آخر لقطة للأملح !! (( بمناسبة العيد ))

السلامو عليكو

مساء الخير مصورينا الاحترافيين

طرى علي أفتح هالمتصفح وأخصصه

لصور الأملح

عريس العيد :)

أو بطل العيد :)

أو بالأصح ضحية العيد :7ayyoh:

وش رايكم كل واحد يصور الخروف يوم العيد وهو ينتظر قبل مايلقى نحبه أو يحتضر :)

وممكن صوره بعد مايلقى نحبه :(

وجيبوا صوركم هنا

نشوف أي مماليحنا أملح :)

وش قلتوا !!؟

خلونا نسوي لهم ذكريات في مضايفنا :)

<<<<<<<<< تقدس الخرفان :)

واللي يبي يصور مظاهر العيد والتسبدة والفلة الله يحييه

أهم شيء صورة الخروف قبل الذبح

ماتدرون يمكن نخلي صورة العضو الرمزية هي صورة خروفه :7ayyoh:
وه بس الله من الملح بهن

وانا اقدس الخرفان :)

خخخخخخخخخخخخخخخخخ هذا ان حصل تصور معه فرصه مو تصوره

يسلموا ع الفكره

ملف مرفق 4989

اول شي حنا نذبح الاشقر مهو الاملح ياعجوز درب الزلق:)
الشي الثاني قبل لا نذبح الاشقر نسقيه ونخفي السكين عن عينيه:thumb:
الشي الثالث واللي مايعرف ينزل الصور وش الدبرة عشان ينفذ الطلب :a:

اقتباس:

---

المشاركة الأصلية كتبت بواسطة شنقل

وانا اقدس الخرفان :)

---

قدس الله سرك :)

بس عاد مالقيت غير صورة هالأشعث :)

خلق ربي حسن

أهم شيء لاتنسى يوم العيد تصور خروفكم أو خرفانكم صورة جماعية :)

اقتباس:

---

المشاركة الأصلية كتبت بواسطة متفاائل

خخخخخخخخخخخخخخخخخ هذا ان حصل تصور معه فرصه مو تصوره

يسلموا ع الفكره

---

حلو

معناها نسوي مسابقة وجائزة للي يصور مع خروف العيد :)

حياك أخوي متفائل

اقتباس:

---

المشاركة الأصلية كتبت بواسطة عبدالرحمن

اول شي حنا نذبح الاشقر مهو الاملح ياعجوز درب الزلق:)
الشي الثاني قبل لا نذبح الاشقر نسقيه ونخفي السكين عن عينيه:thumb:
الشي الثالث واللي مايعرف ينزل الصور وش الدبرة عشان ينفذ الطلب :a:

---

أجل تذبحون نعيمي !!؟

وش أسوي بكم

حنا نذبح الأملح

نجدي يطيح الطير من السما من زود ملحه :)

الله يستر عاد لايشتري أبوي هالسنة نعيميات :a:

هذا شيء

الشيء الثاني أسقوه ومالوه أنا قلت جوعوه وعطشوه :)

أنا أقول صوروه صبح العيد بعد ماتسقونه وقبل ماتذبحونه :)

الشيء الثالث تبيني أعلمك طريقة رفع الصور والا طريقة نقلها للجهاز والا

والا تدري

وش رايك ترسلها وسائط لواحد من الشباب اللي يعرف ينزل الصور وهو يتكفل بخروفك :)

أهم شيء لاتنسوننا صبح العيد :7ayyoh:

/

الوكاله مسموحه بتصوير الخروف


يعني انا اذبح خروفي وعبدالرحمن يحط صورة خروفه :)

/

خرفاننا مايغسلوهن بفيري بلاس ، ويمكن هم غير :)

*
*


فكرة جميلة الريم
ان شاء الله نأتيك بالصور

وكل عام وانتِ والجميع بكل خير



*
*