لذة الفقر لـ عبدالرحمن الشمري
[GASIDA="type=1 title="لذة الفقر" bkcolor=#CCCCFF color=#000066 width="70%" border="5px groove #CC0033" font="normal x-large entbah" bkimage="http://www.shmmr.net/vb/mwaextraedit5/backgrounds/16.gif""]
للفقر لذه في عيون الهوامير = شوفو شلون بفقرنا شاركونا
دينارهم يستـنسخونه دنانير = ولـو هـو طلـبناهـم ماعـطـونا
حسرة قليل المال بكفوفهم غير = ولو هو ذهب يمدي خذوه وخذونا
الله لايجزى هاك الطالع بخير = اللي علـيه بعافيـتنا حسـدونا
تجمعت شرابة الماء على البير = ياحليلً عنه الجماعه حدونا
جونا شتات أصفر تلقفهم الطير = بلوى ياليت بشـرهم مـابـلونـا
طاوع معاهم من لقى دهنة السير =والا وش اللي سـكته يـوم جـونا
ذقنا على يديهم هوان المشاوير = ظيعهـم الله مـثلمـا ظيـعـونا
وش صار وش بعد باقي يصير = يـافاهمين السـالفه فهمـونا
المشــكله ياحـبـنا للمعـاذيـر = والناس وصلو للقمر وسبقونا
دايم نسـوي للخيـانـات تـبريـر = والظاهر الخاين طلع كل أبونا[/GASIDA]
