الكلمة اللي ماتجي في محلها
طالبك دون عتاب جنـّب وخلــّـها
0
وانا مانصحتك غير لنّك قريب لي
وانا خابر ان حكاي لك ماتملها
0
تضر الفتى في بعض الاحيان كلمته
وبعض المواقف يصعب احيان حلـّّها
0
وكم واحد ٍ سبّب لسانه مصيبته
من كلمة ٍ صابت خطا .. مافطن لها
0
وجرح المشاعر بالحكي يولد العدا
سيوف ٍ على المسلم حرام ٍ تسلّها
0
تنقى جميل الهرج واترك سوامجه
ترى الناس مثلك تكره اللي يعلّها
0
وترى الكلمه الزينه .. مثل وارف الشجر
ولو ما اثمرت لك طيب .. يكفيك ظلّها
0
وترى قلوب خلق الله صناديق مقفله
ولاغير قول الطيب يقدر يحلّها
0
ولاتجعل المعروف في غير صاحبه
ترى الطيب مع بعض العرب مثل ذلّها
0
ولاخس من رجل ٍ ليا اعطى عطيّـته
مضى وانقضى عمره وهو ذاكر ٍ لها !!
0
تدور الليالي بالصداقات والخوي
وخويك الين أخطا تجاهل وجلّها
0
خطايا خويّك دام تقدر تعدّها
دليل ٍ على صغر الخطايا وقلـّها
0
ولا اشين من وصال المحبين لا انقطع
ولا اقسى من دموع الولايف وهلّها
0
والانسان لاصارت حوايجـْه كايده
تحالت بعينه .. وارخصت لاوصلّ لها !!
0
ياكثر المعاني في قصيدي وخاطري
وانا شيّبت عيني وهي قبل حلّها
0
اذا جاز لك نصحي .. فهذي نصيحتي
واذا مارضيت ابها تجنّب وخلّها
