عزيزي كيف تؤثر في من حولك -قطت وجه مع اهل العام ((اللي يخبر لوه جوال العنيد يخش ))
بالخير عليكم ..
اشوف اخواننا بالعام مشتطين وحالتهم حالة بمسابقتهم الثقافيه
وانا اتحمس معهم
واقرا مشاركات الشباب والشبابات اللي مشاركين وانا اتحمس
قلت ابشاركهم من بعيد لبعيد مهو بس انتم اللي تعرفون تحتسون
كيف تأثر في من حولك
عزيزي القاريء انت هديفة
لا تقوم تراعي لي بنص عين انا صادزه
نعم هديفه
وما تنسرح بالغنم
وعلى فكرة .. حط عن رحايلك ولا تفكر ولا يجي ببالك انك تأثر على من حولك دامك ما اثرت بهم للحين
والله لو تقمز
و لو تاصل السما ما راح تأثر حتى على الغنم والبعارين
/
عزيزي القارىء
ما اقول الا الله يخلف على امن جابتك
التأثير لوه اهلوه
انت الله خلقك شخصيتك مهزوزه ونكرة و مضحاكه وخبيل وهديفه
مار عين خير يا حلالي
واستهدي بالله
ولا يجيك ابليس ويخليك تفكر هالتفكير
لانك دندوف عزيزي القاريء ..
مهما حاولت صدقني راح تفشل
جايني تبيني اعلمك وشلون تأثر في من حولك هاه
هذا اكبر اثبات انك دندوف
ياخي خلني الحين اتعلم ااثر باللي حولي ... بعدين تعال خلن اعلمك
لابو من انت هديفتن لوه
يالله برا موضوعي
>>>خربت ههههههههههه
/
اشوى اللي ما شاركت بالدوري تسان متسحوووته من أول جولة
اثريه خيره ظروفي اللي صارت لي ومنعتني عن المضايف وعن التواصل معكم هههههههههه سبحان الله..
الدوري الثقافي .. يبي يفوزون بوه اهل الفلة .. بلا شك
وان ما فوزتوا اللي تبعنا ماهي عليكم زينه
بالطيب بالغصب بالسكاكين بالقني فايزين فايزين
/////
المهم نجي للموضوع
امس و انا مريضه وحالتي حالة ...
عاقدتن راسي بعصابه واكل من هالحبوب
ما بقى علاجن ببيتنا ما لهطته
وهو يسير علينا عمن لي ..شوووويب
ويجلس بالمجلس اللي داخل واقعد اقهويه
يمار يبغبز بجواله
قال هالجوال اللي بلشت بوه ما بوه لمبه .. ولا بوه حلا ولا بوه قبله
واراعي لجواله يمار ان سبعين
قلت ليه يا عمي وشنوحه
قال مالله دزابله ما بوه لمبه ويالله اقطع عليه ... ابي زي جوالي القديم
هكا اللي منا حليله ورقوووومه كبار واقطع عليهن ولمبته صفرا وواضحه
والله لو القاه انني لاشريه لوهو بمية الف
عاد وشو جواله اللي يبي ... يبي العنيد
وقلت لوه هي نيتك يا عميمي
قال اي والله هي نيتي ... عاد قلتله ابحاول ادبر لك
بالله اللي يذكر لوه جوال العنيد يجيبوه لي اببيعه على عمي والمبلغ ففتي ففتي ..
هههههههه
يا عمري يالشيبان
ويلوموني بغلاهم
سوالف محششه ...ادري ان الموضوع مدري وشلون هو قايل ماله لا وجه ولا قفى مار لا تلوموني .. توي طالعتن من الشر وابحتسي اي شين .. >>يا ويسي
الله لا يهينكم ..
