يالجنوبي دوك صدري وهآت صدرك يالجنوبي .. ~
ســـــــــــــــــــــــــــفـــــــــــ يـــــر الـــــطــــــنـــــــايـــــــا
الـــــــــــــشــــــاعــــــــر
عبدالكريم الجباري
تنفرد الكلمات لشموخة وتعرف به
يالجنوبي دوك صدري وهات صدرك يالجنوبي
دارت الدنيا علينا وانكتم صدر الشمالي..
فاض صبري وانتهيت ومابقا الا اشق ثوبي
مال حظي وانغبنت ومال واستعدل عقالي..
آه يا دبل الـكبود وآه ياغبني وحوبي..
وآه ياذاك الحبيب وآه ياطول الليالي
وآه منك يالليالي وآه يادوبك ودوبي
وآه ياحر الخفوق وآه يالي مايبالي..
وآخ لوني ماعشقت وآخ ما تغفر ذنوبي
وآخ والا آه يعني تبترد اليوم غالي..!
وين قيس وين عنتر في عذابي مادروبي
ويش حبك يا كثير ويش حبك يالهلالي
اي نعم هذا انا هذا انا الي ماهقوبي..!
قالو ان قلبك حديد وللهوى لاما يبالي
ما هقيت الحب بلوى غلطتي واكبر عيوبي
وما اقتنعت ان القناعه كنز مايعرف الزوالي
لين صابتني رماحك بالخفوق وطعنوبي
يا الغلا ياروح قلبي يالرصيد الي بقالي
يالطريق الي مشيته دون لا احسب دروبي
يالعسل يالذة الماء ياصفا نبع الزلالي
يابعد روح المعذب ياعنا قلب العزوبي
ياقدوع الكيف ياكيف القدوع وكيف بالي
يالنفل ياريح عشبن جاء مع لفح الهبوبي
ياربيع(ن) ماظهر للناس من اول وتالي
ادري انك ذنب لاكن عن ذنوبك ما اتوبي
اي انعم بس انت وينك يا غلاي وزين فالي
لو يجيني الف حضنن غير حضنك ما اذوبي
يعلم الله غير شخصك كل شخصن ماطرالي..!
ياغلاي ارجع فديتك مابقا الا اشق ثوبي
ياهواي وراس مالي يالرصيد اللي بقالي
انكتم صدر الشمالي واتسع صدر الجنوبي
والعرب تضرب مثلها في سعة صدر الشمالي!!
