عطني وفَاي اللي كلته اللواهيبْ [ و أعطيك حبٍ خاطري منه شَاقي !

جيتكْ بطيبْ و خلّني أرحَل بطيبْ
..... مَنت بـ كفو لمحبّتي و إشتيَاقي

تسمَع لقُول مجمعينْ الأَكاذيبْ
..... ويلي عَلى أدري بَس ويشْ إنت لاقي ؟

بآغيب و أقفي عَنكْ و اسمح لي آغيبْ
..... أما عَلى المرجَاع ماني بهَاقي

عطني وفَاي اللي كلته اللواهيبْ
..... و أعطيك حبٍ خاطري منه شاقي

فعلكْ يكدّر صَافيات المشَاريبْ
..... حتى ما عِدت أشتاقِ ذاك التّلاقي

أضحك و أجامل بينْ بسمَه و ترحيبْ
..... محدٍ درى عَن علتّي و احتراقي

جروحْ غيركْ يمكن تزولْ و تطيبْ
..... و إلا انت جرحك بين الأضلاعِ باقي

لا تدور لـ فرقَاي جرح و تصَاويبْ
..... و أبشر بعزّك دام تبغي فراقِي

خيال الجدعاا



تسلم على النقل الرائع




وصح لسان الشاعر حمد البريدي

صح قلبك خيال الجدعاء على النقل الرائع




لاهنت وسلمت يمينك

حيــّاك الله أخوي خيال الجدعاء
شرفت المنقول ياابن الاجواد

لا تدور لـ فرقَاي جرح و تصَاويبْ
..... و أبشر بعزّك دام تبغي فراقِي

لاهنت على النقل ياأخوي

خـــــيال الجـــــدعـــــاء
لان تغيب عن ذاكرتي
تقبل مروري الله يديمك لنا

جيتكْ بطيبْ و خلّني أرحَل بطيبْ
..... مَنت بـ كفو لمحبّتي و إشتيَاقي

تسمَع لقُول مجمعينْ الأَكاذيبْ
..... ويلي عَلى أدري بَس ويشْ إنت لاقي ؟



صح للسسسانك ولسسسان اخوي الغالي حمد البريدي لاهنت لاهنت بارك الله فيك

صح لسان الشاعر ومشكور عالنقل المتميييز