خثاريدز عانس

السلام عليكم ..






ذات مساء و بينما كنت اقهوي عمتي الصنوت



سألتها



يا عمتي ليه ما اعرستي؟

و نظرت إلي والشرر يتطاير من عينيها الرماديات
قالت ابتمتع بشبابي لاحقتن على العرس وغثاه
قلت آي شباب واي خرابيط اللي كبرتس شافن احفاد احفادهن وانتي طايحتن بتسبدي وبتسبد ابوي

و طلعت زقاره كانت مجحرته بعصابته الحمرا من عند اذنه
وشبته
و سلهمت بعيونه
كأنها تتذكر

و قالت بعد ما نفخت النفخه الاولى
والله يا بنيتي يوم انا بنتن كبرتس
كنت اطلق بنت
وشعري ياصل الارض
و عيوني تقل فناجيل
وبراطمي حمر و سنوني تقل حبات لولو
و بيضا زي هالنجفه
و طويله و مربره
وطرقا ورقبتي طويله ورموشي طوال و اقطر حلا

وتذابحوا علي شيوخ القبايل وعلية القوم اكا الوقت
و عييت عنهم كلهم ذالتن اقرد لي واحد واخذه ثمن يذبح


عاد انا اراعيله
وفاتحتن افمي
نتفه و كويحا و جلده يابس و عيونه تقل حبات سمسم وآذانه تقل دشوش ومتسفطه لارقبه ولابطيخ
وزوله تقل زول ضبعه

وبرضه له قرون من قدام ..
سبحان الخالق

قلت وانا اصب لها كاسة شاهي
طيب يا عمه وشنوحتس هلون
ما فيه اي ملامح زين أو حتى آثار

قالت إيييييه إيييييه

و هي تاخذ له جغمه
و هي تاخذ بعده نفس طويل و هي تنفخ بالهوا

قالت الهموم يا جنينتي الهموم


وأنا اراعيله بطرف عيني


قلت وش شفتي يا عمه بدنياتس
عطينا موقف من ما جرا لتس

و هي تقول
يوم أنا بنتن كبرتس كنا رحيل و هم يتعرضونا قوم وجونا وحنا غافلين

و جردوا الرجال من السلاح وخذوا الحصن والحلال اللي معنا كلوه

وأنا اقمز من مكاني يمار وجيه الربع ما تبشر بخير مهتمين و ضايقتن بهم

قلت يا قوووووم

سينكس الحلال بإذن الباري ولكن اطمئنواااا

قال ابتي و كيف يا بنيتي

قلت الحين تبي تشوف كيف

و أنا اتحيزم و انا ادقه كعابي من الجوف ليا العراق بيومين
وكنا بالقيض حزته

وأنا ادخل على شيخ العراق قلت طالبتك فرسك
قال من انتي انتي

قلت أنا الصنوت

قال ما غيره

قلت ما غيره

قال ابشري به بس ما تروحين من هان الا انتي متعشيه

قلت كثر الله خيرك لكن اعذرن هالنوبه
ربعي كلتهم الشمس وذابحهم الهلتس وشلون لي نفس اذوق الزاد ياطويل العمر

واعجب الامير بشجاعتها و ايثارها

واعطاها حصانه الشهيره و مشى معها ستين فارس

و شلعوا

و وصلوا الجوف بيوم :)


تقول و حنا نقص اثر القوم اللي خذت حلالهم و هم يلقونهم يمار توهم نازلين

وهم يجون الفريس اللي معه يبون يذبحونهم
و هي تصيح

قالت تروهم بوجهي قسم احد يتعرضهم فلا هو ارشد لوه

حنا جايين نبي ننكس حلالنا و اغراضنا وبس

قالوا كبيره يالصنوت كبيره

و هم يبتسون اللي حنشلوا ربع عمتي
غلبتنا بالطيب مره

و هم يقصدون به من هالقصيد بس إن ذاكرته لم تسعفه ماتذكر منهن شي



تقول وانا انكس بالحلال لربعي و أنا اقص عليهم القصه و هو يعجب بي والدي كثيرا

وتقول و ابا ان يزوجني والدي لأحد لإن محد يستاهلن :)

وقد قصدوا كل شعراء ذاك الزمان بعمتي الصنوت وموقفها البطولي الإنساني ولكن كما اسلفت لم يحضرها
اي من الأبيات

يا لبا عمتي الصنوت وأنا من أنا طالعتن عليه اثريني طالعتن له :)





وطبعا هالقصة نقطة من فيض على ما دزيل من بطولات العمه ..





مع الف تحيه

يدمج مع مواضيع ابو فهد



" سواليف تسذبان "

بطولات عمتس


لا يكون جايبتن الصداقه بعد :)







يا حيااتي يا عمتس



بس


مدري ليه احس انه وز طع



واحس بعد انه قضبتس مخرج


انتي سئلتيه ليه منتي حلوه


وش دخل ام سالفة الحنشل والفزعه



ولا بس تبي تعلمنا انه سبوقه


راحت للعراق بيومين ورجعت بيوم :)





نورت الفله برجعتس اختي الشهبا


وتقلدي تحيتي

هالابيات لقيتهن واقعات بطرف قوقل







ياروح روحي يالصنوت // ياليت من زفّها يمه

انا اشهد انه مثل ياقوت // اتوّرد الضامي على جمه

تواقعت من غلاه بشوت // هي باشة الزين مع عمه

وتقول و ابا ان يزوجني والدي لأحد لإن محد يستاهلن :)
----------------------------------------------
عذر وجيه وسبب مقنع:thumb:
لكن وش عذر عوانس اليوم:)

تسلمين يا سيدة الفلة .

راحت للعراق بيومين ورجعت بيوم
-----------------------
عادي طال عمرك لانها راحت حفاتي
ورجعت على حصان الشيخ:)

ابو غازي


حتى انا لقيت ابيات طايحه


الزين شد وخاطري منه ما طاب ... اقفى وخلاني وحيدن لحال





وتقلدوا تحيتي

ابو غازي ما اسمح لك تشكك بمصداقية العمه



هذي العمة


طيرة شلوى


هين اوريك >>>تسوي تبيلغ هههههههههههههه






لاهنت

ابو ماجد تسيف تقول احس انه وز طع




لا لا هذي اهانة عظيمه بحق العمه


هههههههههههههههه







بس تصدق انك صادز توي بديت افكر




اي والله وش دخل الزين والعرس بالسالفة






لكن وين تروح مني والله لا اكر السوعال عليه








منوووووورتن بأهله يالذيب







لاهنت على المرور

ابوغازي


صح لساااااااااااااااااانك



وشيك على المحذوفات
ههههههههههههههه