كلّما ضاقت علي قلت حلم الله وسيع
صبّحكم /مسّاكم الله بالخير
شعراء - متذوقين الشعر
والمصيبه زمة غليص والراس الصديع ...!
كلّما ضاقت علي قلت حلم الله وسيع
الفلك دوار والصبر مفتاح الفرج
درهمت بي قشر الايام وسنيني تضيع
والصبر والحلم ماعدّل الحظ العرج
أدري اني عبد .. ماكلّف إلا ماستطيع
وأدري ان الله كفل رزق ما دب ودرج
لكن المذهوب !! مذهوب عيّا لايطيع
ضاق به صندوق صدري ولامنه مخرج
أن هرجت .. أخاف وأدرا على السد المنيع
وان سكت .. أطيح وان طحت ياكبر الحرج
كلمة العاقل مثل ضربة السيف البريع
فصلها قول الحقيقه وصدقه لاهرج
والمصيبه زمة غليص والراس الصديع
أن تركته جار وأن ثرت حدّرك الدرج
للشاعر عبدالله بن شايع الزهيري
