انشد عن المربى ترى العرق جذاب

السلام عليكم 00

اهديكم هذه الرائعه عسى ان تنال استحسانكم00
والتي قالها (سليمان التركي السديري)يرحمه الله قبل وفاته بقليل وهي من قصائد الحكم والنصائح يوجهها لأبنه فيصل :



[c]
[shdw]
اشوف دياني وقف لي على الباب****يبي الوفا مني ويطلب حسابه

ماينسى دين تقفاه طلاب****الدين مايوفيه كثر الطلابه

يافيصل اودعك توديع من غاب****لاتحتريه انه يجي من غيابه

غيبة دهر ماهي شهر عد و حساب****في مظلمٍ ينهال فوقي ترابه

ابيك لاتجزع و تفزع وترتاب****ان جاك من ينعي و يشلق ثيابه

عمر البكا ما فاد حيٍ ولا ثاب****لو سر غيرك كان سر الندابه

وعليك بأخوانك وربعك والأقراب****حقي عليك مواصلك للقرابه

وما بينكم لا ينقل الهرج سباب****ترى دمار الدار نقل السبابه

ومن الرجال اليا تخيرت الأصحاب****تخير اللي مايبدل جوابه

مغلاق باب الشر حلال الأنشاب****زبن الدخيل اليا تنصى جنابه

وابعد عن الدوني ولو مرة طاب****لزوم يظهر لك مرار عيابه

وانص الرجال اليا تخيرت الأنساب****كلٍ تعوض به يا كود النسابه

وانشد عن المربى ترى العرق جذاب****عرق الردى لابد يجذب جذابه

بلغتك الاعلام من غير نجاب****والحر يعرف من خطاه و صوابه[/shdw] [/c]

مع اطيب تحيه000

اخوكم/ النادر