قصيدة الشهـر .......للمضياني.!!

الأهداء للجميع ..ولشقيق البياض / بشير اللويش

<< شياطين الزعـل >>

كابر..بكابر، صدّ واللـه مــالدّ
--------------------- يمك، ولو هالروح تفقد جسدها
لاتلوي ذْراع الغـلا ينكـسر.. صـدّ
--------------------- وان تحرث الغزه يصيبك مسدها
كان العناد اسـقاك من قربته ردّ
--------------------- انثى المعاند ضيـفتني ولـدها

*******

اجيت امشـط قذلة ارضاك وآكـدّ
-------------------- ضحك الجدايل واسألك من رغدها
ولاجيت اطـشه وصـلي بهقوه ونـردّ
-------------------- ولاجيت ارتب هالحـجج في عـددها
أرخ المسـامح والأسـف،شدّ.. بآشدّ
-------------------- مـر الليالي لين شـهوة شهـدها
خـل النوايا..عاجز أجمعك وآعـدّ
------------------- وْخـل الظنون الي جلدها..جلدها
وْخل العطايا..ممطرك شـمـسٍ وغْـدّ
------------------- وخل الدموع الكاشفه لك نهـدها
وارم السوالف والتفت ليّه بْجـدّ
------------------ كم من قصيدة وانت خانق وعدها؟؟

*******
برمي شـياطين الزعل بـحـجرة ودّ
------------------- حـلاَل وئـدة زعـلةٍ في مهــدها
لكن تصـد هْناك مـاوالـله آلـدّ
------------------- يمـك،ولو فرقاك تومي بيـدها!!

شكرا للمرور ..احبابي .،،

هلا ومليون مثله مرحبا ومسهلا
باخوي الشاعر الكبير والرائع
ابراهيم المظياني
حيالله ابن وايل
ماخيبة الظن كفو صح الله لسانك وعزالله انك شاعر وشهادتي فيك مجروحة

صح لسانك يالسنافي
صح لسانك

وودي انك دايم تزعل على شان تقول الروائع والفرايد

ومقبوله هديتك
وبيض الله وجهك
وهالليله هي المبروكة اللي تشاركنا فيها .
وسلامتك من الشياطين ومن الزعل
ترى الحق زعلك مايهون علي .

<< شياطين الزعـل >>
\nكابر..بكابر، صدّ واللـه مــالدّ
--------------------- يمك، ولو هالروح تفقد جسدها
لاتلوي ذْراع الغـلا ينكـسر.. صـدّ
--------------------- وان تحرث الغزه يصيبك مسدها
كان العناد اسـقاك من قربته ردّ
--------------------- انثى المعاند ضيـفتني ولـدها

*******

ماجيت امشـط قذلة ارضاك وآكـدّ
-------------------- ضحك الجدايل واسألك من رغدها
ولاجيت اطـشه وصـلي بهقوه ونـردّ
-------------------- ولاجيت ارتب هالحـجج في عـددها
أرخ المسـامح والأسـف،شدّ.. بآشدّ
------------------- مـر الليالي لين شـهوة شهـدها
خـل النوايا..عاجز أجمعك وآعـدّ
------------------- وْخـل الظنون الي جلدها..جلدها
وْخل العطايا..ممطرك شـمـسٍ وغْـدّ
------------------- وخل الدموع الكاشفه لك نهـدها
وارم السوالف والتفت ليّه بْجـدّ
------------------- كم من قصيدة وانت خانق وعدها؟؟

*******
برمي شـياطين الزعل بـحـجرة ودّ
------------------- حـلاَل وئـدة زعـلةٍ في مهــدها
لكن تصـد هْناك مـاوالـله آلـدّ
------------------- يمـك،ولو فرقاك تومي بيـدها!! \n

صح لسانك مره ومرااات عديده

اخوي ابراهيم من روعته وفكرته وحداثته والله اني قراته عدة مرااات
وقبل الختاااام
يسعدني ويشرفني مااسميتني به
شقيق البياض وانا اقول لك
ماعليك زود
انت راعي معروف وانا مانسيت وان شاء الله ارده لك

تقبل تحيااات اخوووك الصغيررر

بشير اللويش

اخي ابراهيم المضياني


قصيدة بغاية الجمال

اللفاض بغاية الروعة



وارم السوالف والتفت ليّه بْجـدّ
------------------- كم من قصيدة وانت خانق وعدها؟؟

*******
برمي شـياطين الزعل بـحـجرة ودّ
------------------- حـلاَل وئـدة زعـلةٍ في مهــدها

صح لسانك اخوي

يابعد حيي
عفية عليك
وانا اشهد انك الداهية
هاللون القصيد الجديد والا بلاش

ودي اقرا لك كل شوي

ماهي حسافة شفت صورتك بامسية اشمال الموجودة بالمظيف العام اللي كتبه اخونا بشير اللويش
ولكن انا ودي بعرفة الطيبين مثلك وشرواك.

نوبه اخرى يابعد حيي

مع السلامه
مع تحيات ALSHGAWI

شقيق البياض /بشير الويش

شكرالمرورك ......فالقصيدة الآن .... أكتملت !!!!!!

براك الفريسي /

صــح بدنـك ... لي الشرف ..يومالقصيدة كحلتها عيونك ..!!

ALSHGAWI..

لأعترف لك بشئ ....

قصيدتي ..خرجت للمنتدى .. بكل الحلي التي تمتلكها ..

ولكن مانسيته ..

هو ...

العطر الذي سكبه حضورك ..على القصيدة ..



شكرا لمرورك ..وعطورك!!

ابراهيم المضياني
اوقل عطر القصيد
رغم انني اعرف هذه القصيده جيدا وهذي له سالفه :
اول ماقرأت القصيده في مجلة بروز قلت ( شاعر هالقصيده منين طلع) لان السبك والجزاله وحرفنة القصيده توحي الى ان شاعرها شاعر متمكن وليس شاعر في بداياته وقلت في حينها لمن كان معي هذا شاعر نجم وبالفعل ماهي الا شهور ويتصل علي صديقي الذي كان عندي عندما قلت رايي في المضياني واذا به يقول لي ( صدقت يابوفيصل ان المضياني نجم لانه غدا سوف يقيم امسيه في الرياض)
بالفعل ابراهيم يستاهل الاحتفاء ووجوده بيننا محل اعتزازنا
ولكننا لن نسامحه ان بخل علينا بجديده00
اعرف ان لن امنح المضيياني حقه ولكنها محاوله اعرف انها فاشله لان ابراهيم اكبر رمن الكلام
!!
!!
!!
شكرا من كل قلبي

أخي / أبو فيصل

شكرا لزنبق لقبك ... والشكر الأكبر لمرور غزالك ..!!


أنهمر مطـر سروري عندما عرفت أن عيناك ولمرتين ( تشمس )

قصيدتي .. ولكن ماجلب الربيع لقلبي(الممحل) هـي (السالفة )!!!

:
:أبو فيـصل

(برئة) ردك (تنفس) صبــح القصيدة ..



( بوس لي فيصـــل )

محمد الربع :


شكرا لعطـر مرورك ...


ايها الساكن في الباسق من النخـل..!!