. والكيف
وأقسم رغيفي ..بيننا...بالنــصايــف
أقرأ...وتكتبني..قضية..... وتعريف
وتظمى...وتشربني...نحيف وذرايف
صمت الشعور..إحساس ماله تواصيف
أكبر من حروف ....الحكي والوصايف
(ياسيف) كيف أشرح لك الوضع ياسيف
أقلامنا.... جفت... ورفعت..... صحايف
كيف أبتدي يامسندي ...وأنتهي كيف؟؟
من دون كيف...(أنا) مثل منت شايف..؟
شفني... بقايا إنسان... والوقت كالسيف
وحظي كفيف ..وفرحتي... حلم زايف
همي بحر..وضلوع صدري مجاديف..
والعمرمركب...بين الأمواج طايف
وقلبي وطن...وعروق قلبي تجاويف
للحزن..وهمومي..شعوب وطوايف
صوعات بقعا..والقدر...والصواديف
ورتني أهوال... السنين... العجايف
أتبع خريف العمر...في رحلة الصيف؟
وأزحف على حد السيوف الرهايف..؟
الليل.... مفتاح... السهر..والتكاليف
(والصبح) ..مفتاح القهر..والحسايف..
(والصبر)..مفتاح الضلوع المناحيف..؟
(والحزن)...مفتاح الجروح..الرعايف..؟
(والمصلحه) مفتاح..باب المواقيف..
(والواسطة) مفتاح باب الوظايف..؟
(والفقر) يفتح للوجيه المصاليف..؟
باب الصلافه والضعايف ضعايف..؟
لاصار لك حاجة ولا لك معاريف
بشت القناعه خير من بشت نايف..؟
إن قلت لك خايف ترى ماني ضعيف..
ولاني شجاع إن قلت ماني بخايف..
ياسيف وش عذر المعازيب للضيف؟؟
لامنها ضاقت.. صدور.... المضايف...
قل.. للسواقي ..لو تهب.. العواصيف..؟
عنها.....رقينا... عاليات... النوايف..؟
تسفي وحنا فوق روس المشاريف..؟
في راس نايف...والخلايف ..خلايف
وقل للضعوف اللي تحسب المصاريف
حنا...ترانا.... ماحسبنا...الكلايف...
لو شحت يدين الزمان المناكيف...
نبقى..على عهد...الوفا...مانزايف..
وإن طال...بال الليل..قل ..للسواليف
بوح السهر..من ضيقة الصدر عايف..؟؟
أتمنى أن تنال إعجابكم...
