قصيدة للشاعرة/ ودان المطر
البارحة ما نمت والعيـن مـا غفـت
اعد النجـوم وعينـي النـوم عافتـه
افكـر بدنيـاً غامضـة مابهـا حـلا
نعانـي مصايبهـا والايـام قاسـيـة
وانا سبب ماهاضنـي واشغـل الفكـر
حبيباً قسى في الهرج وما ادركت غايته
يمزح يقـول ا تخيـل أنـك فقدتنـي
ومحمـد الغالـي ماعـادك بشايـفـه
وشولون بتعيشيـن عمـرك بدونـي
تخيلـي واحكـي معانـات صـادقـه
ورديـت والعبـرات تخنـق اجابـتی
قلـت اه ياصعـب السوال..واجابتـه
ياليت تعفينـي تـرى القلـب يدمـع
فديـت عمـرك لا تـزود مواجـعـه
وبلحظـة تخيلـت ان هرجـه حقيقـة
وان الله الـقـادر تـذكـر امانـتـه
ولقيت عمـري فـي زمانـي وحيـده
اعيش في الواقـع واقاسـي مرارتـه
واتذكـر اللـى صـار بينـي وبينـه
واهـل دمعاتـن علـى الخـد حارقـه
الناس مـن حولـي كثيـرن عددهـم
لاشك واين القـى عوضـه وبدايلـه
ماعاد لي فـي دنيتـي مـن طماعـه
القلـب عقبـه عـاف حتـى قرايبـه
لامن طرالي صـادق الشـوق هزنـي
وكن الجمر في الصدر توقـد لهايبـه
فـي ذمتـي مافـز قلـبـي لغـيـره
غـلاه مهمـا قلـت مانـي بواصفـه
ياصعب فرقى اللـى خفوقـي يودهـم
ياشيـن فرقاهـم وياشيـن ساعـتـه
يلعنبـو هالوقـت مافـيـه شيـمـه
دايم ومنـه اقلـوب الاحبـاب خايفـه
ياموت دامـك مـن عيونـي سرقتـه
ارجـوك عمـري لاتاخـر نهايـتـه
وفجاءة واذا بصوتن ينـادي حبيبتـي
اثره على الهاتف وانا كنـت سارحـه
ولبيت من قلبي بصوتـه وانـا ابكـي
احزنـت قلبـي يــادواه وطبايـبـه
ماتـدري ان القلـب بيديـك تملـكـه
وفي يديـك تعذيبـه وفيـدك سعادتـه
وقام يحلف والله ما قصـدي اجرحـك
تكفيـن لا تبكيـن دمعتـك غالـيـه
القصد لامن غبـت ابعـرف مكانتـي
وخلاص يكفـي ردة الفعـل واضحـة
