)( يا زمان العنجهيه )(

السلام عليكم ورحمة الله وبركاته





اجدد التحيه لكم أيها الأعزاء


أشارك معكم بهذه القصيده طامعا بأن تجد بعض الاستحسان





______________

[poet font="Simplified Arabic,14,black,normal,normal" bkcolor="burlywood" bkimage="" border="outset,10,gray" type=0 line=350% align=center use=sp char="" num="0,black"]
يا شجون الشعر هيضي والمشاعر سامريّه=واذكري ماجال بالخاطر ولا تخشين لايم
واطرحي راي المسافر في صوابك والخطيّه=واحتمي في ظل شاعر من غرامه فيك هايم
إبتدي بالفخر والنشوه وتقديم التحيّه=للزمان اللي شهد لاجدادنا فعل العظايم
الزمان اللي سلومه لا تزال اليوم حيّه=بين تقدير الحقوق وبين تقليط العزايم
الزمان اللي يسمّونه زمان الجاهليه=ياسفاهة فكرهم كانه تركّز في خمايم
في زمانٍ ما عرفنا فيه غير العنجهيّه=والتكبّر بالسلام وقَطْع في وصل الرحايم
البداوه كنزنا اللي فيه نلقى مقدريّه=للشجاعه والكرم والحكمه ورعي النعايم
لا ترجّينا الخشوم ولا رفعنا مهايطيّه=المراجل فعلها يشهد ولاهي بالتهايم
المراجل تِركِب الفارس على ظهر المطيّه=وان تخاذل في هواها تطرحه طرح الهزايم
راي شخصي لا ولااقدر أفرضه بالأكثريّه=مير له وقتٍ يجول ابخاطري صاحي ونايم
ياعيون الشعر هلّي دمعك الغالي عليّه=واغسلي فيه القصيده واصدري أحلى النسايم


صدّيق بن مرهون
[/poet]



ودمتم سالمين


إحترامي ...

الهــــــادف

اخي الغالي صدّيق بن مرهون
صح لسانك
لك كل تحية وتقدير على كل كلمة كتبتها يداك
لقد اجدت وتميزت اخي الكريم

صديق بن مرهون

صح لسانك مليون على هالقصيده الرائعه.

سجل اعجابي وسجلني مع رايك وضد المهايطيه.

صديق بن مرهـون

صـح لسـانك

تسـلم ولاتـهـون

رائع رائع قصيدة جـزله من شـاعـر جزل

سجل اعجابي .. وتفضل بقبول تحياتي

أخوك / بن ماضي

البداوه كنزنا اللي فيه نلقى iiمقدريّه للشجاعه والكرم والحكمه ورعي النعايم
لا ترجّينا الخشوم ولا رفعنا iiمهايطيّه المراجل فعلها يشهد ولاهي iiبالتهايم
المراجل تِركِب الفارس على ظهر iiالمطيّه وان تخاذل في هواها تطرحه طرح الهزايم
راي شخصي لا ولااقدر أفرضه iiبالأكثريّه مير له وقتٍ يجول ابخاطري صاحي iiونايم

صـح لسـانك

سجل اعجابي وسجلني مع رايك وضد المهايطيه.

نعيب زماننا والعيب فينا *** وما لزماننا عيب سوانا

المراجل تِركِب الفارس على ظهر iiالمطيّه وان تخاذل في هواها تطرحه طرح الهزايم
راي شخصي لا ولااقدر أفرضه iiبالأكثريّه مير له وقتٍ يجول ابخاطري صاحي iiونايم


صديق بن مرهـون


لك من اخيك كل تحية واكبار على هالقصيدة الرائعة


وتم تثبيتها من قبلي


وياهلا

الأخ العزيز / الصارم


لك مني عظيم الامتنان لمرورك هنا

سعدت كثيرا بمرورك

شكرا لك وصح بدنك ياغالي

إحترامي ..

الهــــــــــــادف

عزيزي / الغازي



شاكر لك جدا تعقيبك الرائع ايها الرائع



وصح بدنك والله يديمك



إحترامي ..


الهــــــــــــــادف

الأخ الكريم / مبروك بن ماضي



شكرا جزيلا لك


إعجابك شرف كبير لي

وعسى ان أكون عند حسن الظن




وصح بدنك يابن ماضي

إحترامي...


الهـــــــــــادف

الأصمعي


تحيه لهذا المرور



شاكر لك كرمك وتعقيبك الذي مازاد هذا النص الا جمالا


إحترامي ..


الهـــــــــــــادف