لاتسولف لي عـن الهيـل والدلـه =والغضى المشبوب والليـل قمّـاري
[align=center]
[poem=font="Simplified Arabic,5,#FF7B00,bold,normal" bkcolor="#1F1F04" bkimage="" border="none,4,#400000" type=0 line=0 align=center use=ex num="0,#400000"]
لاتسولف لي عـن الهيـل والدلـه=والغضى المشبوب والليـل قمّـاري
وإجتماع الشمـل واللعـب والفلـه=وقـاف غنيتـه وغنـاه سـمـاري
كلما اقبل داعي الشـوق نقبـل لـه=يوم كان الهم مالـه معـي طـاري
كان قلبي كل همـه رضـى خلـه=والخطر قادم ولااحـدٍ عنـه داري
مادرينا ليـن ضـاع العمـر كلـه=في هذاك الليل يوم القمـر سـاري
خل ذاك الوقـت ياصاحبـي خلـه=وإن قدرت إنسى زماني وتذكـاري
كان راسك يعشـق الكيـف ماملـه=عفت أنا كيفي ومركـاي ووجـاري
وعفت وقتٍ ماحمانـي مـن الزلـه=ولارفع بيـن الرجاجيـل مقـداري
والصديق اللي هقيتـه علـى الملـه=يوم طاحت خيمتي ماستـر عـاري
والمحلّى بالذهـب صافـي السلـه=لاقضى ديني ولااخذت بـه ثـاري
خان كفـي وإنكسـر قبـل ماأسلـه=واخسارة يوم أنـا بالغـلا شـاري
وكل صاحب في اللزوم إختلف دلـه=لاولد عمي فـزع لـي ولاجـاري
لاتسولف وانـت داري عـن العلـه=السوالـف كلهـا ماطفـت نـاري
كان مريت العرب مـن نشـد قلـه=إن لقيت إنسان ينشد عن اخبـاري
قل لهـم ياعزوتـي ياهـل الحلـه=مادريتوا ؟ ( صوروني وانا عاري ) [/poem]
الشاعر الكبير والقدير عبدالله الطلحي الهذلي [/align]
