(( فضفضة مواطن ))

شاعرنا هو مواطن يدعى :

مسلم الشمري



يعلم الله يوم طب الشرق الأوسط نجسه ..
والعرب في شتات وما بهم رجل ونيس ..

قذارة الغرب الخسيس ربعة في مقدسه ..
مسرى النبي ومعرجة خيم بـ أراضية الخسيس ..

وكل شبر في أراضينا الشريفة دنسه ..
والسلام اللي نريده داخل أدراجة فطيس !!

وش يرد المسلم انه يسقي اللي يغرسه ؟
ننتظر والمشكلة من دمنا نسقي الغريس !

وكم شهيد في سبيل الله بالظلم حبسه ..
ويوم نعطي مدنا نلقاهـ بالمرة بخيس ..

وكم صغير في سيور المدفعية يدعسه ..
والله انه شوف عيني تحت جنزيرة دعيس ..

وكم فتاة صابها في جنون وهلوسة ؟
والعريس اللي حلمته صار ماهو بالعريس !!

والعرب وين العرب محد تعدى مجلسة ..
كل هم المسلمين صيامهم يوم الخميس ..

مسلمين بالاسامي والخوافي مفلسة ..
ورثونا الذل لين صار هينها نفيس ..

من موتت الناصر صلاح القدس محد يحرسه ..
يشهد الله من وفاته والعرب ماله رئيس ..

من قبل صنع المدافع يوم هو فوق فرسه ..
كان يفرض سطوة الإسلام والكافر جليس ..

والسلام اللي تحكم فيه واصبح غطرسة ..
ما نبيه إلا بحد السيف لاحمي الوطيس ..

ما نبيه إلا كذا لعن ابو من سيسه ..
ما نجيبه بالسوالف والتعوذ من إبليس ..

ليه ندرس عن تواريخ العرب بالمدرسة ؟
دام أولى القبلتين ليومنا هذا حبيس !!

همنا يآكل خضار قلوبنا ما نلمسه ..
مثل ما يآكل خضار العشب بالصيف الحميس ..

واقع مر يهول ما لقى من يعكسه ..
شفت كيف أديس ابابا صارت لبابا أديس ؟




تري مكاسي

والعرب وين العرب محد تعدى مجلسة ..
كل هم المسلمين صيامهم يوم الخميس ..

======
الـــــجثري لآهنت ولآهان مسلم الشمري
الله ياحنى بغفله بس ( تسلم يمينك ) على الحكمه الخاصه يامسلم ولا يهون الجثري

أبيات رآآآئعــة جدآ

وبيت أجمــل من الاخــر ..كل يبت فيه من الحكمه الكثير والكثير

تسلم يمينك أخوي أحمــد

وصــح لسان الشاعر مسلم الشمري



لاعدمناك يالطيب وننتظــر جديدك

لاهنت اخوي ابن حزمي


ويشرفني مرورك يالعشير



تري مكاسي

اقتباس:

---

وننتظــر جديدك

---

باقي ثنتين او ثلاث من هالنمونه .. ومع العيد ابغير الموجة

:) :)


لاهنتي يام عمر ووفقك الله لما يحبة ويرضاهـ


تري مكاسي

صح لسانك أحمد


معبّره لحد الألم

ابيات تحكي واقع مر للاسف



شعوب ضربت عليها الذله





ولا زلنا نتغنّى على اسطوانة ...كنّا...وكان!!!

لك الف شكر عزيزي الجثري وصح لسان الشاعر الشمري.

قصيدة معبرة عن حال التشاؤم التي سيطرت على اغلب العرب مع الاسف
فالتشائم لا يحل قضية بل يحبط الهمم ويجلب الغم فيستسلم له الانسان!.

لاهنت يالغالي ياخالي على هذا النقل الجميل والاليم

تسلم يمينك

صح لسان الشاعر

تقبل مروريroooose