-
[ نفسيه ] ..!!!!
http://www12.0zz0.com/2010/09/19/22/668716319.jpg
ياباشة الغيد زينك بس منهوله
والناس بعيونك النجلا سواسيه
هانت شوارب قبل تلفين مفتوله
وماتت مراجل تشوف العز قدسيه
لاصرتِ مع حسنك الجذاب مكفوله
ومن الجواهر وزين اللبس مكسيه
وش لك سؤال الشعوب وليه مخذوله
وليه النتائج تجينا دوم عكسيه
خلي سيوف الغنج لليل مسلوله
لاصار جن التخاذل بيد انسيه
كل ماتميع انثناءة خصرك سيوله
مطامع المجتمع تزداد خسيه
فديت فتنة جديلك لانثنى طوله
في ليلةً من لياليه الرومانسيه
ايزعزع امن المواطن داخل الدوله
اويرهب من الحلا ضباط الامسيه
رمشك حكمنا فقيرً ابسط فعوله
يهزم فخامة حكومتنا الرئاسيه
مشاكل اوطاننا بيديك محلوله
منجم خياناتنا شيكات ماسيه
ليل الوطن لو بكى من ظلمك زحوله
يسلب بقايا مطالبنا الاساسيه
جيشً غزا دولتك لو ماحدً حوله
شجاعته تفتقد ارضً حماسيه
ماينفعه لو حفت من شانك رجوله
مواطيً سيرها بدروب رجسيه
جف الكفر والضنون البيض مبلوله
اسلامها ماتبع دين المجوسيه
يسري بنا ذل حاضرنا ومفعوله
ايرتب اوراق خيبتنا السياسيه
غابت مواري سؤالً فاقت ذهوله
تربة وطن ماسقاها وسم جنسيه
قانون لعبه كسب من دمنا جوله
جرحً نزفنا غثاه اوجاع حسيه
قصة تراب الوطن واحلام مقتوله
يشبه قهرها نهاية حب (عبسيه )
تفاهة الركض ماتعطيك بسهوله
مجدً لقى بالامل اخر مراسيه
ارباب فكرً يديهم شبه مشلوله
من بطش منهو تجود في كراسيه
ماتصلح الحال يدًّ منه مغلوله
حرية اوطاننا لليوم منسيه
لو كان لاصواتنا اسماع مسؤوله
ماصابنا من مرار الوقت نفسيه
-
لطيفة انتي شاعرة
/
قرأت هنا شعر
/
صح لسانتس ... بلا عدد >>>صرقته من هايس مزاله عريس :)
-
لا....تعليق
فكل بيت قصيده
ولا....عجب
فالشاعره
لطيفه
فقط
صح لسانك
-
كنت هنا لأنهل من منهل الادب
نافع
-
صح لسانك ... لطيفة ...
الشعر هنا يتألق ..
-
:
:
الصمت في حرم الشعر ترتيلة جمآل ...!
لآفض فووك ولآضمآ ..
:
:
-
-
جميله جدآ ابياتك يالطيفه
وماهي غريبه عليتس
لكيroooose
-
صح لسانك يالغالية
وكل عام وقلبك الطيب الطاهر بخيـر rooose2
ولاهنتي الله يحفظك
-
صح لسانك واعتلى شانك اختي لطيفه
لطيفه= الجزاله
يعطيك العافيه على القصيده الشامخه
دمتي بود